Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Magumuchadi lan línsiñehabu Aburemei
Ru humá seremei lun Aburemei ladüga buiti,
ani magumuchaditi línsiñehabu.
Anihán weyu le ídanbei luadigimarida Aburemei:
Gunda wamá uguñe!
Eremuhani luagu lareini Aburemei
Nalawahabei Nabureme súnwandan,
leremuhaba niyuma lun súnwandan.
Nabureme nérebei, le óunigirubalina;
luagu temenigida nanigi ani íderagua lumutina.
Gúndaatu lubeiti nanigi;
neremuhaba, ru aume seremei lun Nabureme.
Rúhadibu ugundani tidoun nanigi
sügǘ hau ha gíbebei türigu tuma diwéin hama.
Barufudubei lémeri ibagari nun.
Anihein óunwenbu ugundani biñuarü;
anihein buiduu le magumuchaditi burugabu.
Ábanrügüñein katei namuriahan luma Nabureme,
ábanrügüñein katei nabusenrun:
Lun tidan nan luban Nabureme lidan sun nibagari
lun náhuduragun lun lúbiñe,
aríaguaneime lanarime lubuidure.
Arufudahabá woun lun wabahüdüni waweyuri buidu,
ragǘ láamuga wachügü lichú aau.
Afayeiruahaü aban ibagari migifeti houn gürigia ha richaguabaña,
ítara liña hagaruban kei aban ridi.
Here nibureingiña hapantagülebei;
hagaruban wéiyaaña mutu henebesebei.
gama lumoun ha hemenigibaña luagu Aburemei,
súnwandan hibihuba lan iseri erei,
gayaraabei háhamahan kei ágila;
gayaraabei héibaagun gama lumoun mabuchabei hawagu,
gayaraabei héibugun ani gaguraasunmémebaña.
Sügühali bián-wein-seingü irumu lúmagiñe lariñaguni Wabureme katei le lun Moisesi, lidan meha dan le añaheingua lubéi Ísüraelina éibuga lidan fulasu mageirawati, ani keiti líchuguni lererun, anahagua wínwanñu. Guentó gádürü-wein-seingü irumu nau, gama lumoun héregidina kei dan meha le lóunahanbalina Moisesi aríaahei fulasu, ani gayaraagili nánhingichun, gayara nageindagun kei meha dan lügüra.
«Binilabu Wabureme, góunigi lábume;
gundaalá Wabureme bau, arufudaléime lareini bun;
hínsiñehabula Wabureme bun, ru ligíame darangilaü bun».
Numada hínsiñeti nun, nayumuragun lun Bungiu lun buidu lan lidin sun katei bun, lun giñe magadiñe ban ítara keisi buidu lan lidin bun lidan béibugun luma Kristu.