20 Hayang'ali yotongelela ichinu acho, malaika wa Imndewa kamlawila mndoto kamlongela, "Yosefu mwana wa Daudi, uleke kupfuka kumsola Maria imwehe wako, kwaapfila inda iyali nayo kaipata kwa uwetso wa Loho Yelile.

5 Malaika ayo kawalongela iwapinga, "Mleke kupfuka, kwaapfila nomanya mwombama Yesu iyawambighwe mna msalaba. 6 Ng'alibaha bae, katsilihuka ka pfayalongile. Mtse mlole hanu hayawasile.

53 Angu ng'ammanyile bae ka ning'adahile kumlomba Aba wangu, naye ang'anighalile makingili ghe asikali kubita kumi na meli ghe wamalaika watse kunyapfila.

30 Malaika kamlongela, "Mariya, uleke kupfuka! Imulungu kakutendela uluso. 31 Kutsokinda inda na kutsakweleka imwana immale, kutsomwing'a taghwa Yesu.

10 Lekeni malaika ayo kawalongela, "Mleke ukupfuka! Niwaghalila imbuli inoghile, iitsowadeng'eletsa iwanu wose.

14 "Utunitso kwe Imulungu yali uchanya ng'ani kulanga,

na tseghamba kwe iwanu iwali mne isi yose iwanoghelighwe naye."

10 Pfipfila nowalongela, malaika we Imulungu watsodeng'elela kwe imunu yumwe yane nzambi kutsileka nzambi tsake."

10 Hawang'ali wotsodola tsinenge kulanga Yesu hang'ali yakuka, bahala iwanu weli iwapfalile maghwanda matselu wema habehi yawo, 11 walonga, "Mwemwe iwanu wa Galilaya! Ebali mwima hano mwolola kulanga? Yesu yuyuno, iyasolighwe kuna mwemwe kughenda kulanga, katsakuya keli ka pfipfo pfammwonile kakuka kulanga."

1 Mghendelele kwinoghela chindughu. 2 Mleke kwisemwa kuwabokela iwahenza mmakaye mwenu, kwaapfila kwa kutenda apfo iwanu wangi tsawawabokela wamalaika aku ng'awamanyile bae.

1 Hata ka nodaha kulonga lugha tse iwanu na tse wamalaika we kulanga, lekeni ka nahela unoghelo, nene neghala na malati iikema hela au tsimbughi.

16 Ukweli iughubulighwe we inoghola yetu mkulu ghendo.

Yeye tsakoneka mne lumbo lye imunu,

tsakalangusighwa ne Ghumuhe ghwe Imulungu ka kanogha,

tsakoneka ne wamalaika,

tsakapetighwa mghati mwe iwanu we isi tsingi,

tsakatogholighwa muisi mwose,

tsakasolighwa kuchanya kulanga kune utunitso.

16 Kwaapfila Imtwatsa mwenyegho katsohulumka kulawa kulanga, hamwe na laghitso, na litsi lya malaika mkulu we kulanga hamwe ne litsi lye malati ye Imulungu, na iwanu iwafile aku womtoghola Kiristu tanu watsotsilihuka. 17 Kuya twetwe itung'ali waghima, itusighale tutsosolighwa hamwe nawo mne libingu kwitingana ne Imtwatsa kulanga. Apfo tutsokala hamwe ne Imtwatsa ghamatsuwa ghose.

5 Ayula iyohuma katsopfatsighwa ghamaghwanda matselu ka wawo. Na nene sitsolileghusa mbe taghwa lyake mna chitabu cha ughima, na nitsolitoghola taghwa lyake hambele ha Aba wangu na hambele ha wamalaika wake.

38 Kwaapfila tsanimanya ghendo kuduhu ichinu ichidaha kutubaghula na unoghelo wake, si lifwa bae wala ughima, si wamalaika wala pfinyamkela wane ingupfu, si pfinu pfa sambi wala ipfikutsa, 39 si ighali hasi, wala ighali kuchanya, wala chochose ichilumbighwe, kuduhu ichidaha kutubaghula na unoghelo we Imulungu iuli mghati mwa Kiristu Yesu Imtwatsa wetu.