1 Ɛbhɛŋ ɛ mɛkɛn nabɛ ɛ́ nɛ mɛtiŋ étɛp ɛduwal ɛ Zɛɛb, zɛnɔɔ pɛt ɛbhɛŋ kɔ bɔs. 2 É di’enek, pɛt wat na mɛtsek mɛmbá naasumaa. Ɛtsek ɛ mɛkɛn nadi edjóoaa ɛ́ «Di na Dɛɛ». Tɔ tak, ye nabɛ ɛ́ nɛ boo lama na mengel etɛn nɛ ebá, zɛnɔɔ emesa nɛ emapa ee bɛ di eka buwa nɛ Zɛɛb ɛ.

3 Bhii lɛmbɛ na pip-pip, ye nadi ɛ́ nɛ dhiiti dhɛŋ sis bɛ di edjóo «Di na Dɛɛ dhaa nyel ɛ». 4 Ye nadi ɛ́ nɛ dhiiti mɔɔ buku nasael nɛ lɔɔd, étɛp ɛdik ɛ epu ele na mbɛɛ mɛnuub, nɛ tot ɛbhɛŋ nasael nɛ lɔɔd ɛ. Tɔ tot ɛbhɛŋ ɛ tak, ye nabɛ ɛ́ nɛ loŋo nasael nɛ lɔɔd ɛ, ye nadi ɛ́ nɛ mapa nadi edus pɛ ɛko di edjóoaa «Man» ɛ, zɛnɔɔ suub ɛ Aalɔn, suub tak nadi ɛ́ ye moo nɛ bɔɔ eka é go é tak. Ye nabaabɛ ɛ́ nɛ epɛk e mɛkok nakwyalaa mɛtiŋ mɛ ɛbhɛŋ kɔ tak ɛ. 5 Kɔ tot ɛbhɛŋ ɛ tak, ye nabɛ ɛ́ nɛ dhiiti edjema nadi enɔŋel nɛ efofop e duma, nadi elyaal náá, Zɛɛb ɛ́ tinaak ɛ. Mɛbhap mɔɔ nadi ɛ́ elɛsa. Piyo mɛbhap mɛ tak nadi ɛ́ ebutal tot ɛbhɛŋ. Nenak, yak tok ɛwala di náá, mena sɔs etɛp binek djas.

19 Pɛ tɔ gwoo, Di na Dɛɛ Zɛɛb naazɛbɛŋel, tin, tot ɛbhɛŋ zokatuula, mengwyes, bhyeed, bham ghɛl ɛko zɛgék, bɔs dheegel zɛnɔɔ bhi boo mɛtaadak nee.