Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
ತಿಯಾ ಜಾಲಿಚ್ಯಾ ಝಾಡಾನ್ ಎಕ್ ಕರಾರಾಚಿ ಪೆಟಿ ತಯಾರ್ ಕರುಚೆ, ಸಾಡೆ ದೊನ್ ಹಾತ್ ಲಾಂಬ್, ಸಾಡೆ ಎಕ್ ಹಾತ್ ರುಂದ್ ಅನಿ ಸಾಡೆ ಎಕ್ ಹಾತ್ ಉಪ್ಪರ್ ರಾಂವ್ದಿತ್. ತೆಜ್ಯಾ ಭಾಯ್ರ್ ಅನಿ ಭುತ್ತುರ್ ಚೊಕ್ಕ್ ಸೊನ್ಯಾಚ್ಯಾ ತಗ್ಡಾನಿ ಧಾಪುಚೆ ತೆಜ್ಯಾ ವರ್ತಿ ಸಗ್ಳ್ಯಾ ಭೊತ್ಯಾನಿ ಭಾಂದುಚೆ. ಚಾರ್ ಸೊನ್ಯಾಚಿ ಕಾಕ್ನಾ ಲಾವ್ನ್, ತೆಜ್ಯಾ ಚಾರಿ ಮುಲ್ಲ್ಯಾಕ್ನಿಬಿ ಎಕೆಕ್ ಕಡೆ ದೊದೊನ್ ಕಾಕ್ನಾ ಥವ್ಚೆ. ಅನಿ ತಿ ಪೆಟಿ ಉಕ್ಲುಕ್ ಜಾಲಿಚ್ಯಾ ಝಾಡಾಚೆ ದಾಂಡೆ ಕರ್ಸುನ್ ತೆಕಾ ಸೊನ್ಯಾಚಿ ತಗ್ಡಾ ನೆಸ್ವುನ್, ಕರಾರಾಚ್ಯಾ ಪೆಟಿಚ್ಯಾ ದೊನಿ ಭಾಜುಕ್ನಿ ಕಾಕ್ನಾ ಮಿಳ್ವುಚೆ. ತ್ಯಾ ದಾಂಡ್ಯಾಕ್ನಿ ಕರಾರಾಚ್ಯಾ ಪೆಟಿತ್ನಾ ಕಾಡಿನಸ್ತಾನಾ ತ್ಯಾತುರ್ನಿಚ್ ಥವ್ಚೆ. ಅನಿ ತ್ಯಾ ಕರಾರಾಚ್ಯಾ ಪೆಟಿಚ್ಯಾ ಭುತ್ತುರ್ ಮಿಯಾ ತುಕಾ ದಿತಲೆ ಹುಕುಮಾಂಚೆ ಗುಂಡೆ ಥವ್ಚೆ. ಹೆ ತವ್ಡೆಚ್ ನಸ್ತಾನಾ ಆಗ್ದಿ ನಿತಳ್ ಸೊನ್ಯಾನ್ ಎಕ್ ಕೃಪಾಸನ್ ಕರ್ಸುಚೆ, ತೆ ಸಾಡೆ ದೊನ್ ಹಾತ್ ಲಾಂಬ್ ಅನಿ ಸಾಡೆ ಎಕ್ ಹಾತ್ ರುಂದ್ ರಾವ್ಚೆ. ಕೃಪಾಸನಾಚ್ಯಾ ದೊನಿ ತುದಿಯಾಕ್ನಿ ಎಕೆಕ್ ಕೆರುಬಿಯಾಂಚಿ ದೊನ್ ಸೊನ್ಯಾಚಿ ಆಕಾರಾ ನಕಾಸಿಚ್ಯಾ ಕಾಮಾನಿ ಕರ್ಸುಚೆ. ಕೃಪಾಸನಾಚ್ಯಾ ಎಕೆಕ್ ತುದಿಕ್ಬಿ ಎಕೆಕ್ ಕೆರುಬಿ ಕರುನ್ ತೆಜ್ಯಾ ತುದಿಕ್ ಜೊಡ್ಸುಚೆ. ತೆ ಕೆರುಬಿಯಾಂಚ್ಯಾ ವರ್ತಿ ಅಪ್ನಾಚೆ ಫಾಂಕುಟೆ ಪಗಳಲ್ಲ್ಯಾ ಗತಿನ್ ಅನಿ ಕೃಪಾಸನಾಕ್ ಅಪ್ನಾಚ್ಯಾ ಫಾಂಕುಟ್ಯಾನಿ ಧಾಪಲ್ಲ್ಯಾ ಗತಿನ್ ರಾವ್ಚೆ, ತೆಂಚಿ ತೊಂಡಾ ಇದ್ರಾ ಬದ್ರಾಕ್ ಹೊವ್ನ್ ಎಕಾಮೆಕಾಕ್ ಬಗುಲಾಗಲ್ಲ್ಯಾ ಸಾರ್ಕೆ ರಾವ್ಚೆ. ತೆ ಕೃಪಾಸನ್ ಕರಾರಾಚ್ಯಾ ಪೆಟಿಚ್ಯಾ ವರ್ತಿ ಥವ್ಚೆ, ಮಿಯಾ ತುಕಾ ದಿತಲೆ ಹುಕುಮಾಂಚೆ ಗುಂಡೆ ತ್ಯಾ ಕರಾರಾಚ್ಯಾ ಪೆಟಿತ್ ಥವ್ಚೆ.
ಮಿಯಾ ತುಮ್ಕಾ ದಿಸ್ತಲೊ ತ್ಯಾಚ್ ಜಾಗ್ಯಾರ್, ಕೃಪಾಸನಾಚ್ಯಾ ವರ್ತಿ ಹುಕುಮಾಂಚೆ ಗುಂಡೆ ಥವಲ್ಲ್ಯಾ ಕರಾರಾಚ್ಯಾ ಪೆಟಿ ವೈಲ್ಯಾ ದೊನ್ ಕೆರುಬಿಯಾಂಚ್ಯಾ ಮದ್ದಿ ಮಿಯಾ ರಾವ್ನ್ ತುಜ್ಯಾ ವಾಂಗ್ಡಾ ಬೊಲ್ತಾ, ಅನಿ ಇಜ್ರಾಯೆಲ್ಕಾರಾಕ್ನಿ ದಿವ್ಚಿ ಹೊಲ್ಲಿ ಹುಕುಮಾ ಕಳ್ವುತಾ.
ಕರಾರಾಚಿ ಪೆಟಿ ತಯಾರ್ ಕರ್ತಲೆ
ಬೆಚೆಲಾನ್ ಜಾಲಿಚ್ಯಾ ನಾಕ್ಡಾನ್ ಕರಾರಾಚಿ ಪೆಟ್ ಕರ್ಲ್ಯಾನ್, ತೆ ಸಾಡೆ ದೊನ್ ಹಾತ್ ಲಾಂಬಿ ಸಾಡೆ ಎಕ್ ಹಾತ್ ರುಂದ್ ಅನಿ ಸಾಡೆ ಎಕ್ ಹಾತ್ ಉಪ್ಪರ್ ಹೊತ್ತೆ.
ಸರ್ವೆಸ್ಪರಾಚ್ಯಾ ಇದ್ರಾಕ್ ಗುಡಿ ವರ್ತಿ ಇಬೆಕರುನ್, ನೆಮಸ್ತಲೆ
ಸರ್ವೆಸ್ಪರಾನ್ ಮೊಯ್ಜೆಕ್ ಸಾಂಗಲ್ಲೆ ಕಾಯ್ ಮಟ್ಲ್ಯಾರ್, ತಿಯಾ ಪೈಲ್ಯಾ ಮೈನ್ಯಾಚ್ಯಾ ಪೈಲೆಚ್ಯಾ ದಿಸಿ ದೆವಾಕ್ ಬಗ್ತಲಿ ಗುಡಿ ಉಕ್ಲುನ್ ಇಬೆ ಕರುಚೆ. ಧಾ ಹುಕುಮಾಂಚಿ ಕರಾರಾಂಚಿ ಪೆಟಿ ತ್ಯಾತುರ್ ಥವ್ನ್, ತೆ ಪಡ್ದ್ಯಾನ್ ಧಾಪುಚೆ.
