Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
एहें कोत तो तियी गोठीइ बाप्तिम विसार कोअया कोअतुतो, ताहां पाला, प्रभुउ एक देवदुत तियाहा होपनामेहें दर्शन आपीत कोयो, "दाविदोअ पोर्या, योसेफ, तू मरियाअरी वेहवाल कोइलोअ बिही मा, काहाके तियीइ जो पोटू होय, तो पवित्र आत्मा वाअहीं होय.
देवदुत तियीं बायींहीं कोयो, "मा बिहा, माहूं मुंदू होये, के तुमू ईसुहू जो क्रुस खांबोपोअ सोड़वाअयुतो तियाहा होदतिही. तो इंहीं कायनाहां, पोन तो तियाआ वसनोअ अनुसार जिवीत उठ्युहू; आवा, ओ जागू पाला, जिहीं प्रभु लोटीत रोयुतो.
केहें तू नाहां समजीइतू के, आंय माआं बाह्हाहा रावणी कोइत सेकोहो, आन तो देवदुतोंअ सेयनिकोअ बारा तुकड़ी रोत बी वादार माआं कोअते मोकलीत सेकेहे?
ताहां, देवदुते तियीही कोयो, "ए मरिया, बिही मा, काहाके देव तावाअहीं खुस होय. पाल, तु उंगलित रोही, आन ताहूं एक सोऊ ओवे, आन तु तियाआ नाव ईसु मिकजी.
ताहां देवदुते तियांहां कोयो, "मा बिहा; काहाके पाला, आंय तुमुहूं, हाजी बातमी कोहो, जे आखा माहुंउं काजे वोडी खुसीइ गोठ होये,
"जुगोम देवोअ महिमा,
आन धरती पोअ होक ओवे, जियां वाअहीं तो खुस होय!"
एहेंज कोइत एका मोन फिरावनारा पापीइ वोतीइ होरगा मेहें देवदुतोंअ सामने खुसी ओवेहे ओं आंय तुमुहूं कोहो."
तियाआ जाअलोअ वेले जेहेलाम तें जुगोअहें एक सारकेज पालित रोयेते, तेहेलाम पाला, बेन माटी पांडे साअके पोवित रोल्या तियांआं जागे आवित उबा रोया, आन कोयो, "ए गालीलवाला, तुमू काहा जुगोअहें पालतेहे? ओज ईसु, जो तुमाआं जागे रोत होरगामेहें विसाइत गोयुहू, जेहें कोइत तुमू तियाहा होरगामेहें जात्लाहा देख्युहू, तेहेंज कोइत तो फाशुउ वापिस आवनारु होय."
विश्वासी कोत एकमेकाअरी मेर कोइत रोवा. पावणाय तोइलोअ विहिराअहा मा. काहाके यावाअहीं थोड़हा जोओं ओजाणेमेहें देवदुतोंअ पावणाय कोअयिही.
जर आंय माअहोंओं आन देवदुतोअ बाशाम गोगो आन मेर ने कोओ, ताहां आंय वाजनारी ठाली आन खिकलीइनारी झांजेए होस होय.
यामेहें किज फिकर कायनाहां के भक्तीइ दोडपाअली गोठ सादी कायनाहां, मोन्ज्ये,
तो जो माहुंउं बोणीत कोइत आयू,
आत्मामेहें धर्मी ठर्यु, देवदुतोहों देखाअयू,
देसो-देसोमेहें तियाआ परसार ओवू,
आन दुन्यामेहें तियापोअ विश्वास कोआयू
आन तो महिमामेहें उसे विसाइत गोयू.
काहाके प्रभु सोताहाज होरगाम रोत उतरे; तियी वेले पोअ वोडू आवाज, आन मुख्य देवदुतोअ शब्दाआ आवाज होंबलाय, आन देवोअ तुरी फुकाय; आन ख्रिस्तामेहें जे मोयेहे, तें पेल जिवित उठे. तेहेलाम आपू जे जिवते आन वासाइत रोहूं, तेहलेज तियाअरी वादला पोअ हावामेहें प्रभुहू मिलीइलोअ काजे विसाइत जाहूं.
जों जिके तियाहा एहेलेज पांडे आंगड़े जोड़े, आन आंय तियाआ नांव जिवनोअ पुस्तकोम रोत ने खुड़ो, पोन माआं आब्हाआ आन तियाआ देवदुतोअ सामने तियाआ नाव मानित लेहीं.
माहूं पुरु भरिवसू होय, काहाके नाहां मोत, के नाहां जिवन, नाहां देवदुत, के नाहां आधिकार, नाहां ओमेएं के नाहां आवता दिहोअ गोठी, नाहां ताकत, नाहां जुगोमेएं के, नाहां धरतीइ निसेए, कोड्लीज बी सेक्ती आपाआ प्रभु ख्रिस्त ईसुमेऱ्यीइ देवोअ मेरे रोत आपुहूं आलाग नाहां कोइत सेकती.