Anjos

20 Se benɛ Yosef hwɔɔ si nɛ e ngɛ sane nɛ ɔ he susue ɔ, e nɔ mahe mi nɛ e nla nɛ Mawu bɔfo ko ba da si ngɛ e kasa nya nɛ e de lɛ ke "Yosef, David bi, mo ko ngmɛɛ Maria he, ejakaa e bɔɛ ajuama. Mumi Klɔuklɔu ɔ nɛ ha nɛ e da si ɔ nɛ.

5 Kɛkɛ nɛ bɔfo ɔ de yi ɔmɛ ke, "Nyɛ ko ye gbeye, ejakaa i le kaa nyɛ ngɛ Yesu nɔ nɛ a sɛu lɛ ɔ hlae. 6 E be hiɛ ɔ, e te si kaa bɔ nɛ e de ɔ. Nyɛɛ ba nɛ nyɛ ba hyɛ muɔ ɔ mi he nɛ a dla lɛ ngɛ ɔ.

53 Anɛ o susu kaa i be nyɛe ma bi ye Tsɛ nɛ amlɔ nɛ ɔ nɔuu e ma ha mi hiɔwe bɔfohi akpe abɔ nɛ a ba fa ye he?

30 Se bɔfo ɔ de lɛ ke, "Maria, o tsui nɛ ko po, Mawu to e yi mi kaa e maa jɔɔ mo ngɛ nyakpɛ blɔ pɔtɛɛ ko nɔ. 31 E be kɛe kulaa nɛ o maa da si, nɛ o ma fɔ binyumu. Biɛ nɛ o maa wo lɛ ji ‘Yesu.’

10 Se bɔfo ɔ ha mɛ tsui nɛ e de ke, "Nyɛ tsui nɛ ko po, ejakaa i ma nyɛ manye kɛ bua jɔmi munyu titli ko nɛ hine je ɔ tsuo nɔ́ demi.

14 "Anunyami ha Mawu ngɛ hiɔwe lokoo, nɛ tue mi jɔmi nɛ ba zugba a nɔ ha nihi nɛ a ni peemi ni sa e hɛ mi ɔ."

10 Ja a kɛ̃ nɛ hiɔwe bɔfo ɔmɛ tsuo a bua jɔɔ ngɛ yayami peelɔ kake nɛ tsake e tsui ɔ he."

Abɛ kpa hu nɛ e bu mɛ kɛ tsɔɔ e munyu ɔ nya ji,

10 Benɛ a pee yaa kɛ ngɛ hiɔwe hyɛe gaa a, nyumuhi enuɔ nɛ wo tade futa ba da a kpɛti tlukaa, 11 nɛ a de mɛ ke, "Galilea bi, mɛni he je nɛ nyɛ daa si ngɛ hiɔwe hyɛe gaa kikɛ ɔ? Yesu ɔ je kɛ ho hiɔwe ya, nɛ bɔ nɛ e plɛ kɛ je ɔ, e maa kpale kɛ ba ja a nɔuu ligbi ko."

Slɔmi kɛ sɛ yemi

1 Nyɛ ha nɛ anɔkua nyɛmi suɔmi nɛ hi nyɛ kpɛti. 2 Nyɛ ko kpa nihi nubwɔ peemi; ejakaa kɛ gu enɛ ɔ peemi nɔ ɔ, nihi pee bɔfohi nubwɔ nɛ a li.

Nɔ́ ko nɛ kle pe kulaa ngɛ je ɔ mi

1 Ke i tuɔ gbi kpahi nɛ ngɛ hiɔwe kɛ zugba nɛ ɔ nɔ nɛ i kase we tete, se i be ni kpahi a he suɔmi ɔ, lɛɛ i ngɛ kaa ngmlɛ nɛ pɛɛ gu.

16 E ji anɔkuale kaa Mawu jami si himi wa mohu, se e wɛ kɛ ha Kristo, nɔ nɛ kple si kɛ ba zugba a nɔ ngɛ he lo mi, nɛ a nɛ yayami ko ngɛ e he ɔ. E he tsɔ ngɛ mumi mi, nɛ Mawu bɔfohi sɔmɔ lɛ. A fiɛ e he sane ngɛ jejeeje nɛ a he lɛ atuu ngɛ he fɛɛ he. A ngɔ lɛ kɛ ho hiɔwe ya ekohu ngɛ e anunyami ɔ mi.

16 Ejakaa Nutsɔ ɔ nitsɛ ma kple si kɛ je hiɔwe kɛ ngmlaa nɛ nya wa, kɛ hiɔwe bɔfo nɔkɔtɔma a gbi kɛ ha klaahi a he wami womi, kɛ Mawu titimati pɛmi nɛ nya wa. Kristo se nyɛɛli nɛ gbo ɔmɛ kekle maa te si kɛ ya kpee Nutsɔ ɔ. 17 Nɛ lɔ ɔ se loko wɔ hɛ kali ɔmɛ nɛ piɛ ngɛ zugba a nɔ ɔ, waa kɛ mɛ kulaa ma futu ngɛ bɔ kuu ɔmɛ a mi kɛ ya kpee lɛ, nɛ waa kɛ lɛ maa hi si kɛ ya neneene.

5 Nɔ tsuaa nɔ nɛ maa ye kunimi ɔ, a maa wo lɛ tade hiɔ, nɛ i be e biɛ gbee ngɛ Wami Womi ɔ mi gblee, nɛ ma wo e biɛ ta ngɛ ye Tsɛ kɛ e bɔfo ɔmɛ a he mi.

38 Ejakaa i heɔ yeɔ kaa gbenɔ loo wami loo bɔfohi loo abosiamihi a je he wami ɔmɛ tsuo, loo níhi nɛ wa ngɛ gbeye yee mwɔnɛ ɔ, loo haomihi nɛ maa ba wa nɔ hwɔɔ, 39 loo hiɔwe loo wo sisi lokoo nɔ́ ko nɔ ko be nyɛe ma gba waa kɛ Mawu suɔmi nɛ wa Nutsɔ Yesu Kristo je kpo kɛ tsɔɔ wɔ benɛ e gbo kɛ ha wɔ ɔ kpɛti.