Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ndikomya wang’holozangu, silingulonga kota namhegwa ndolendole ayo, ila ndangukola mbuli imwe, ndangusemwa gala gapulute na kikangaza kugabatilila gala gawele kumwando kwa heni. Lelo ndangubilima leka fiche kuli kuduma, leka mbochele yila ndolendole ya ukomu wa mazuwa gose, ndolendole ayo ndo nyhemo ya Nguluwi ya kuluta kilanga kwa nzila ya kilumba na Yesu Kilistu.
Ndangubilimila kuli kuduma
Silingulonga kota nafika ama nhanganika. Ndangulutilila kikangaza leka ndiipate yila ndolendole iwele kwa ayo ndolendole Yesu Kilistu nakembata leka ndiwe wa heye. Ndikomya wang’holozangu, silingulonga kota namhegwa ndolendole ayo, ila ndangukola mbuli imwe, ndangusemwa gala gapulute na kikangaza kugabatilila gala gawele kumwando kwa heni. Lelo ndangubilima leka fiche kuli kuduma, leka mbochele yila ndolendole ya ukomu wa mazuwa gose, ndolendole ayo ndo nyhemo ya Nguluwi ya kuluta kilanga kwa nzila ya kilumba na Yesu Kilistu.
Hetwe tweng’ha tuwele natukangala kuli makundo twanguganigwa tijese mbuli ayi. Ila wone wamwe wa hemwe wangijesa vinji, lelo Nguluwi kowagubulilani mbuli ayo.
Wone Munhu yoneche yowa mgati mwa Kilistu nakawa chilumbigwe chinyale, mbuli za katali nazikola, mbuli zinyale nazuya.
Kitumbila ng’hatu
Yatogoligwe Nguluwi na Mhaza wa Mkulu wa hetwe Yesu Kilistu! Kwa isungu lya heye likulu natupegwa ukomu unyale, leka tupegwe utumbilo uwele na ukomu, kwa kukolela kuzilipuka kwa heye Yesu Kilistu,
Gwa Nguluwi, umhe heni nhumbula yelile,
uwiche mgati mwa heni muhe unyale na uwele nzinzili.
Uleche kumbika kutali na hegwe,
uleche kumbusila Muhe Welile wa hegwe.
Usindamale hali Mkulu Nguluwi, umbeteze kwa kwimilila,
uleche kitunya kwa chiwalo cha wala wawele mbuli za hewo zanguwalutila goya,
wala walingudita goya kuli mbuli za hewo za wihe.
Mjeze mone Mkulu Nguluwi vyoyawele yanojile.
Nakatambichizwa munhu yalingubilimila kikala goya kwa heye.
ila weng’ha walingitumbila kwa Mkulu Nguluwi,
wopata mong’ho unyale.
Woguluka kwa mabawa kota ikungule,
wobilima ne kutoka,
wojenda ne kutweguka nhumbula.
Kwa ago geng’ha, mibatilile igano kwa vila igano naliting’hanizaga chila chinhu kuli uhamwe wenele. Nako kikala goya kwa Kilistu kuwe kuli nhumbula za hemwe, kwa vila Nguluwi nakawachema leka mikale goya kuli lukuli alo lumwe. Kahi mlonje malumbo.
Nakadita chila chinhu chiwe chinojile kwa mhela wake. Nakatupa maya ga kugazela gawele golawila, ila hatupele kuvizela ng’hatu kuwala gala gawele Nguluwi nakagadita kulawa mwaluko mbaka kuduma.
Wahaza wa hetwe hano muisi nawatuzapa kwa mhela uchefu hela, kota hewo vyowawene inoga, ila Nguluwi kangutukanya kwa chiwalo cha kututanza twetwe baha, leka tuwe welile hali heye. Kuzapigwa haiwele mbuli inojile ila ya kigala masinzo. Ila wala walanguswe kuwahulichiza, hamba wobeta chonolo cha kikala goya kuli ukomu ulingumnojeza Nguluwi.
Kidayila kwa chiwalo cha mitondo
Munyhulichize lelo, hemwe mlingulonga, "Lehano ama mitondo, toluta kuli muji wunji, tochikala kula kwa mhela umwe, toguza vinhu na kupegwa lufufu." Hemwe hamlinguvizela ukomu wa hemwe woneche vyouwa mitondo. Ukomu wa hemwe ndo choni? Kwa vila hemwe mwa kota ng’hungugu ilingoneka mhela udo hela, hamba yangwaga. Hemwe namwahaganigwe kulonga, "Wone Mkulu yagane, tochikala na kudita hino ama liyage." Ila sambi mwangidaya na kitogola. Kidaya kwa hemwe kweng’ha ako hakunojile hebu. Lelo, munhu yalinguvizela kudita ganojile, ila halingudita, munhu ayo kangudita gehile.