24 Duuchchi Woddik Gootti hucceexxi barra tenneten;

ise’ninna gammando; illillinso.

1 Duuchchi Woddika Gootta galateeffatte!

Isi eloke kademmaxxeenna arda duuchchii wodda eeyyammaxxee

Duuchchi Woddika Gootta galateeffatte.✝

2 Anxe lubboo, Duuchchi Woddika Gootta galateefat;

isixxa arijummanna deetoxxe’e;

1 Duuchchi Woddika Gootta saada danchaten,

Ee Lumokee Magenoo summa atika faarsa eloxxen.

2 Gorsa jaalala atixxa haaso’a

xuurameessumma atixxanna hashsha lallaba danchaten.

5 Mufe isixxi shiixxoxxe yanna’aten;

Elle isixxi kinni hedhotike bari duuchchi’aten; hashsha oodhishshate kaddoole

gorsa kinni gammashshote kadda.

2 Anke jaaloo! Lubboti elo qico hexxeteshshanni fayyatinna elo qico hexxatoshshanna yaane duuchchi ati’a qajeeldo’a soodataannen.

13 Ati anxa giddixxa manjumma dada’eetten;

anxe amake godobi giddo

loobbe’e anee daddetek ateten.

14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

15 Ani sho’ik dademenne wodda

dhi’moo godobi giddo dademenne wodda

micci anki duuchchinna ati edo sho’eemabaan.

16 Ille atixxi, anxee amake godoba’ni munde ititebaa wodda anee affeen;

ani’a murendeexxi barruwwa

atike maxaafa’n borreeseende’een.

17 Ee, Mageno ati ani’aa affe’eetik yaadi yo’oshsha ulfaatekenna ba’lake kadeemmaxxee’e

ani ege’naa dande’abe’non.

13 Ati anxa giddixxa manjumma dada’eetten;

anxe amake godobi giddo

loobbe’e anee daddetek ateten.

14 Ani maso mambe’ake kadee’e dademeennaxxee’e

ateee saadda’eennen;

huje atixxi mambe’aken;

tenneenna ani adda ege’neennen.

15 Ani sho’ik dademenne wodda

dhi’moo godobi giddo dademenne wodda

micci anki duuchchinna ati edo sho’eemabaan.

16 Ille atixxi, anxee amake godoba’ni munde ititebaa wodda anee affeen;

ani’a murendeexxi barruwwa

atike maxaafa’n borreeseende’een.

6 Anxe amake godobanaa’n ilemannoshsha assitteetek ateten;

ilemennexxenni telchi qico’n ate’n irkateennen;

aninna atee duuchchi wodda saadannon.

10 Ama anxike godoba’ninna anee heqqiteteki ateten;

anxe ilenshaxxe barranaa’n ati, anke Magenon.

9 Atendeemman ani nage’ik ilemannoshsha assite’eetak;

unu’naannaxxa yannanna anee heqqiteetaak atenden.

10 Ama anxike godoba’ninna anee heqqiteteki ateten;

anxe ilenshaxxe barranaa’n ati, anke Magenon.

4 Yessuus Kiristoosi badhadha ifika ha’no’a uwweexxe duuchchi wodda Mageno galateefata’enne.

24 « ‹Duuchchi woddike Gootti atee eebbisoo;

atee heqqoo;

25 Duuchchi Woddik Gootti ati’a alba farri hiyyoo;

ati’anna mararoo;

26 Duuchchi Woddik Gootti alba atibaa wirri hiyyoo;

nage’a ifikanna ati’a uwwoo.› »

7 Tee anxe eeyyemalloo danchumma ate’n gunde’een;

unshinaachchonna affeboxxon.

25 Ise jabbaxxenna ulfaatte’exxe,

hegerinna gammadda’n hexxaan.

26 Haasotta wodda beekkumik haasottaan,

haaso’i iseki giddonna eloke gorsa hedheen.

