16 "Bʉʼka Nyii nə kʉ̀ʉ wʉʉnəmbikə yɔ́ŋyɔ́ŋ mənɔ, ɔ kɔ́ mbyu Vaa-ɛ imɔʼ mbɔ wotəmiyɔŋ ndə ɔ bɛ́ŋ ɔŋ, bíeleʼnə kwú bɛ́ fɛ, bɔŋ bu kie məchímbi təmə liʼ-i ghɔ fɛ.

34 Nduɔ, nɔʼ m̈ɔ kɔ́ ŋkahə fefe tʉ bii. B̈ii kʉ̀ʉ ŋwɔŋtə-ii, haʼ ndə mɔ nɔʼ kʉ̀ʉ bii, mbəŋ-yii ghɔ nɔ kie ndə məkʉ̀ʉ ŋwɔŋtə-ii. 35 Kaʼ bii kʉ̀ʉ ŋwɔŋtə-ii, i chìi wʉʉnəmbikə kínə mbɔ bii nɔ bɛ vâafɔʼɔ-bɔŋ."

8 Nyii bɔŋ nɔʼ dʉ̀ʼ ŋkʉ̂ʉ-i tʉ bʉʼʉ mbɔ, ndʉʉ ndə bʉʼʉ kə bíe mu bʉ̂ʼtə-ʉʼʉ, Klai gwè kwú yie-bʉʼʉ.

38 Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə 39 təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.

10 Ŋkʉ̂ʉ kyinə nə fɔ̀ʼ mɔ̀ʼmbɛ tʉ wo-kətoʼ-e fɛ, nɔ, ŋ̃kʉʉ nɔ tʉ́ʼ nuʼ-Nyii.

4 Ŋkʉ̂ʉ nɔ bɛ məyá-fyii leʼnə buuŋjyu, ŋkʉ̂ʉ kyinə bàabʉʉ fɛ byuunɔ bʉ́ʼ fyii fɛ, i kaa ŋaʼtəkə fɛ 5 byuunɔ məmɔ̀ʼ tʉ-vyii-wo-kə fɛ. I kyinə lyʉ̀ʉ haʼ ndəŋ yi-yə fɛ, i kyinə chʉʼ yùhə ndə məbàa tʉʉ fɛ, byuunɔ bə́ʼtə tyʉbə ndə mɔ̀ʼmbɛ mɔ̀ʼ fɛ, 6 ŋkʉ̂ʉ kyinə chʉ́əʼtə te nu-bʉəbʉə-kə ndə ibɛʼ-yə wo chìi fɛ, ĩ bɔŋ nɔ chʉ́əʼtə te shʉəŋ. 7 Ŋ̃kʉʉ nɔ bɔ̀ŋtə nubə inchəŋ, bɛ́ŋ nubə inchəŋ, kə́ kie fyii shʉ́əshʉ́ə ndəŋ nubə inchəŋ bɔŋleʼ yá fyii ndəŋ nubə inchəŋ.

8 Ŋkʉ̂ʉ kyinə lìʼ fɛ. Mətéʼ ntəŋ ndə i gwè hə kəghɔ-Nyii bu yi lìʼ, məkwə́ʼ ŋgiebə-ŋkʉʉŋkʉʉ, yi lìʼ, ndaa bu nə lìʼ.

8 Wo ndə ɔ gòʼ təmə kie ŋkʉ̂ʉ fɛ, kínə Nyii fɛ, bʉʼka Nyii nɔ bɛ ŋkʉ̂ʉ.

18 Ntɛ ŋkʉ̂ʉ-ɔ kie faa-kwu-kə fɛ, bʉʼka ŋkɛŋ ŋkʉ̂ʉ ndə ĩ gɛ̀ kùu nɔ tyʉ́əŋhə faa-kwu-kə inchəŋ mɛ̀ʼ bɔ̌ŋ. Bʉʼka w̃o ndə ɔ fàa, nɔ gɛ̀ ghɔŋbə ŋkwɔʼtə mbɔ bə bu gwúu ɔ. Yɔ̄ŋ-yə dʉ̀ʼ mbɔ ŋkʉ̂ʉ-Nyii bɛ mu ɔŋ gɛ̀ kùu fɛ.

3 Məkʉ̀ʉ Nyii nɔ bɛ mbɔ bʉʼʉ tʉ́ʼ bəŋkahə-bi təmə bəŋkahə-bi bɔŋ shʉ́ə ndə mətʉ́ʼ fɛ.

22 Bɔŋ L̃yʉʉhəNyiikə nɔ kʉ́ʉnə ŋkʉ̂ʉ, tʉʉjyu, fyiighʉ́ənə, məyá fyii, nuʼ jyujyu, məfɔ̀ʼ bʉʉ, məgìe shʉəŋ,