Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Wɔmɔ yɛɛ ɛbɔle me nwo nane ne ye ɛleka biala a; wɔmɔ yɛɛ ɛnwonle me wɔ ɔmɔ ako ɛzɛne ne anu a. Meye wɔ ayɛlɛ, ɔluakɛ ɛ nwo yɛ ɛzulolɛ nee nwanwane; debie biala mɔɔ ɛyɛ la le nwanwane, na eza ɔyɛ ɛzulolɛ. Meze ɛhye mesie wɔ me ahonle nu. Me sonlabaka mumua ne anvea wɔ wɔ mekɛ mɔɔ ɛnee bɛlɛyɛ me fealera nu wɔ ɔmɔ akunlu la. Nwanwane nu ala yɛɛ bɛyɛle me wɔ azɛlɛ ne abo nehane a. Bɔbɔ mɔɔ ɛnee bɛtɛyɛle me la, ɛnee ɛze ɔmɔ amodinli ne. Wɔ buluku ne anu yɛɛ bɛhɛlɛle me nwo ninyɛne ne amuala wɔ nu wɔ mekɛ mɔɔ ɛnee bɛtɛnrenzɛle me la a, bɔbɔ wɔ mekɛ mɔɔ ɛnee bɛtɛyɛle me nwo debie biala la.
O Nana Nyamenle, nea kɛ wɔ adwenle ne mɔ sonle bolɛ maa me bie a! Nea bɛ tɛtɛbonle kɛ ɔde a!
Ɛhye a le kenle ne mɔɔ Nana Nyamenle ɛhyehyɛ la; bɛmaa yɛli fɛlɛko, na yɛ nye ɛlie wɔ nuhua!
Ɔlua zɔhane ati, kilehile yɛ maa yɛdia yɛ mekɛ ne, amaa yɛanyia nrɛlɛbɛ nwo adwenle wɔ yɛ ahonle nu.
Wɔmɔ yɛɛ mehisa wɔ vi me mbɛda nu a; wɔmɔ yɛɛ ɛyele me ɛvile ɔmɔ akunlu a; dahuu me ayɛlɛyelɛ dwu ɛ nwo zo.
Debie kokye a mebiza mefi Nana Nyamenle lɔ a; debie kokye a mekpondɛ a: Kɛ menwɔdɛnla Awulae aako nu dahuu, na menwɔnwu ye anyunlunyia kɛnlɛma ne, na menwɔzonle ye wɔ ye Asɔne Sua Kpole ne anu.
Wɔmɔ yɛɛ ɛbɔle me a; yɛɛ wɔmɔ a wɔnlea me nwo zo wɔvi me ngakula nu too wɔrakpula ɛnɛ a. Sumunli kɛ bɛwole me la, metɛkoatile wɔ ɛlɛ; yɛɛ dahuu noko ɛle me Nyamenle.
Akee kakula ne nyinle wɔ nrɛlɛbɛ kpole nu, na Nana Nyamenle ɛlolɛ ne noko dɛnlanle ye nu.