20 Bu nde hakatsima buuna, pofi a Pfumu ayamonehele na nde mu ndoosi, na aleeli: «Yosefi, mwana a Davidi, abata boomo mu uvolo Mariya mukadi a we ve, mu tooni ati, mu Livupu la Ngidi nde amiibaha yimi.

5 Ka pofi atoyi na aleeli huli bakaasu: «A liba na boomo ve. Me nzaabi ti benu Yisu wu baakomini ŋa kuruwa lili mu usaha. 6 Nde a hali ŋaniiŋa ve, nde miisuuha mu babaakwa we bu nde haaleeli. Yaani, yamonwaani mbuha yi baasuusi nde.

53 We kaahu a hayaabi ve ti me utwala uvondo likumbasa huli Taata a me, na masulubete, nde utsindaha me bapofi ba balahi ba baalutahala makonge kuumi na moole ma balwani?

30 Pofi aleeli Mariya: «A baa na boomo ve! Mu tooni ati, we miibaha hyese ŋa busu bwa Nzambi. 31 Mono, we ubaha yimi, we ubuta mwaana wa bahala, na we uluha nde nduhi Yisu.

10 Ka pofi aleeli bo: «A liba na boomo ve, ka me miinza mu uyabisa benu Musamu wu Mubwe wa kinya yindahi mu baatu boosi:

14 «Muyusu huli Nzambi hu hati mayulu,

na hyenze ŋa toto huli baatu ba nde hatondo.»

10 Ni bumosi ka, me ndeele benu, huli na kinya ŋa hati li bapofi ba Nzambi mu tooni a nga masumu mumosi wu misobo mbiili.»

10 Bu bo baakatala hu yulu hu Yisu hakayene, baatu boole ba baaba baalwata bikutu bi bifuka, baayamonehele ŋa busu bwa bo. 11 Baatu mo baana baaleeli bo: «Benu bisu Ngalili, hima benu lamiiteleme ŋa, mu ubaatala hu yulu? Yisu mo wunuuwu, wu Nzambi amiimasa ŋa hati la benu mu ubita hu yulu, uyafutaha we bu benu limoni nde mu uyene.»

1 Kwilalaani hutso litondo li bumwana bu bungu. 2 A livusahana usalila nzakili yimbwe ya byenyi ve; mu tooni ati, mu nzakili mo yiina, bakima baayaki bapofi hwavele uyaaba✝.

1 Tso me ndi mu utsuha mandaha ma baatu na ma bapofi, me upele na litondo, me a handi na tsoongo ve. Me apfwanina na kulambeete buuve binzanza bi bili mu usa kele.

16 Mu mbuli, muutu utwala utuna love ti, tswehi matsimi ma inzambi, yi Nzambi hayabisi bisu, yili yinene.

Kristo ayamonehele huli bisu mu linyutu li musunya,

Livupu la Ngidi laasilisi,

ti nde li wu akuha.

Nde amonihili huli bapofi,

na baayabisi tsangu a nde, huli ba bavele Bayudaayo.

Baayaki nde na hiitu mu tsi yoosi,

Nzambi asyenuli nde mu muyusu.

16 Baatu buuyuha ndaha a mukuutu bapofi*, na puunga a kulambeete a Nzambi. Hiina ni iliimbu hya ti, Pfumu nde mwakulu sa ayakulamana. Ba baakwidi mu Kristo sa batswamina usuuha. 17 Na titswene, bisu baa luusaala moonyi mu taangu mo yiina, sa bavolo bisu itwadi na bo mu mayidu, mu ubwana na Pfumu hu yulu. Na bisu sa liba na Pfumu nzyeni.

5 Ni mu buuna, wuuna wu ubiinga, buulwatisa bikutu bi bifuuka. Me a upfwinzala nduhi a nde mu libuuku la moonyi ve. Me utiila nde imbangi ŋa busu bwa Taata a me, na ŋa busu bu bapofi ba nde.

38 Eye, me ndi na tadi ti,

a hu bibaayaka na dyambu tso limosi,

bibaayaka luutwala utahula bisu na litondo la nde ve:

tso lipfu, tso moonyi,

tso bapofi, tso bipfumu,

tso taangu a loloyi,

tso taangu yi yili mu uya,

tso matwala ma pila mu pila,

39 tso matwala ma hu yulu, tso ma ŋa toto,

tso pasi iloho hi Nzambi havanga.

Isiha tso imosi utwala utahula bisu na litondo,

bibaayaka Nzambi hamweesi bisu mu Yisu Kristo Pfumu a bisu ve.