Amor fraternal

34 »Na̱tha̱nꞌlaꞌ mbá xtángoo nuxe̱ꞌ rí nandoꞌ rí mu̱ne̱-mbáníílaꞌ: Ga̱galaꞌ ju̱ya̱-mijnálaꞌ. Xómá rí ikhúúnꞌ ndiyoꞌ ja̱ya̱ꞌlaꞌ, xkuaꞌnii máꞌ gágalaꞌ ju̱ya̱-mijná mangáanꞌlaꞌ. 35 Xí ikháanꞌlaꞌ nandalaꞌ ju̱ya̱-mijnálaꞌ, mbá xúgíin xa̱bo̱ mbuyáa̱ rí ikháanꞌlaꞌ ñajwanlaꞌ xa̱bi̱ꞌ tsí na̱sngúún».

12 Ríge̱ꞌ ñajuun rí na̱xna̱-ñájwanlaꞌ: Mbá xúgiáanꞌlaꞌ ga̱galaꞌ ju̱ya̱-mijnálaꞌ, xómá rí nandoꞌ ja̱ya̱ꞌlaꞌ ikhúúnꞌ.

13 Ndawa̱a̱ i̱mba̱a̱ꞌ tsí phú i̱tha̱án nandoo jaꞌñúú xa̱bo̱ xó rí xa̱bo̱ tsí naxnáxe̱-mina̱ꞌ rí ma̱ja̱ñúu ga̱jma̱á numúú iyanga̱jwe̱e.

Gíꞌmaa rí ma̱galóꞌ juꞌya-mijnálóꞌ

11 Ríge̱ꞌ ñajuun ajngáa rí ni̱dxawíínlaꞌ máꞌ asndo nákhí ginii jayu: gíꞌmaa rí ma̱galóꞌ juꞌya-mijnálóꞌ.

14 Xí nandalóꞌ juꞌñúú a̱ngia̱nꞌlóꞌ, a̱ꞌkhue̱n nduꞌyáálóꞌ rí nijríñáaꞌlóꞌ máꞌ inuu rí ma̱ja̱ñálóꞌ, jamí nduꞌyalóꞌ rí xúge̱ꞌ rá. Xómáꞌ xa̱bo̱ tsí tsíyoo jaꞌyoo dxájuu, xóó máꞌ nijáñúu̱ xtáa̱.

16 Ga̱jma̱á majñu̱u̱ ríge̱ꞌ nduꞌyáálóꞌ rí nandoo Ana̱ꞌlóꞌ jaꞌyalóꞌ, rí nixnáxe̱-mina̱ꞌ Jesukrísto̱ rí ma̱ja̱ñúu ga̱jma̱á numalóꞌ. Xkuaꞌnii máꞌ mangáánꞌlóꞌ, jaꞌyoo mu̱xna̱xí-mijnálóꞌ rí ma̱ja̱ñálóꞌ ga̱jma̱á numúú a̱ngia̱nꞌlóꞌ. 17 Xí mbáa xa̱bo̱ gíꞌdoo rí ma̱xtáa-muu ndaꞌyoo rí dxájuu na̱nguá gíꞌdoo rí ma̱xtáa-muu, jamí na̱nguá imbáyúu̱, á nandoo xa̱bo̱ tsúꞌkhue̱n jaꞌyoo dxájuu xómá nandoo Ana̱ꞌlóꞌ jaꞌñúú xa̱bo̱ rá. 18 I̱ji̱nꞌ, ra̱ꞌkhá i̱ndo̱ó mu̱ꞌthánlóꞌ rí nandalóꞌ juꞌya-mijnálóꞌ, rí gu̱snga̱jmálóꞌ rí gakon nandalóꞌ juꞌya-mijnálóꞌ ga̱jma̱á majñu̱u̱ rí nu̱ꞌne̱lóꞌ.

Ana̱ꞌlóꞌ nasngájma rí phú nandoo jaꞌyalóꞌ

7 A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, ga̱galóꞌ juꞌya-mijnálóꞌ, numuu rí Ana̱ꞌlóꞌ nandoo jaꞌñúú xa̱bo̱. Jámba̱a̱ xa̱bo̱ tsí nandoo jaꞌñúú xa̱bo̱, a̱dée Ana̱ꞌlóꞌ ñajuun tsúꞌkhue̱n, jamí naꞌne-nuwii̱n Ana̱ꞌlóꞌ.

10 Xáꞌnii nakujma rí Ana̱ꞌlóꞌ nandoo jaꞌñúú xa̱bo̱: ra̱ꞌkhá ikháánꞌlóꞌ ndiyalóꞌ juꞌyáá Ana̱ꞌlóꞌ, rí ikhaa̱ ndiyoo̱ jaꞌyalóꞌ, jamí nixúngua̱a̱ꞌ A̱dée̱ rí ma̱ja̱ñúu kajngó ma̱goo ma̱ꞌne mba̱a̱ a̱kuii̱n jaꞌyoo̱ aꞌkhánlóꞌ. 11 A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, xí xkuaꞌnii ndiyoo Ana̱ꞌlóꞌ jaꞌyalóꞌ, xkuaꞌnii máꞌ jaꞌyoo rí ma̱galóꞌ juꞌya-mijná mangáánꞌlóꞌ. 12 Maske máꞌ asndo nimbáa xa̱bo̱ ninguáná táꞌyoo Ana̱ꞌlóꞌ, xí nandalóꞌ juꞌya-mijnálóꞌ, Ana̱ꞌlóꞌ xtáa jayu ga̱jma̱á nindxa̱ꞌlóꞌ, jamí ga̱jma̱á majña̱ꞌ ikháánꞌlóꞌ nakujma jaꞌwu rí Ana̱ꞌlóꞌ nandoo jaꞌñúú xa̱bo̱.

