Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ତେସା ପର୍ମେସର୍ ନୋହକେ ବାସଙ୍ଗ୍କେ, "ନିଂ ଡାଗ୍ରା କ୍ଲିଗ୍ ପ୍ରାନିନେ ସାରାସାରି ବେଲା ପିଙ୍ଗ୍ଚାଃଗେ; ମେଃଡାଗ୍ଲା ମେଇଂନେ ବାନ୍ ମଞ୍ଚ୍ପୁର୍ କାରାପ୍ଅରିଆ ବର୍ତି ଡିଂଲେଃକେ; ବାରି କେଲା, ନିଂ ଦର୍ତନି ଏଃତେ ଆମେଇଂକେ ବିନାସ୍ ଣ୍ଡ୍ରାଃଡିଂଏ । ନାଁ ଦେବଦାରୁ ସୁଆ ଏତେ ମୁଇଂ ଜାହାଜ୍ ତିଆର୍ ଡିଙ୍ଗ୍ । ଆତ୍ଅରିଆ ବିନ୍ବିନ୍ ବାକ୍ରା ଆରେଚେ ଆତେନ୍ ବିତ୍ରେ ଆରି ବାଏରେ ଦୁପ୍ ଏତେ ଲିଗ୍ବୁର୍ବି । ଆତେନ୍ ଜାହାଜ୍କେ ଦେକ୍ ରକମ୍ ତିଆର୍ ଡିଙ୍ଗ୍; ଚ୍ଲେ ଞ୍ଜିସ ନ୍ତି, ଅସାର୍ ପଚାସ୍ ନ୍ତି, ତିଆର୍ ତିରିସ୍ ନ୍ତି ଡିଙ୍ଗ୍ଏ । ଆଡ଼ାତ୍ରା ମୁଇଂ ନ୍ତି ଆନ୍ତାର୍ଚେ ଜର୍କା ତିଆର୍ ନାଡିଙ୍ଗ୍ଏ, ଆତେନ୍ ଜାହାଜ୍ନେ ଗାଲି ଲେଃଏ । ଆରି ଆତ୍ଅରିଆ ମୁଇଂ, ମ୍ୱାର୍ ଆରି ଞ୍ଜିକ୍ଲିଗ୍ ମହଲା ତିଆର୍ ନାଡିଙ୍ଗ୍ଏ ।
ବନ୍ୟା
ଆରି ମାପ୍ରୁ ନୋହକେ ବାସଙ୍ଗ୍କେ, ନାଁ କ୍ଲିଗ୍ ଡୁଆଣ୍ଡ୍ରେ ଏତେ ଜାହାଜ୍ନ୍ୟା ଗାଲାପା, ଡାଗ୍ଲା ଏନ୍ କାଲ୍ନେ ରେମୁଆଁଇଂନେ ବିତ୍ରେ ନେ ନିଜର୍ ସାମ୍ନାନ୍ୟା ଆନାକେ ଦରମ୍ କେନେଡିଙ୍ଗ୍କେ ।
ନୋହ ବାରି ମେଁନେ ପରିବାର୍ ବନ୍ୟା ବାନ୍ ରକ୍ୟା ବାନ୍ସା ଜାହାଜ୍ ବିତ୍ରେ ଗାଆର୍କେ । ଜାହାଜ୍ନ୍ୟା ନୋହ, ମେଁନେ ସେଲାମ୍ବୁଏଃ ବାରି ଉଂଡେଇଂ ଆରି ଉଂଡେଇଂନେ ସେଲାମ୍ବୁଏଃଇଂ ଲେଃଆର୍ଗେ । ବାରି ନୋହନେ ଆଡ଼ାତ୍ରା ପର୍ମେସର୍ନେ ସାମୁଆଁ ଅନୁସାରେ ପର୍ଚଲ୍ ବାରି ଅସୁଚି ପସୁ ପ୍ଲିଗ୍ଇଙ୍ଗ୍ ବାରି ତୁବନ୍ୟା ଅଲେଙ୍ଗ୍ନେ ଜନ୍ତୁଇଙ୍ଗ୍ ଜଡ଼ା ଜଡ଼ା ଡିଙ୍ଗ୍ଚେ, ନୋହନେ ଡାଗ୍ରା ୱେଚାଚେ ଜାହାଜ୍ଅରିଆ ଗାଆର୍କେ । ଆରି ଆତେନ୍ ଗୁ ଦିନ୍ ଇଡ଼ିଙ୍ଗ୍ ମଚ୍ପୁର୍ନ୍ୟା ବନ୍ୟା ଡିଙ୍ଗ୍ନେ ଆରାମ୍ ଡିଙ୍ଗ୍କେ ।
ପର୍ମେସର୍ନେ ସାମୁଆଁ ଅନୁସାରେ ସାପା ରକମ୍ନେ ମୁଇଂ ଙ୍ଗିର୍ବୁଏଃ ବାରି ମୁଇଂ ସେଲାମ୍ବୁଏଃ ପ୍ରାନି ଜାହାଜ୍ ଡାଗ୍ରା ୱେଚାଆର୍କେ, ଏନ୍ ଇଡ଼ିଙ୍ଗ୍ ମାପ୍ରୁ ଜାହାଜ୍ନେ କାପାଟ୍ ଆନ୍ତଃ ବିକେ ।
ଚାଲିସ୍ ଦିନ୍ ବନ୍ୟା ଡିଙ୍ଗ୍କେ, ବାରି ଣ୍ଡିଆ ଜାବର୍ ଡିଙ୍ଗ୍ଲା ଜାହାଜ୍ ତୁବକେ ଆନ୍ତାର୍ଚେ ଡୁଙ୍ଗ୍ଡ୍ୟାନେ ମୁଲେକେ । ମଚ୍ପୁର୍ନ୍ୟା ଲେଃଗା ଲେଃଗା ଣ୍ଡିଆ ଜାବର୍ ଡିଙ୍ଗ୍ଲା ଜାହାଜ୍ ଣ୍ଡିଆଃ ଆଡ଼ାତ୍ରା ଡୁଙ୍ଗ୍ଡ୍ୟାକେ ।
ଦେକ୍ରକମ୍ ପର୍ମେସର୍ ମଚ୍ପୁର୍ନ୍ୟା ବାସା ଲେଃକ୍ନେ ସାପା ମ୍ୱ୍ରଲେକ୍ନେ ପ୍ରାନିକେ, ୱାଲେନେ ପ୍ଲିଗ୍, ମଚ୍ପୁର୍ନ୍ୟା ଗୁଏଃଆର୍କେ । ମାତର୍ ନୋହ ବାରି ଜାହାଜ୍ନ୍ୟା ଲେଃକ୍ନେ ରେମୁଆଁଇଂ ବାରି ପସୁଇଂ ରକ୍ୟା ବାଆର୍କେ ।
ମଚ୍ପୁର୍ନ୍ୟା ଣ୍ଡିଆ ଜାର୍ଚେ ସଏ ପଚାସ୍ ଦିନ୍ ଇଡ଼ିଙ୍ଗ୍ ଗଣ୍ଡା ୱେକେ । ଏନ୍ ଇଡ଼ିଙ୍ଗ୍ ଗୁ ଆର୍କେନେ ସତ୍ର ଦିନା ଆରାରାଟ୍ କଣ୍ଡା ଆଡ଼ାତ୍ରା ଜାହାଜ୍ ଲାଗେଚେ ଲେଃଗେ ।
