Ano novo

13 Anke dayyuwwa ani ookko geyeenneshsha ifi uudabe’no; yaane kinni mitte yaane assannoxxi ani’a uduma hedheechcho dedha’n edii’n abidonnaa hedheechchibaa hiixatannon. 14 Mageni Kiristoosi Yessuusi darre’n anee iimi’a ye’emmaxxee badhaasa alfonaa ookko geya hassisammaba’a geyonaa hurru hiyyaane.

Herregendeeba Geyaate Gonga

12 Tenne duuchcha affleennen yookaan hasissaaxxa duuchcha wonsheennen hiyyotebaan; yaane kinni Kiristoosi Yessuusi ane’e ifike assedheexxi qixxesemmachcho alfatee edi’a hixatannon. 13 Anke dayyuwwa ani ookko geyeenneshsha ifi uudabe’no; yaane kinni mitte yaane assannoxxi ani’a uduma hedheechcho dedha’n edii’n abidonnaa hedheechchibaa hiixatannon. 14 Mageni Kiristoosi Yessuusi darre’n anee iimi’a ye’emmaxxee badhaasa alfonaa ookko geya hassisammaba’a geyonaa hurru hiyyaane. 15 Yoonna no’o ammaagnummati bokkineennek duuchching, yaane duuchcha konne qicinni uuda no’a hassissa; mitte mitte yaa’ne’n anfenneeke yaada’n welinaa’n gortinoolenna Mageni eettene yaanenna ha’no’a ifisaan.

17 Tennexxee ayyinna Kirsitoosini mittomoole isi haarooxxe dadani. Dullate dada saxxe’eni; kunse haaroxxe dada kade’een.

Hexxaaxe Addexxee Magenoke Shiqeeka Galata

3 Lumoxxe isixxe marartenaa’ni kexxeexxa Yessuusi Kiristoosi reyotenaa’n ke’atixxe buuttonni hexxaaxxe adde’a kaddaaxxa haarroxxe ilensha’a oose ifixxe asseeki Gootta no’oke Yessuusi Kiristtoosik Anni Mageni saademmowwaal.

10 Ee, Magenoo! Ca’itte qalbe ani’a dadi;

addatendaaxxa qalbe ani’a uwwi.

11 Alba atik edii’n anee bayyissoxxe’e;

woyyichcha atika Haafuuranna anenaa’n adhdhitoxxe’e.

7 Duuchchi Woddike Gootti edo sammi hite’e

ossati isoo heqqedhi;

ori isi’a qajeeleeke

fuggoxxa assaake manjixxee bojogendoxxe’e.

8 Duuchchi Woddik Gootti eloke kadeexxa muxxine uudde;

isoo gollake assedheeke manjixxa wodo.✝

31 Duuchchi Woddike Gootta’ni addante he’naake’e kinni

haaroonse’ma’ne me’inaan.

Sinbiriinsha keelik ke’naan:

gonginaani gonphabaan

me’inaani shaqqinabaani.

11 Ha’no’a afeenneka yaada anende age’nenen; kunni yaadinna hegere ha’no’a eldaashsha addachisaake yaada malee’e ha’no’o midhakebaan;

25 Ca’ichcha wode’e ha’no’ni fixannon; ha’nonna ca’a hitinaan; battummatena’ninna magenonfatinammaxxe ha’nooxxe fakkuwwa duuchchanaa’ni qullonsannon. 26 Haaroxxa qalbe ha’no’a uwwannon; haaroka hafuura ha’no giddo uggannon; kinjiinxa qalbe ha’nona’ni hoyyannon; shaqqaxxa qalbe ha’no’a uwwannon. 27 Hafuura anka ha’no giddo uggannon; aada anxa hordofinashshanna seera anka xonxommatina’ni heqqexxinaashsha assannoni.

14 Tenne duuchchi iimi darre duuchchiinxe yaane’a wo’ma mittumma iyyedaggaxxa jaalala oddo’we! 15 Mitte manjunteke biso kaddineemmaxxee ye’endinnechchi konne nage’i’aate kadeemmaxxee Kiristoosik nage’i qalbe ha’nooxxe moyowwaal; galatefattinaakenna kadde.

11 Mageni yaane duuchcha yanna isexxe’n kaddaashsha seese giissedheen. Manjiinxe sammo giddonna edi’a kaddaaxxa ege’natixxa halcha uggeen; kaddo malee Mageni hujeexxa duuchcha manji sirtenaa’n muuxamii qico’ni ege’nabaan.

10 No’ok annuwwi insa’ne’ni eloxxe fakkaatexxi leelitee qicinni heenoxxe yanna’aa no’oo xinxa’nemman; yaane kinni Mageni no’oo isixxa woyyumma qoodemmannoke kandannoshsha no’oxxe la’o’aa no’oo mura woxisaan. 11 Mura woxa eettene yanna’ni yaadisaa malee’e gammachchiissaxxe fakkaatabaan; uduma kinni isoo barateeke manni’a nage’i wo’meexxa qullumatixxe gumma insa’ne’aa afissaani.

Ifi Dukate’e Uwwendeexxa Xexxe’achchiisa

13 Ha’noo «Telcho yookaani soodo ookkone qachchibaa mare’e mitte wogga ofo’lanon; ookko’o daddalnexxi ibilsinannon» hitina’neki laqqe. 14 Soodo kaddaaxxa midde egendinebaani; hedho ha’nooxxi isenni maachcho? Ha’noo heenooxxe yanna leelitexxi hirbange’n ba’aamake fincinke hafuurshaten. 15 Tenne erra ha’no’o hiyya hassissaaxxi «Magniinxe fedhi kaddoolenna he’naanole tenne yookaan eettene assinnannon» hiyyaa hassissaan. 16 Ta’a kinni ha’noo holla ha’nooxxenni kijibina’neen. Iittaa hexxeexxi ifi duka duuchchi fuggoxxen. 17 Yoonna eloxxe kaddeexxa yaane assa hasisaaxxa ege’na’ninni hedhee assabaak manji cubbo hujaan.