Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Obufa ewuhọ ke Ami nnọ mbufo! Ema kiet eken. Nte Ami ñkamade mbufo, ntre ke mbufo enyene ndima kiet eken. Edieke mbufo emade kiet eken, do ke kpukpru owo edidiọñọ ete ke mbufo edi mme mbet Mi."
Ewuhọ Mi edi emi: Ema kiet eken kpa nte Ami mmade mbufo.
Owo ndomokiet inyeneke ima emi okponde akan ima enye emi anamde ufan ayak uwem esie ọnọ ke ntak mme ufan esie.
Etop emi mbufo ekekopde toto ke editọñọ edi, ñnyin inyene ndima kiet eken.
Ñnyin imọfiọk ite ñnyin ima iwọrọ ke ñkpa ibe iduk ke uwem; koro ñnyin imade nditọ ete ñnyin. Owo kiet ekededi emi minyeneke ima osuk odu ke ñkpa.
Ñnyin ida emi idiọñọ ima oto ke uwutñkpọ emi Kraist okowutde ke Enye ndikpa nnọ ñnyin. Ndien ntre ñnyin ñko ikpenyene ndiyak uwem ñnyin nduọk nnọ nditọ ete ñnyin.
Edieke owo enyenede inyene ererimbot emi, onyuñ okut eyen ete esie ke unana, edi etre nditua enye mbọm, ima Abasi ekeme didie ndidu ke esit esie! Mme ndima ñkpri nditọ, eyak ñnyin ikuma ke ikọ inua, mme ke edeme, edi eyak ñnyin ima ke edinanam ye ke akpanikọ.
Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi.
Ke edinam emi ke ñnyin ikut se ata ima edide, idighe nte ñnyin ikamade Abasi, edi, edi nte Enye akamade ñnyin, okonyuñ ọdọñde Eyen Esie edidi usio isop mme idiọkñkpọ ñnyin.
Mme ndima ufan, sia Abasi ama akama ñnyin ntre, ke akpanikọ ñnyin ñko ikpenyene ndima kiet eken kpasuk ntre. Akananam baba owo kiet ikwe Abasi, edi edieke ñnyin imade kiet eken, Abasi oduñ ke esit ñnyin, ndien ima Esie ọfọn ama ke esit ñnyin.
Edieke owo ekededi ọdọhọde ete "Ami mmama Abasi," edi enye aka iso asua eyen ete esie, enye edi osu nsu. Koro edieke enye mimaha eyen ete esie emi enye okutde ke enyin, didie ke enye ekeme ndima Abasi emi akananam enye mikwe ke enyin? Ndien Abasi ke idem Esie ama ọnọ ñnyin item, ete, owo ekededi emi amade Abasi enyene ndima eyen ete esie kpasuk ntre.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Ema kiet eken ye ufiop ufiop ima nte nditọ ete ke Kraist. Kpono kiet eken kan nte ekponode idem mbufo.
Ekukama owo baba kiet isọn, ñkukure isọn emi mbufo ekpekamade owo edi ima ndima kiet eken. Owo ekededi emi amade owo nte enye, enim ibet.
Ke edida ñkesim utit, kpukpru mbufo ekpenyene ndinyene ekikere kiet ye udọñ kiet, ema kiet eken nte nditọ ete, enyuñ efọn ido ye kiet eken ye nsuhọde idem.
Akakan ñkpọ edi, ema kiet eken ke ofuri esit, koro ima ofukde ata ediwak idiọkñkpọ.
Ntak iduhọ ndiwet nnọ mbufo mbaña edinyene ima nnọ nditọ ete mbufo emi enimde Abasi ke akpanikọ. Abasi ama ekpekpep mbufo nte mbufo ekpenyenede ndima kiet eken.
Eka iso ndima kiet eken nte nditọ ete ke Kraist. Enyuñ eti ndidara mme isenowo ke ufọk mbufo. Ama enyene mme mmọ emi ekenamde ntem, ndien mmọ ema edara mme enjel ke ini mmọ mikọdiọñọke ite ke mmọ ekedi mme enjel. Eti mme mmọ oro edude ke ufọk ñkpọkọbi, nte mbufo nde edu do ke ufọk ñkpọkọbi ye mmọ. Eti mme mmọ oro ekutde ukut, nte mbufo ekut ukut nde ye mmọ.
Ndien ke kpukpru mme ñkpọ emi edian ima, emi ọbọpde kpukpru ñkpọ adian ọtọ kiet ke mfọnmma edidiana kiet.
Jisọs ama ọbọrọ ete, "Ma Ọbọñ Abasi fo ke ofuri esit fo, ye ke ofuri ukpọñ fo, ye ke ofuri ekikere fo. Enye emi edi akpa ibet ye andikpon ñkan. Ndien udiana aka ntem; ‘Ema mbọhọiduñ mbufo kpa nte emade idem mbufo.’
Edieke mbufo esukde ibuot enọ mme ibet Ọbọñ nte ewetde ke ñwed Abasi ete, "Ema mbọhọiduñ mbufo nte emade idem mbufo," mbufo emenam ọfọn.