Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Zɛɛb naadyeebakwyɛl bot kɔ bɔs, étɛp tak ɛ nyɛ ɛ́ nadhis sim Mɔn’ɛ met. Etɛɛ náá, mot aadum koŋ nɛ nɛ ɔ, needi ààgwyɛ, nyɛ neebela tsik na kɔm-kɔm.
Yɛ ɛ́ mɛ di edjɛ bin ɛtiŋ ɛ na bes náá: Kwyɛlaka pak’en. Ye goka bi kwyɛlel pak’en dáa mɛ nakwyɛl bin ɛ. Bi ɛ kwyɛlel pak’en ɔɔ, yɛ ɛ́ deenek ɛ́ bot aagu náá, bi ɛ́ bɛdjekel bam.»
Tin, Zɛɛb naatel dáa nyɛ di ekwyɛl mena ɛ: Klisto nagwyɛ ɛ́ kɔ ɛsu ɛ lena, é ghɛŋ mena nadika mena dinaa bot ɛ mesyem ɛ.
Nɛ tsɛɛtsɛ, mɛ nɛ gu náá, dhiiti sonok tok nɛ ghwyil ɛbɛk mena nɛ kwyɛl Zɛɛb di nɛ yɛ nɛ nena ɛ:
Ye nakoozodi ɛsyee nɛghu tsik,
ye nakoozodi efofop,
ye nakoozodi edhiiti ekukuma,
nɛghu membi mɛ mɛbwala mɛ di pɛ tɔ gwoo ɛ,
ye nakoozodi etɛp e mos nɛghu etɛp e djɛmɛn,
ye nakoozodi esa e mɛbwala mɛ di tɔ gwoo nɛghu pɛ si bɔs ɛ,
ààkobɛ-bɛak sa wat nakusaa-kusak ɛ,
ye tok nɛ sa wat di nɛ ghwyil ɛwa ndje tɔ kwyɛl di pak bis nɛ Zɛɛb ɛ.
Zɛɛb naalyaal mena kwyɛl tak kɔ ɛsu ɛ Yezu Klisto Ghɛŋ’enaka.
Mot di ekwyɛl mɔɔ sɔ mot ɔ, nyɛ tok nɛ ghwyil ɛsa nyɛ sa ɛbiyo. Tin, wɔ kwyɛl sɔ’ɔ mot ɔɔ, wɔ eelooba nɛ etsi djas.
Kwyɛl ɛ́ ɛmaad, kwyɛl ɛ́ ɛsa enɛm esa, kwyɛl tok nɛ zok, kwyɛl tok nɛ ɛbet, nɛghu ɛghɛa nyel. Kwyɛl ààsa etɛp e sen, kwyɛl ààsa ekaa, kwyɛl ààbiyo, kwyɛl tok nɛ ɛbuk tɔ lyem nɛ mot. Kwyɛl ààmyaala nɛ embee etɛp. Tin, nyɛ myaala ɛ́ nɛ etsɛɛtsɛ. Kwyɛl nɛ pel etɛp djas, kwyɛl nɛ myaal etɛp djas, nyɛ ɛ́ nɛ ɛbwaalel nɛ etɛp djas, nyɛ ɛ́ nɛ mɛghaaz tɔ etɛp djas.
É di’enek, kwyɛl ɛ́ kɔm-kɔm. Tin, mɛkpa di egoolaaa bot dum nɛ Zɛɛb ɛ, yɛ aanàbaagoolaaa dhiiti dwoo. Elii ee bot di elii ɛ, yɛ aadi ɛ́ si. Ɛgu ɛ bot ɛ bɔs ɛ waasi.
Tin, mot di ààdi tɔ kwyɛl ɔ, nyɛ ààgu Zɛɛb, etɛɛ náá, Zɛɛb ɛ́ kwyɛl.
Ye tok nɛ bwoo tɔ kwyɛl, tɛtɛ kwyɛl nɛ dis bwoo. Etɛɛ náá, mot dyeebadi nɛ bwoo ɛ, é ghɛŋ nyɛ di tɔ bhwood feŋ ɛ. Mot di nɛ bwoo ɔ, nyɛ ààgu sa di edjóoaa tɛtɛ kwyɛl ɛ.
Etɛɛ náá, ɛkwyɛl Zɛɛb ɛ́ ɛlooba nɛ mɛtiŋ mɛ. É di’enek, mɛtiŋ mɛ tak tok nɛ mezuk,
Yɛ kabɛ esa e Sisim na Dɛɛ di edjɛ ɔɔ, yɛ ɛ́: mɛkwyɛla, mɛmyaala, egwyem, ɛmaad ɛ lyem, embɛɛ, enɛm esa, nɛ esosoob,