Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Andoo a mɛ̃, me b’otal mɛ̃, mɛ̃ k’etsam wɛn mɛ̃ ŋ’emeebɔɔ ebvakab wɛ. Kɛn a mɛ̃ ebesa ndɔɔ ngamɔ̃ yi: Mɛ̃ ebedzɛɛn ãndɔɔ mbueel m’ãli ke mbee a mɛ̃, bvool mɛ̃ ebewɛɛl mpɛn me mã ke nkwel. Mɛ̃ ebetsuu ntiin tiil ntɔ, me ndɔɔ yi ebɔ ebvakab ki éti Nziã mɛ̃ mbel fa ywel me ndɔɔ a kyɛ, onse bvoo ye Mãsia.
Otsuu o ntiin tiil ntɔ
Ke mɛ̃ eyɛɛn wɛn mɛ̃ ŋ’emebɔɔ ebvakab wɛ, wuo wɛn mɛ̃ ŋe ngyii ɔ̃koo wɛ. Kɛn a mɛ̃ ebetsuu ntiin me ndɔɔ yi esa mpɛn yi ebɔɔ kyɛ, ke ngwel wɛ mɛ̃ hɛ̃ Yeso Mãsia ámaabɔɔ mɛ̃. Andoo a mɛ̃, me b’otal mɛ̃, mɛ̃ k’etsam wɛn mɛ̃ ŋ’emeebɔɔ ebvakab wɛ. Kɛn a mɛ̃ ebesa ndɔɔ ngamɔ̃ yi: Mɛ̃ ebedzɛɛn ãndɔɔ mbueel m’ãli ke mbee a mɛ̃, bvool mɛ̃ ebewɛɛl mpɛn me mã ke nkwel. Mɛ̃ ebetsuu ntiin tiil ntɔ, me ndɔɔ yi ebɔ ebvakab ki éti Nziã mɛ̃ mbel fa ywel me ndɔɔ a kyɛ, onse bvoo ye Mãsia. Obobɔ, bia-byɛ bueel b’emeekwel onse okiool, ekal y’ãtsam omɔ̃. Okɛɛn me ndɔɔ ngamɔ bubu, byɛ etsam emfa ekyam, Nziã àyɛɛl byɛ yɔ.
Ŋɛn mbuul oli onse Mãsia, ndɛ ŋ’ayii mbuul wa alili wu ebuo Nziã: Ãndɔɔ m’ãtsɔɔn ãfi, m’alili ãwel mboo.
Kaã li obvuul
Bia-byɛ elweel Nziã wu Tal a Mfam a bia-byɛ Yeso Mãsia! Ndɛ wɛn me nyiĩ a ndɛ, osi kwɛn aburu bia-byɛ li nsa yuaal, me nkuul a osiool o Yeso Mãsia onse b’ákwi-ákwi. M’emfa okyɛ, bia-byɛ ekal ye kaã li esa kwɛn bia-byɛ ekal y’elaã.
Ke ywel ãndɔɔ omɔ̃ bueel, ekal ye dzii. Lɔ li ebvool baal m’emfa ki ɔ̃koo. Yɔɔl kwɛn opi o Mãsia b’áti byɛ mbel ke bɔ k’ekal nzuru ngamɔ̃, okal y’okwɛn onse ɛ̃kwal ɛ̃ byɛ! Ekal ye tuɛɛn!
Ke ngwel wɛ, atal a bia-byɛ ákeseel bia-byɛ nkuul me lio etsi-tsiri, m’emfa ki edzii ɛ̃kwal ɛ̃ bɔ. Kɛn a Nziã abeseel bia-byɛ me ndɔɔ a bvel e bia-byɛ, kwɛn bia-byɛ ekal ansensal onge ndɛ. Mbuul wu oli y’esɛ ŋ’aseel ndɛ nkuul k’ali wɛ. Ke ngwel wɛ, oseel o nkuul oli ndɔɔ yi ãwua. Kɛn a ke mbee, bɔ osa kwɛn baal b’abɔɔ bɔ akal dzu bvool abɔɔ opi.
Ebee y’ondɛɛl o nzuru okal
Meba ŋã, eyoo, byɛ b’ebeyɛɛn wɛn: «Nonɔ̃ wuo ɔ̃suu, bee èyi bviil li, bee èsa mvel ngɔmɔ̃, bee èta obɔɔ̃ bvool ebɔɔ nzi.» Byɛ k’eyɛɛ emfa ki èkal omwiĩ o byɛ ɔ̃suu wɛ. Ke yam, byɛ eli onge ebwii li epal me muaan-lio, ke mbee edzam. Etal emfa kyɛn ebvaan byɛ eyɛɛn: «Ŋɛn Mfam odzii, bee èkal mwiĩ bvool èsa ndɔɔ yɛn a yɛn wuo yɛn a yɛn.» Ke yam, byɛ eli y’ondɛɛl o nzuru bvool ye nzal-a-nsia. Ondɛɛl o nzuru bueel bo m’emfa okyɛ oli obi-obi. Ŋɛn mbuul oyɛɛ k’asa obvɛ bvool k’asi bɔ wɛ, ndɛ ŋ’asi obi.