Amor incondicional

8 पोन देव आपापोअ तियाआ मेरेए पुरावू एहें कोइत देखाड़्यू, के जेहेलाम आपू पापीज ओते तेहेलाम ख्रिस्त आपाआ काजे मोयू.

7 एखा धर्मी माहुंउं काजे एखो मोए ओं कठीणुज होये; पोन ओत सेकेहे एखु हाजा माहुंउं काजे मोइलोअ हिम्मत बी कोइत सेके. 8 पोन देव आपापोअ तियाआ मेरेए पुरावू एहें कोइत देखाड़्यू, के जेहेलाम आपू पापीज ओते तेहेलाम ख्रिस्त आपाआ काजे मोयू.

23 काहाके आखाज पाप कोअयुहू, आन देवोअ महिमा रोत सेटे ओत गोयेहे. 24 पोन तियाआ मेरवानी वाअहीं तियी सुटका वाअहीं जे ख्रिस्त ईसु मेहें होय, तें फुकोटो मेहें आखे धर्मी ठरवाअतेहे.

35 कोडो आपुहूं ख्रिस्ताआ मेरेम रोत आलाग कोइत सेकेहे? केहें हाराप, के आफत, के सताव, के काल, के कांगाली, के तारास, के मोत कोइत सेके के?

16 काहाके देवे दुन्यापोअ एतीही मेर कोअयी के, तिये तियाआ एखलू बेटुह्हू आपी देदू, एताआ काजे के जो कोडो तियापोअ विश्वास मिके, तो ने आरवाअहूं जोवे, पोन तियाहा हादाजल्म्योंअ जिवन जोड़ुहू जोवे.

3 यामेहें आपू बी आखेज पेल आपाअ शरीरोअ लालसोमेहें दिही काटतेते, आन शरीरोअ आन मोनोअ इश्शा पुरी कोअतेते, आन बिहीरा माअहोंअ होस सोभावोज वाअहीं देवोहो खोत लागाड़नारे पोर्‍ये ओते.

4 पोन देव जो दयाआ मालिख होय, तियाआ तियी वोडी मेरेए वाखरी, जियी वाअहीं तिये आपापोअ मेर कोअयी, 5 जाहां आपू सुकीइ वाखरी मोल्ये ओते, ताहां आपुहूं ख्रिस्ताअरी जिवाड़्ये; मेरवानीज वाअहीं तुमाआं तारण ओवोहो.✝

4 पोन जेहेलाम आपाअ तारण कोअनारा देवोअ मेरवानी आन मेर मोनवीपोअ प्रगट ओवी, 5 तेहेलाम तिये आपुहूं वासाड़्या; आन ओं आपू कोअल्या हाजा कामोंअ वाअहीं नाहां, पोन तिये सोताआ दया वाअहीं पवित्र आत्मामेहें नविन जल्म आन नविन जिवनो वाअहीं ओवो. 6 देवे आपाआ तारनारा ईसु ख्रिस्ता वाअहीं आपापोअ पवित्र आत्मा जाअखीलुहू ओली देदू.✝

9 देवे तियाआ एखलु बेटुह्हू यी दुन्याम मोकल्युहू, तो याअ काजे काहाके आपुहूं तिया वाईं अमर जिवन जोड़ुहूं जोवे. एहें कोइत तिये आपापोअ मेर देखाड़्यिही.

10 आपू देवोपोअ मेर कोअयी एहलोहो नाहां, पोन तिये आपापोअ मेर कोअयी आन आपाआ पापोअ वोतीइ गाराहा कोत तियाआ बेटाह्हाहा मोकल्यू; याजमेहें खोरी मेर देखाअहे.

19 पेल देवे आपापोअ मेर कोअयी, तिहींइं काजे आपू मेर कोअतेहे.

16 तिये आपाआ काजेहे सोताआ जिव आपी देदू या वाअहीं आपू तियाआ मेर ओलख्यी; आन आपू बी आपाआ पाव्हीइलाआं काजे जिव आपुहूं जोवे.

4 मेर धिर खेटनारो होय, दयालू होय, मेर खोद्राय नाहां कोअतो, आन वोडाय नाहां कोअतो, आन नाहां फुगतो. 5 मेर गांडाय नाहां कोअतो, सोताआ भलो नाहां देखतो, नाहां खिजवाअतो, नाहां खोताअतो.

6 मेर खाराब गोठीम खुसी नाहां कोअतो, पोन सत्या वाअहीं तियाहा खुसी ओवेहे. 7 तों आखी गोठी सहन कोअहे, आखी गोठीपोअ विश्वास कोअहे, आखी गोठीइ आशा कोअहे, आखी गोठीम धिर खेटेहे.

दुस्मोनोहों मेर कोइलोअ

43 "‘ताआ दोस्ती पोअ मेर कोअ, आन ताआ दुस्मोनोअ सीस कोअ’ एहें कोयोतो, तों तुमू उनाअयेहे. 44 पोन आंय तुमुहूं कोहो के, तुमू तुमाआं दुस्मोनोहों मेर कोआ, आन जे तुमुहूं तारास कोआड़तेहें, तियांआं काजे प्रार्थना कोआ. 45 एहें कोइत, तुमू तुमाआं होरगामेर्‍याआ आब्हाआ पोर्‍ये बोणहां; काहाके तो बाक्ता आन हाजा बेनू पोअ बी दिही उगाड़ेहे, आन धर्मी आन पापी बेनू पोअ बी वोऱ्हात पाड़ेहे. 46 काहाके जें तुमापोअ मेर कोअतेहे, तियांपोअ तुमू बी मेर कोअहा, ताहां तुमुहूं कि इलाम जोड़े? नाकेदार बी एहेंज कोअताहा के नाहां? 47 आन जर तुमू फक्त तुमाआं पाव्हीइलाहा एतेज गोगाड़हा, ताहां की वोडो काम कोअतेहे? बिहीरे माअहें बी तेहेंज कोअतेहे के नाहां? 48 तियाहा काजे जेहलुहू तुमाआं होरगामेर्‍युउ आब्हू पाक्कू होय, तेहलेज तुमू बी पाक्के बोणा.

दुस्मोनोपोअ मेर

27 "पोन आंय तुमुहूं कोहो जे उनाअतेहे: तुमाआं दुस्मोनोहों मेर कोआ; जे तुमाआं बाक्तो कोए तियांआं हाजो कोआ. 28 जे तुमुहूं हाराप आपे, तियांहां आशिर्वाद आपा; जे तुमुहूं डाणवे तियांआं काजे प्रार्थना कोआ.

8 आखाम रोत वोडी गोठ ए होय के, एकमेकापोअ वादार मेर कोआ; काहाके मेर पापोहो टापी देहे.✝