20 Wäarent hee dit em Senn haud, kjikj, een Enjel vom Harn kjeem em Droom no am un säd: Josef, du Sän von David, fercht die nich, Maria, diene Fru, no die to nämen; wiels daut, waut en ar aunjefongen es, es vom Heiljen Jeist.

5 Oba de Enjel säd to de Frues: Fercht junt nich! Ekj weet, daut jie Jesus, dän Jekjriezichten, sieekjen. 6 Hee es nich hia, wiels Hee es oppjestonen, soo aus Hee jesajcht haft. Komt häa un seet de Städ, wua de Har jeläajen haft. Mat 12:40; 16:21; 17:23; 20:19; Apj 5:36

53 Ooda meenst du, daut Ekj nich nu kunn mienen Voda bedden un Hee Mie fuaz mea aus twalw Legionen* Enjel schekjen wudd?

30 Un de Enjel säd to ar: Fercht die nich, Maria, wiels du hast bie Gott Jnod jefungen. 31 Un kjikj, du woascht schwanga woaren un eenen Sän jebuaren, un du saust sienen Nomen Jesus nanen. Jes 7:14; Mat 1:21-23

10 Un de Enjel säd to äant: Fercht junt nich! Wiels kjikj, ekj vekjindj junt groote Freid, dee fa daut gaunze Volkj sennen woat;

14 Iea* to Gott em Hechsten, un Fräd oppe Ieed, aun de Menschen een Wooljefaulen. 4Mo 6:26; Luk 19:38; Efs 2:14,17

10 Jrod soo, saj ekj junt, es doa Freid ver Gott siene Enjel äwa eenen Sinda, dee Busse deit.

10 Un aus see stia nom Himmel kjikjten, aus Hee noppfua, kjikj, doa stunden twee Mana en witte Kjleeda bie äant, Luk 24:4 11 dee uk säden: Jie Mana von Galiläa, wuarom sto jie hia un kjikjen nom Himmel? Dis Jesus, dee von junt noppjenomen es en dän Himmel, woat jrod soo komen, aus jie Am haben seenen noppfoaren nom Himmel. Luk 21:27

1 Lot de breedaliche Leew bliewen. Joh 13:34; 2Pe 1:7 2 Vejät nich, gaustfrie to sennen; wiels doaderch haben eenje onweetent Enjel oppjenomen. 1Mo 18:2-3; 19:2-3; Ree 12:13; 1Pe 4:9; 3Joh 1:5-8

1 Wan ekj met Menschen un met Enjel-Tungen räd un hab nich Leew, dan sie ekj een schaulendet Messinkj un eene kjlinjende Zimbel jeworden.

16 Un aunerkjanlich groot es daut jettliche Jeheemnis: Gott wort jeopenboat em Fleesch, jerajchtfoadicht em Jeist, erschienen to de Enjel, jeprädicht to de Heiden, jejleeft von de Welt, oppjenomen en de Harlichkjeit. Mat 16:19; Joh 1:14; Apj 28:28; Ree 1:4; Efs 1:20-21

16 Wiels de Har selfst woat met eenem Roop, met de Stemm von däm Haupt-Enjel un met Gott sien Trompeet vom Himmel raufkomen, un de Doodje en Christus woaren ieescht oppstonen. 17 Doahinja wie, dee wie läwen un äwajebläwen sent, woaren met äant tojlikj en de Wolkjen noppjenomen woaren, däm Harn en de Loft to bejäajnen; un soo woa wie auletiet bie däm Harn sennen. Joh 12:26

5 Wäa äwawint, saul jekjleet woaren met witte Kjleeda, un Ekj woa sienen Nomen nich von daut Läwens-Buak utlaschen, oba Ekj woa sienen Nomen ver mienem Voda bekjanen un ver siene Enjel. Mat 10:32; Luk 10:20; Opb 7:13

38 Wiels ekj sie äwazeicht, daut nich Doot, nich Läwen, nich Enjel, nich Ferschtentiema, nich Machten, nich Jäajenwuatjet, nich Tookjinftjet, Efs 6:12 39 nich Huaget, nich Deepet, un kjeene aundre Kjreatua kaun ons scheeden von Gott siene Leew, dee en Christus Jesus es, onsem Harn. Ps 73:23-26