Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Ama koga razmislingja te kerel adava, o angjeli e Gospodareskoro alo leske ko suno hem phengja leske: "Josif, čhavo e Davideskoro, ma dara te le e Marija romnake, soske o čhavo soj ki late tano taro Sveti Duh.
A o angeli phengja e romnenge: "Ma daran! Džanava deka rodena e Isuse so mulo ko krsto. Ov nane akate; uštilo taro mule, sar so phengja tumenge. Aven hem dikhen o than kaj so pašlilo.
Tu mislineja deka našti te rodav me Dadestar te bičhavel mange odma akana poviše taro dešuduj vojske angejla?
A o angeli phengja lake: "Ma dara, Marije! Adaleske so arakhlan milost anglo Devel. Tu ka ačhove khamni hem ka bijane čhavo, i ka de le o anav Isus.
Ama o angeli phengja lenge: "Ma daran! Akje anava tumenge šukar haberi, so ka anel bari radost sa e manušenge!
"Slava e Devleske ko učipe,
a ki phuv mir e manušencar, so lencar o Devel tano zadovolno!"
Isto agjar, vakerava tumenge, asavki radost isi maškar o angejla e Devleskere bašo jekh grešniko so pokajnela pe."
Bizo sumna, bari tani i tajna tari pobožnost:
Ov sikavgja pe ko telo
sine opravdimo taro Duho,
sine dikhlo taro angejla,
sine propovedimo maškar o sa o nacije,
ki leste o manuša verujnge
hem sine voznesimo ki slava.