ಹುಕುಮಾಂಚೆ ಗುಂಡೆ ಪೆಟಿತ್ ಥವ್ನ್, ಪೆಟಿಕ್ ದಾಂಡೆ ಲಾವ್ನ್, ತೆಜ್ಯಾ ವರ್ತಿ ಕರ್ಪಾಸನ್ ಥವ್ನ್, ಕರಾರಾಚಿ ಪೆಟಿ ಗುಡಿತ್ ಹಾನುನ್, ತೆಜ್ಯಾ ಇದ್ರಾಕ್ ಪರ್ದೊ ಲೊಂಬಾತ್ ಘಾಲುನ್, ಸರ್ವೆಸ್ಪರಾನ್ ಸಾಂಗಲ್ಲ್ಯಾ ಸಾರ್ಕೆಚ್ ಕರಾರಾಚಿ ಪೆಟಿ ದಿಸಿನಾ ಸಾರ್ಕೆ ಕರ್ಲ್ಯಾನ್.
ಲೊಕಾನಿ ಜೊರ್ದಾನ್ ನ್ಹಯ್ ದಾಟುಸಾಟ್ನಿ ಅಪ್ನಾಚಿ ಬಿಡಾರಾ ಉಕ್ಲುನ್ ಘೆವ್ನ್ ಜಾವ್ಕ್ ಲಾಗ್ಲ್ಯಾನಿ, ಕರಾರಾಚಿ ಪೆಟಿ ವಾವುನ್ ಘೆಟಲ್ಲಿ ಯಾಜಕಾ ತೆಂಚ್ಯಾನ್ ಫಿಡೆ ಜಾವ್ಕ್ ಲಾಗಲ್ಲ್ಯಾನಿ. ಕರಾರಾಚಿ ಪೆಟಿ ವಾವುನ್ ಘೆಟಲ್ಲ್ಯಾ ಯಾಜಕಾನಿ ಜೊರ್ದಾನ್ ನ್ಹಯಿಕ್ ಯೆವ್ನ್ ಅಪ್ನಾಚಿ ಪಾಂಯಾ ಬುಡ್ವುತಾನಾ, ಕಾತ್ರನಿಚ್ಯಾ ಎಳಾರ್ ಫುರಾ ದಂಡೆಕ್ ಲಾಗುನ್ ಹೊಂವ್ತಲಿ ನ್ಹಯ್ ಇಬೆರಾಲಿ. ವೈಲ್ಯಾ ಭಾಜುಕ್ನಾ ಹೊಂವ್ತಲೆ ಪಾನಿ ಲೈ ಧುರ್ ಹೊತ್ತ್ಯಾ ಚಾರೆತಾನಿಚ್ಯಾ ಜಗ್ಗೊಳ್ ಆದಾಮ್ ಗಾಂವಾ ಪಾತರ್ ಗೊಳಾ ಹೊವ್ನ್ ಇಬೆರ್ಹಾಲೆ, ಖಾಲ್ತಿ ಹೊತ್ತೆ ಪಾನಿ ಅರಬಾ ಖಡ್ಡ್ಯಾತ್ಲ್ಯಾ ಲವನ್ ಸಮುಂದರಾಕ್ ಹೊಂವ್ನ್ ಗೆಲೆ, ಅನಿ ಲೊಕಾನಿ ಜೆರಿಕೊಚ್ಯಾ ಇದ್ರಾಕ್ ನ್ಹಯ್ ದಾಟ್ಲ್ಯಾನಿ. ಸಗ್ಳಿ ಲೊಕಾ ನ್ಹಯಿಚ್ಯಾ ಮದ್ದಿ ವಾಳ್ಕ್ಯಾ ಜಿಮ್ನಿ ವೈನಾ ದಾಟುನ್ ಗೆಲ್ಯಾನಿ, ಅನಿ ಸರ್ವೆಸ್ಪರಾಚ್ಯಾ ಕರಾರಾಚಿ ಪೆಟಿ ವಾವುನ್ ಘೆಟಲ್ಲಿ ಯಾಜಕಾ ಸಗ್ಳಿ ಇಜ್ರಾಯೆಲ್ ಲೊಕಾ ನ್ಹಯ್ ದಾಟಿ ಪತರ್ ನ್ಹಯಿಚ್ಯಾ ಮದ್ದಿ ಇಬೆ ಹೊತ್ತ್ಯಾನಿ, ಅಸೆ ಸಗ್ಳಿ ಲೊಕಾ ಜೊರ್ದಾನ್ ನ್ಹಯ್ ದಾಟುನ್ ತಿಕ್ಡಿನ್ ಪಾವ್ಲಿ.
