1 De Eltesta, aun Gajus, dän Jeleewden, dän ekj en de Woarheit leew. 2Joh 1:1 2 Jeleewda, ekj wensch äwa aules, daut du muchst Erfolch haben un jesunt sennen, soo aus uk diene Seel erfolchrikj es. 2Joh 1:4 3 Wiels ekj freid mie sea, aus Breeda kjeemen un von diene Woarheit* zeijden, jrodsoo aus du en de Woarheit waundelst. 4 Ekj hab kjeene jratre Freid aus dee, daut ekj hia, daut miene Kjinja en de Woarheit waundlen.

5 Jeleewda, du haundelst tru en däm, waut du aun de Breeda un aun de Framde deist, 6 dee von diene Leew Zeichnis jejäft haben ver de Jemeent; un du woascht goot doonen, wan du äant wieda brinjst, wirdich ver Gott. Tit 3:13 7 Wiels om sien Nomens haulwen sent see rutjegonen un nämen nuscht von de Heiden. 1Kor 9:12 8 Doawäajen sull wie soone oppnämen, om daut wie muchten Metoabeida fa de Woarheit sennen. Heb 13:2

9 Ekj schreef aun de Jemeent, oba Diotrefes, dee jieren well de Väaschta mank äant sennen, nemt ons nich opp. 10 Doawäajens, wan ekj kom, well ekj am aun siene Woakjen denkjen-halpen, dee hee deit, wäarent hee met beese Wieed jäajen ons pludat; un am es daut nich jenuach, hee selfst nemt uk nich de Breeda opp un wäat dee, dee daut doonen wellen un stat äant ut de Jemeent.

11 Jeleewda, doo daut Beese nich no-open, oba daut Goode. Wäa Goodet deit, dee es von Gott; wäa oba Beeset deit, haft Gott nich jeseenen. 12 Däm Demetrius woat von aulem, un von de Woarheit selfst, goodet Zeichnis jejäft; un wie zeijen uk, un jie weeten, daut ons Zeichnis woarhauftich es.

13 Ekj haud väl to schriewen, oba ekj well die nich met Tint un Fada schriewen, 2Joh 1:12 14 oba ekj hop, die boolt to seenen, un wie wellen mintlich unjarenaunda räden. 15 Fräd met die! Doa jreessen die de Frind. Jrees de Frind biem Nomen.