20 Lakini paawasage panga nyo, malaika wa Bwana ngampitya kwa ndi’la yo lota, ngammakia, "Yusupu wa mwana wa Daudi, kaneuyogope kunkobeka Malia, kwa mwanjaa utopelwe wabile nawo aupatike kwa makakala ga Loo Mpeleteu.

5 Yu’lu' malaika ngaabakia balu' alwawa, "Kanemuyogope, kwa mwanjaa nitangite panga mumpala Yesu ywaabambilwe. 6 Ntu’pu' pano, kwa mwanjaa ayu’kite kati mu’lu' mwaabaite. Mwisange samulole pandu pabanng’onjike.

53 Buli, Utangiteli panga niwesa kwalu’ba Tati' bangu', nabembe bawesa niletya saa yi’yi’noyi’no ipi’nga yaipi’ta ku’mi na ibi’li' ya malaika kuniyangatia?

30 Malaika ngammakia, "Malia, kaneuyogope, nnyino Nnu’ngu' akupendile. 31 Ulu’a yi’ma ndumbo, waalu’a papa mwana nnalu’me, na lina lyake wantine Yesu.

10 Malaika ngaabakia, "Kanemuyogope! Ninnetyangite Abali Inannoga yo napusika muno, yailu’a kwapata bandu boti.

14 "Utukupu kwa Nnu’ngu' kunani,

na amani padunia kwa bandu baapendi ywembe."

10 Na mwenga nendakummakia, ngamo baanapusika malaika ba Nnu’ngu' kwa kummona mwene sambi yumo kammuyangania Nnu’ngu'."

10 Pabaabi balo kabalingulya kunani, imukya bandu abi’li' babaaweti magu’bo mauu bayi’mi papipi nabo, 11 ngababaya, "Mwenga mwabandu ba ku Galilaya, mboni muyi’mi kamulingulya kunani? Ayu' Yesu ywatolilwe bu’ka kasinu yenda kunani, alu’a buya kai' nyinyonyo kati mwamumweni kayenda kunani."

1 Muyendeli pendana kati mwaalongo. 2 Kanemulibali kwakemya ageni, kwa mwanjaa kwo panga nya bandu bi’ngi' baakemi malaika pangali tanga.

1 Ata nikalongela kwa luga ya bandu na ya malaika, mana nikotwike baa na upendo yapanga sawasawa na ndu’ti ya lilebe au liki’ngi’li' lyalikong’ondelwa pangali kitumbu.

16 Eloo, iyo yaiumukulilwe ya imani yitu ngu’lu',

Ywembe aaumukulilwe kwa uyi’me wa mundu,

aakong’ondelilwe na Loo Mpeleteu panga mwene aki,

aabonekanilwe na malaika,

aalilwe pakatikati ya bandu ba mataipwa,

Aau’bi’lilwe mudunia,

aau’bu’yilwe kunani kwa utukupu.

16 Kwa mwanjaa Bwana aaisa bu’ka kunani pamope na lilobe liku’lu' lyene amuli, na lilobe bu’ka kwa malaika nku’lu', na lilobe lya lipenga lya Nnu’ngu'. Na aumini ba Kilisitu babawile baalu’a longolya yu’ka. 17 Bu’kapo, twatwaalu’a ba twabau’mi twaalu’a yangabanika pamope nabo li’nga kwembana na Bwana Yesu kumaunde. Ngapo twaatama nakwe milele.

5 Ywaasinda, nang’walika ngu’bo uu kati bo. Naaliputali lina lyake mukitabu sa ukoto katu, kai' nannyi’ki’tya nnu’ngi' ya Tati' na malaika babe panga ayu' nga ywangu'.

38 Kwa mwanjaa kakape nitangite panga ntu’pu' kili’be sosoti sakiwesa kutulekangania na upendo wake, wala kiwo, wala ukoti, wala malaika au makakala gi’ngi' ga kunani, wala gagapitya nambi’yambi', wala gagaalu’a pitya nnu’ngi', wala utawala, 39 ntu’pu' sakibile kunani yitu wala pai' yitu, wala kyumbe si’ngi' sosoti kiwesali kutulekangania na upendo wa Nnu’ngu' waulayite kwitu kwa ndi’la ya Kilisitu Yesu Bwana witu.