ಅನಿ ಯಾಜಕಾ ನ್ಹಯ್ಚ್ಯಾ ದಂಡೆಕ್ ಪಾವಲ್ಲ್ಯಾ ತನ್ನಾ ನ್ಹಯ್ ಅನಿ ಪರ್ತುನ್ ಹೊಂವ್ಕ್ ಚಾಲು ಹೊಲಿ.
ಜೆರಿಕೊ ಕೊಸಳ್ತಲೆ
ಜೆರಿಕೊಚಿ ಲೊಕಾ ಇಜ್ರಾಯೆಲ್ಕಾರಾಕ್ನಿ ಭಿವ್ನ್ ಅಪ್ಲ್ಯಾ ಶಾರಾಚೆ ದಡ್ಪೆ ಧಾಪುನ್ ಘೆಟ್ಲ್ಯಾನಿ, ತ್ಯಾ ಎಳಾರ್ ಕೊನ್ಬಿ ಭಾಯ್ರ್ ಯೆವ್ಕ್ ನಾತ್, ಭುತ್ತುರ್ಬಿ ಜಾವ್ಕ್ ನಾತ್. ತನ್ನಾ ಸರ್ವೆಸ್ಪರಾನ್ ಜೊಶ್ವಾಕ್, "ಅಬಕ್ ಮಿಯಾ ಜೆರಿಕೊ ಅನಿ ತೆಚ್ಯಾ ರಾಜಾಕ್ನಿ ಅನಿ ಸೈನಿಕಾಕ್ನಿ ತುಜ್ಯಾ ಹಾತಿತ್ ದಿತಾ. ತುಜಿ ಲಡಾಯಿಚಿ ಸೈನಿಕಾ ದಿಸಾಕ್ ಎಗ್ದಾ ಸಾತ್ ದಿಸಾ ಪತರ್ ಶಾರ್ಹಾತ್ ಫಿರುಂದಿತ್. ಅನಿ ಸಾತ್ ಯಾಜಕ್ ಲೊಕಾ ಪಾಂವ್ವೆ ವಾಜ್ವಂನ್ಗೆತ್ ಕರಾರಾಚ್ಯಾ ಪೆಟಿಚಾ ಫಿಡೆ ಜಾಂವ್ದಿತ್, ತಿಯಾ ಅನಿ ತುಜಿ ಸೈನಿಕಾ ಸಾತ್ವ್ಯಾ ದಿಸಿ ಶಾರ್ಹಾತ್ ಸಾತ್ ಪಟಿ ಫಿರುಚೆ, ಯಾಜಕಾನಿ ಪಾಂವ್ವೆ ವಾಜ್ವುಚೆ, ತೆನಿ ವಾಜ್ವುತಲ್ಯಾ ಪಂವ್ವ್ಯಾಂಚಿ ಧನ್ ಆಯ್ಕ್ ತಾನಾ ತುಮಿ ಮೊಟ್ಯಾನ್ ಬೊಬ್ ಮಾರಾ, ತನ್ನಾ ಶಾರಾಚಿ ಭಿತ್ ಅಪ್ನಿಚ್ ಪಡ್ತಾ, ಅನಿ ಹರ್ ಎಕ್ಲೊ ಆರಾಮಾನ್ ಶಾರ್ಹಾತ್ ಗುಸುಕ್ ಹೊತಾ" ಮಟ್ಲ್ಯಾನ್. ತನ್ನಾ ನುನಾಚೊ ಲೆಕ್ ಜೊಶ್ವಾನ್ ಯಾಜಕಾಕ್ನಿ ಬಲ್ವುನ್, ತೆಂಕಾ ಕರಾರಾಚಿ ಪೆಟಿ ವಾವುನ್ ಘೆವ್ನ್ ಜಾವಾ, ಸಾತ್ ಯಾಜಕ್ ಲೊಕಾ ಅಪ್ನಾಚೆ ಪಂವ್ವೆ ಘೆವ್ನ್ ಸರ್ವೆಸ್ಪರಾಚ್ಯಾ ಕರಾರಾಚ್ಯಾ ಪೆಟಿಚ್ಯಾ ಫಿಡೆ ಚಲುಂದಿತ್ ಮಟ್ಲ್ಯಾನ್. ಅನಿ ತೆನಿ ಲೊಕಾಕ್ನಿ, ಸಗ್ಳ್ಯಾ ಶಾರ್ಹಾತ್ ಫಿರಾ, ಲಡಾಯಿಕ್ ತಯಾರ್ ಹೊಲ್ಲೆ ಸಗ್ಳೆ ಸರ್ವೆಸ್ಪರಾಚ್ಯಾ ಕರಾರಾಚ್ಯಾ ಪೆಟಿಚಾ ಫಿಡೆ ಜಾಂವ್ದಿತ್ ಮಟ್ಲ್ಯಾನ್.
ತನ್ನಾಚ್ ಲೊಕಾಂಚಿ ಬೊಬ್ ಅನಿ ಪಾಂವ್ವ್ಯಾಂಚಿ ಧನ್ ಆಯ್ಕೊ ಯೆಲಿ, ಲೊಕಾನಿ ಪಾಂವ್ವ್ಯಾಂಚಿ ಧನ್ ಆಯ್ಕುನ್ ಲೈ ಮೊಟ್ಯಾನ್ ಬೊಬ್ ಮಾರ್ತಾನಾ ಶಾರಾಚಿ ಭಿತ್ ಅಪ್ನಿಚ್ ಪಡ್ಲಿ, ಹರ್ ಎಕ್ಲೊಬಿ ಸಸಾರಾನ್ ಶಾರ್ಹಾತ್ ಗುಸ್ಲ್ಯಾನಿ, ಅನಿ ತೆ ಶಾರ್ ತೆಂಚ್ಯಾ ಸ್ವತಾಕ್ ಗಾವ್ಲೆ.
ಜಗಾಚೊ ಅನಿ ಸರ್ಗಾಚೊ ಆರಾದನ್
ಅದ್ದಿಚ್ಯಾ ಕರಾರಾತ್ ಆರಾಧನ್ಯಾಕ್ ನೆಮಾ ಹೊತ್ತಿ, ಅನಿ ಆರಾಧನ್ಯಾಕ್ ಮನುನ್ ಮಾನ್ಸಾನ್ ಕರಲೆ ಜಾಗೆಬಿ ಹೊತ್ತೆ. ತೊ ಜಾಗೊ ಬಿರಾಡಾಚ್ಯಾ ಭುತ್ತುರ್ ಬಲ್ಯಿತ್ ಹೊತ್ತೊ, ತ್ಯಾ ಘರಾಚ್ಯಾ ಪೈಲೆಚ್ಯಾ ಖೊಲಿಕ್ ಪವಿತ್ರ್ ಜಾಗೊ ಮನುನ್ ತ್ಯಾ ಪವಿತ್ರ್ ಜಾಗ್ಯಾರ್ ಚಿಮ್ನಿಚೊ ಖಾಂಬೊ ಮೆಜ್ ಅನಿ ದೆವಾಕ್ ಮನುನ್ ಭೆಟ್ವಲ್ಲಿ ಭಾಕ್ರಿಯಾ. ದೊನ್ವ್ಯಾ ಫಡ್ದ್ಯಾಚ್ಯಾ ಫಾಟಿ ಆಗ್ದಿ ಪವಿತ್ರ್ ಜಾಗೊ ಮನ್ವುನ್ ಘೆತಲಿ ಖೊಲಿ ಹೊತ್ತಿ. ಆಗ್ದಿ ಪವಿತ್ರ್ ಜಾಗ್ಯಾರ್ ಧುಪ್ ಜಾಳ್ವುಕ್ ಸೊನ್ಯಾಚೆ ಅಲ್ತಾರ್ ಹೊತ್ತೆ, ತೆ ನಸ್ತಾನಾ ಪೈಲೆಚೆ ಕರಾರಾತ್ ಥವ್ತಲಿ ಕರಾರಾಚಿ ಪೆಟಿ ಹೊತ್ತಿ, ತೆಕಾ ಸೊನ್ಯಾಚಿ ತಗ್ಡಾ ಲಾವಲ್ಲಿ ಹೊತ್ತಿ, ತೆಚ್ಯಾ ಭುತ್ತುರ್ ಸೊನ್ಯಾಚ್ಯಾ ಆಯ್ದಾನಾತ್ ಥವಲ್ಲೊ ಮನ್ನಾ ಅನಿ ಎಕ್ನತ್ತ್ಯಾ ಎಕ್ ವೆಳಾರ್ ಪಾನಾ ಚಿಗ್ರುನ್ ಯೆಲ್ಲೊ ಆರೊನಾಚೊ ದಾಂಡೊ ಹೊತ್ತೊ, ಪೈಲೆಚಿ ಧಾ ಆಜ್ಞಾ ಲಿವಲ್ಲಿ ಹೊತ್ತಿ, ಗುಂಡ್ಯಾಂಚಿ ಫಳಿಯಾ ತ್ಯಾತುರ್ ಥವಲ್ಲಿ ಹೊತ್ತಿ. ತ್ಯಾ ಡೆವ್ಳಿಯಾ ವೈನಿ ದೆವಾಚೊ ವೈಭವ್ ದಾಕ್ವುತಲಿ ಚಿತ್ರಾ ಕೆರುಬಿ ಹೊತ್ತಿ, ತೆ ದೆವಾಚೆ ಹಾಜಿರ್ ಪಾನ್ ದಾಕ್ವಿತ್ ತ್ಯಾ ಫಾಕಾಟ್ಯಾನಿ ಎಕ್ ಸಿವಾಸನ್ ನಿಪ್ವುನ್ ಥವಲ್ಯಾನಿ, ತ್ಯಾ ಜಾಗ್ಯಾ ವೈನಾ ಪಾಪಾಂಚಿ ಮಾಪಿ ಹೊಯ್ತ್ ಹೊತ್ತಿ, ಅತ್ತಾ ಅಮ್ಚ್ಯಾ ಕಡೆ ಹೆ ಸಗ್ಳೆ ಸಾಂಗುಕ್ ವೆಳ್ ನಾ.
ತನ್ನಾ ಸರ್ಗಾತ್ ದೆವಾಚಿ ಗುಡಿ ಉಗಡ್ಲಿ ಅನಿ ಕರಾರಾಚೊ ಡಬ್ಬೊ ಥಯ್ ದಿಸ್ಲೊ. ತನ್ನಾ ಮಿಂಚ್ ಮಾರುಕ್ಲಾಗ್ಲೆ ಗಜ್ನಿಯಾಂಚೊ ಅವಾಜ್ ಹೊವ್ಕ್ ಲಾಗ್ಲೊ, ಅನಿ ಗುಡ್ಗುಡೊ ಉಟ್ಲೊ ಭುಕಂಪ್ ಹೊಲೊ, ಅನಿ ಘಾರ್ಬಿಯಾಂಚೊ ಪವ್ಸ್ ವೊತ್ಲೊ.