Amor próprio
O amor próprio saudável reconhece o valor que Deus nos deu. Fomos criados à imagem de Deus, maravilhosamente formados. Aceitar-se é honrar o Criador.
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
हे परमेशर, मेरे लेई त तेरे खियाल केत्रे बड़े कीमती आन!
तैन केरि तैधातरो जोड़ केत्रो बड्डोए।
अगर अवं तैन गेनि बटेथो त तैना रेती करां भी जादे निसने थिये,
ज़ैखन अवं बींझताईं, त तैखन भी तीं सेइं साथी रहताईं।
ज़ैखन अवं अम्बरे, ज़ैन तीं अपने हथ्थन सेइं बनेवरूए,
ते चाँदनी ते तारे हेरताईं ज़ैना तीं ठहराए;
त फिरी मैन्हु कुने कि तू तैस याद रख्खस,
ते मैन्हु कुने कि तू तैसेरी खबर नेस?
किजोकि तीं तै परमेशरे करां थोड़ो ज़ेरो घट बनेवरोए,
ते महिमा ते इज़्ज़तरू मुकुट तैसेरे दोग्गे पुड़ रखोरूए।
तै कंगाले मित्ती पुड़ां
ते ज़रूरतमन्दे मांज़नी पुड़ेरां खड़े केरतां उच्चो केरते।
कि तै तैस प्रधान्न सेइं साथी,
मतलब अपने लोकां केरे प्रधान्न सेइं साथी बिशाले।
पन यहोवा शमूएले सेइं ज़ोवं, "न त तैसेरे रूपे पुड़ नज़र केरां, ते न तैसेरे कदे पुड़, किजोकि मीं तै काबल नईं समझ़ोरोए; किजोकि यहोवारू तकनू मैन्हु केरू ज़ेरू नईं; मैन्हु त बेइरयूं रूप हेरते, पन यहोवारी नज़र मने पुड़ रहतीए।"
पन तुस तैन केरे ज़ेरे नईं किजोकि तुस परमेशरेरे च़ुनोरे लोक आथ, परमेशर ज़ै राज़ोए, तुस तैसेरे याजक आथ, तुस एरे लोक आथ ज़ैनेईं अपनो आप परमेशरे सौंफोरोए, ते परमेशरेरे अपने लोक आथ। तैने तुस आंधरे मरां बड़े लौई मां कुजेवरेथ, ताके तुस परमेशरेरे महान कम्मां केरे बारे मां एलान केरथ।
कुन दूई पेंइसन मां पंच़ च़ुड़ोली न बिकन? पन परमेशर तैन मरां केन्ची भी न बिसरे। बल्के तुश्शे दोग्गेरे सारे बाल गनोरेन डरा नन्ना तुस त काई च़ुड़ोलन करां भी जादे कीमती आथ।
किजोकि अवं तैस परमेशरेरे अनुग्रहेरे वजाई सेइं ज़ै मीं मैल्हो, तुसन मरां हर एक्की सेइं ज़ोताईं, कि ज़ेन्च़रे समझ़ोरू लोड़े, तैस करां कोई भी अपनो आप जादे न समझ़े, यानी कि ज़ेत्रो विश्वास परमेशरे तुसन दित्तोरोए तैसेरे मुताबिक अपने आपे समझ़ा।
Este artigo te tocou? Faça uma oração!
+581 estão orando agora.
Junte-se à corrente de oração.