20 Xí mbáa naꞌthán: «Ikhúúnꞌ nandoꞌ ja̱yo̱o̱ Ana̱ꞌlóꞌ», jamí tsíyoo̱ gáꞌyoo̱ dxájuu̱, naꞌne-nduwa tsúꞌkhue̱n. Numuu rí xa̱bo̱ tsí tsíyoo gáꞌyoo dxájuu, tsí nandoo ndaꞌyoo̱, xáne lá gágoo ma̱goo̱ jaꞌyoo̱ Ana̱ꞌlóꞌ, tsí tsíyoo mba̱ꞌyoo̱ xúꞌkhue̱n rá. 21 Jamí Jesukrísto̱ nixnálóꞌ xtángoo ríge̱ꞌ: tsí nandoo jaꞌyoo Ana̱ꞌlóꞌ, ga̱goo jaꞌyoo dxájuu mangaa.

10 Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Gu̱ya̱-maku-mijnálaꞌ jamí gu̱ne̱-mba̱ꞌwo̱-mijnálaꞌ.

8 Ma̱xági̱ꞌmáaꞌlaꞌ inuu nimbáa xa̱bo̱. Mbóó máꞌ rí phú gíꞌmáaꞌlaꞌ mu̱ne̱, rí ma̱galaꞌ ju̱ya̱-mijnálaꞌ. Numuu rí tsí nandoo jaꞌyoo xa̱bo̱ numbaa ga̱jma̱á, neꞌne-mbánuu̱ máꞌ mbá xúgíí rí naꞌthán xtángoo.

Xáne gíꞌmaa rí ma̱ju̱wá xa̱bi̱i Ana̱ꞌlóꞌ ná numbaa

8 Rí nda̱wa̱á jayu rá, mbá xúgiáanꞌlaꞌ gu̱ru̱wa̱a ju̱ma̱ꞌlaꞌ. Gu̱mbáñúúlaꞌ tsí guáꞌdáá gajmá. Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Ga̱ñáwíin a̱kia̱nꞌlaꞌ ju̱ya̱-mijnálaꞌ jamí gu̱xrígú-mijnálaꞌ.

8 Phú i̱tha̱án máꞌ gíꞌdoo numuu rí ma̱galaꞌ ju̱ya̱-mijnálaꞌ. Numuu rí phú mbaꞌa aꞌkhán najúgoo xí nandalóꞌ juꞌya-mijnálóꞌ.

9 Xómáꞌ rí jaꞌyoo rí ma̱galóꞌ juꞌya-mijnálóꞌ rá, tsíꞌyóo máꞌ rí mu̱tháánxo̱ꞌ ga̱jma̱á numuu rúꞌkhue̱n, numuu rí jmína̱a̱ꞌ máꞌ Ana̱ꞌlóꞌ niꞌsngálaꞌ ikháanꞌlaꞌ rí ma̱galaꞌ ju̱ya̱-mijnálaꞌ.

Xáne gíꞌmaa rí ma̱ju̱wá tsí nanimbu̱únꞌ juyáá Krísto̱

1 Ga̱galaꞌ máꞌ xúꞌkhue̱n ju̱ya̱-mijnálaꞌ xómá ene̱ mbá guꞌwíin xa̱bo̱. 2 Jamí ma̱xámbumalaꞌ rí mu̱drígúunlaꞌ ná guꞌwálaꞌ xa̱bo̱ tsí naguwá i̱mba̱ janíí. Numuu rí xkuaꞌnii máꞌ nene̱ mbá tikhuun xa̱bo̱ nákhí wajyúú, ni máꞌ túyáa̱ rí ni̱drígúu̱n ánje̱l ná guꞌwúu̱n. 3 Ga̱rmáꞌáan a̱kia̱nꞌlaꞌ ju̱ñu̱ú tsí traꞌi̱in géjwa̱nꞌ, asndo xómá rí ikháanꞌ mangáanꞌlaꞌ traꞌáanꞌlaꞌ géjwa̱nꞌ gajmiálaꞌ. Xúꞌkhue̱n máꞌ ga̱rmáꞌáan a̱kia̱nꞌlaꞌ ju̱ñu̱ú tsí na̱gu̱ma-ngíníi, asndo xómá rí ikháanꞌ mangáanꞌlaꞌ na̱gu̱ma-ngínáaꞌlaꞌ ga̱jma̱á nindxúu̱n.

14 Rí phú i̱tha̱án gíꞌdoo numuu ñajuun rí ma̱galaꞌ ju̱ya̱-mijnálaꞌ, numuu rí ikhaa rúꞌkhue̱n ma̱ꞌne rí mbóó idxa̱ꞌlaꞌ gáꞌne.

8 Phú máján máꞌ e̱ne̱laꞌ xí gakon rí nu̱ne̱-mbáníílaꞌ xtángoo rí phú i̱tha̱án gíꞌdoo numuu, xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ga̱gaaꞌ xtayáá xa̱bo̱ numbaa ga̱jma̱a̱ꞌ xómá rí nandaaꞌ xtaya-mina̱ꞌ ikháánꞌ».