30 Danchumma la’o affebaan, dhaggatinna ba’aachchon,

Duuchchi Woddika Gootta sodaattaxxi manjichcho kinni jajendaan.

31 Arree ulfinniinke kallachaani;

isenna afendaaki qullichcha manjo’niteni.

3 Ani Phawuloosi ha’noo kassi hiyyyanno wodda duuchcha Mageno anka galateefataannen;

12 Beekuma qalbetika anfannoshsha

bari no’ok hittee qico harumaake kadeexxa no’oo barachchiis.

4 «Ee, Duuchchi Woddike Goottaa! Anxe Hedhoka muuxama, anke barrika laakkossanna ane’n ege’nishshi;

bari ankinna rake’e sa’aneeke kadeexxa ege’no.

5 Kunse, baro anka taakkoti qicike assittette;

wogga anxinna ati edo maachchonnabaan;

dhugaaten, manji duuchchixxi hedho shuu hite’e saxxaammaxxe diidallon.

11 Hedhotika oranna ane’ni leellishshatton;

aninninni welti hexxe’e gammachiissatton;

atike midda’ninna duuchchi woddi’a hafuura adhdhate hexxeen.✝

7 Manni midhatanna woyinetixxa booka alfe wodda gammada irra

hedho anxe’ni lumoxxa gammashsho wonshite’eeten.

4 Duuchchi Woddika Gootta mitte yaane kadhataanen;

kadhataannelchinna: hedho anxike baro duuchcha,

Duuchchi Wooddike Goottike mineni hedhonnoshshanna Duuchchi Woddike Goottixxa danchumma uuda’ni saadonnaanna galma isike’n soodatonnaaten.

6 Dhugaaten, baro anke duuchcha’ni,

elle atixxinna shaqqunte atixxi anxa duuka me’itaan;

baro anke duuchcha’n aninna Duuchchi Woddike Goottike mine’n hedhaannon.

1 Anga anxa bagedokee,

qubba anxanna lolakee leenjiseek

rassa anxi Duuchchi Woddik Gootti saademowaal.

2 Isi eeyyallo anke Magenonna

jabake gollan,

anee anjiraake anke gollaan;

iso’ni gollatannoxxe anxe wonte,

ardikinna ani’a hiremaashsha assaak isoten.

6 Duuchchi Woddik Gootti hariire moyaashsha asseeka gargaaraaxxa ta’a ane’ni aagge;

woyyichcha iimike ifike galma’n hedhe’e sooddachcho laqeexxi injiffato’a isi’a hunna

lummoxxa uwwaan.

7 Mitti mitti ifixxe gaare’ni adata;

no’o kinni Duuchchi Woddike Gootta no’oke Magenixxe hunna’ni addantannon.

8 Inssa’ne guggufantee inbaan;

no’o kinni qophphi hine ke’nee jabante uurrinnannon.

3 Ani Duuchchi Woddiki Gootti isoo heqqannon;

duuchchiin wodda iso’n wode’ekanna ha’wisannon;

tennexxee ayyinna isoo miidhabaan;

hashsha barra isoo heqqannon

4 Duuchchi woddiki Gootti ha’nook Mageni ha’noonni wolti me’ammaxxee midditte alfitinaan» hiyye.

3 Gootti kinni addatemeedheeke kadeemmaxxee, isi ha’noo jabeesaan, elobaaxxenaa’ninna ha’noo heqqaan.

14 Kaddolenna, no’o duuchchi wodda Kiristoosinni injifantanoke asseexxi no’o’o akeeka’nekenna eloka foole afeexxe shittoshsha Kirsitoosixxe anfeenexxa ege’na bonchcho duuchcha’ni geesinsanooshsha asa’neeke Magen’a galati gewowaali!

7 Lolakenna kadoole giisse loleenne; hokoketika anka gongichchonna muuxami qico’n gonge’eennen; amana anxanna heqqedheennen.

45 Gootti kaddaan hiyye ise’n kuleexxa amandeexxi ise eebbisendeexxen.»