Amor verdadeiro
O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.
Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha moonyi wu bilima na bilima.
Me miipa benu mukele wu munyatihi: tondosonwani. Benu lafwana utondosono, we bu me atondi benu. Tso benu libaatondosono, buuna boosi sa bayaaba ti benu lili bayihi ba me.»
Ka mono buni Nzambi hamweesi bunene bu litondo la nde mu bisu: ŋa bisu laaba kini banga masumu, Kristo akwidi mu tooni a bisu.
Eye, me ndi na tadi ti,
a hu bibaayaka na dyambu tso limosi,
bibaayaka luutwala utahula bisu na litondo la nde ve:
tso lipfu, tso moonyi,
tso bapofi, tso bipfumu,
tso taangu a loloyi,
tso taangu yi yili mu uya,
tso matwala ma pila mu pila,
tso matwala ma hu yulu, tso ma ŋa toto,
tso pasi iloho hi Nzambi havanga.
Isiha tso imosi utwala utahula bisu na litondo,
bibaayaka Nzambi hamweesi bisu mu Yisu Kristo Pfumu a bisu ve.
Wu ubatondo, a habasa bibaayaka libi tso limosi huli muna a nde ve. Ni mu buuna, litondo bibaayaka muna a nde ni ukuhasa hu Mikele myosi.
Litondo lili na mukami, lo lili na bulembo, lo nyengi ve, lo nyeme ve, na lo a libaasaha umonehele ve. Litondo a libaasa mambu ma tsonyi ve, lo nyinga ve, lo a libaakwakesi ve na lo a libaakaanga piinga ve. Litondo a libaamono kinya mu mavaanga ma mabi ve, ka lo libaamono kinya mu mambu ma imbuli. Litondo libaakunda moosi. Mu pasi dyambu, lo libaaba na imiinu, na hiitu, na mukonono.
Litondo libaakwilala mu bilima na bilima. Ubihula sa hufwa hu busu, bungodu bu utoyo mandaha ma pila mu pila sa bufwa, na nzaabili sa yidimbala.
Ka muutu wu aveletondo bana, kini a hayaabi Nzambi ve.
Mu tooni ati, Nzambi ni litondo.
Hutso litondo, boomo tso hoole ve. Ka litondo li laakuha, libaabinga boomo, mu tooni ati muutu nga boomo, ni wu ubaakeele tsyembili. Ni mu buuna, muutu nga boomo bwa Nzambi, litondo la Nzambi kini a laayele mu nde ve.
Ni mu buuna, utondo Nzambi ni usiingala mikele mya nde. Na usiingala mikele mya nde, a huli na pasi ve.
Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,