ଏନ୍ଇଡ଼ିଂ ଆରି ଚାଲିସ୍ ଦିନ୍ ଇଡ଼ିଙ୍ଗ୍ ନୋହ ନିଜେ ଆଃରେକ୍ନେ ଜାହାଜ୍ନେ ଜର୍କା ରଃବିକେ, ମୁଇଂ ଗିଃଗ୍ୟାଃ ଆୱାଲେ ବିକେ । ଆତ୍ବା ମଚ୍ପୁର୍ନେ ଣ୍ଡିଆ ନ୍ସୁଆର୍ନେ ଜାକ ମେଁ ଆଙ୍କ୍ଆନ୍ତ୍ ୱାଲେ ଅଲେଙ୍ଗ୍କେ । ବାରି ମୁଇଂତର୍, ନୋହ ତୁବନ୍ୟା ଣ୍ଡିଆ ନ୍ସୁଆର୍ଗେ ଲେଃ ଣ୍ଡୁ, ଆତେନ୍ ମ୍ୟା ନ୍ସା ମୁଇଂ କୁକୁର୍ୟାଃ ଆୱାଲେ ବିକେ, ଆତେନ୍ ବେଲା ମଚ୍ପୁର୍ନ୍ୟା ଣ୍ଡିଆ ଲେଃଲା କୁକୁର୍ୟାଃ ନିଜେ କୁକନ୍ସା ଜାଗା ମାବାଚେ ଜାହାଜ୍ନ୍ୟା ନୋହନେ ଡାଗ୍ରା ଆଣ୍ଡେ ପାଙ୍ଗ୍କେ, ଆତ୍ବା ମେଁ ନ୍ତି ଲମ୍ୱେଚେ କୁକୁର୍ୟାଃକେ ସାଚେ ଜାହାଜ୍ ବିତ୍ରେ ନିଜେନେ ଡାଗ୍ରା ଡୁଙ୍ଗ୍ପାଙ୍ଗ୍କେ । ଆରି ଗୁ ଦିନା ଇଡ଼ିଙ୍ଗ୍ ନୋହ ଜାହାଜ୍ବାନ୍ ବାର୍ମୁଇଂତର୍ କୁକୁର୍ୟାଃକେ ଆୱାଲେ ବିକେ; ଆତେନ୍ ଦିନା ଲମ୍ଡିଗ୍ କେଲା ଆତେନ୍ କୁକୁର୍ୟାଃ ମେଁନେ ତୁମୁଆଃନ୍ୟା ଜୀତ ସ୍ଲାଃନେ ତ୍ମି ଉଲିଆ ଲେଃଗେ; ନୋହ ଏନ୍ କେଚେ ମ୍ୟାକେ ଜେ ମଚ୍ପୁର୍ ଆଡ଼ାତ୍ରା ଣ୍ଡିଆ ଗଣ୍ଡା ୱେଗେ ଡାଗ୍ଚେ ନୋହ ମ୍ୟାଃକେ । ଆରି ଗୁ ଦିନ୍ ୱେକ୍ନେ ଇଡ଼ିଙ୍ଗ୍ ନୋହ ଜାହାଜ୍ବାନ୍ ବାର୍ମୁଇଂତର୍ କୁକୁର୍ୟାଃକେ ଆୱାଲେ ବିକେ । ମାତର୍ କୁକୁର୍ୟାଃ ବାର୍ମୁଇଂତର୍ ମେଁନେ ଡାଗ୍ରା ଆଣ୍ଡେ ଆପାଙ୍ଗ୍କେ ଣ୍ଡୁ ।
ଏନ୍ ଇଡ଼ିଙ୍ଗ୍ ନୋହ ଜାହାଜ୍ନେ କାପାଟ୍ ରଃଚେ ମେଁ କେକେ ଜେ, ତୁବଃ ସାପା ନ୍ସୁଆର୍ ୱେଗେ । ଏନ୍ ଲେଃଗେ ପର୍ତୁମ୍ ଆର୍କେନେ ପର୍ତୁମ୍ ଦିନ୍ । ନୋହକେ ଆତେନ୍ ବେଲା ତୁର୍ ଶହ ମୁଇଂ ମୁଆଁ ଡିଙ୍ଗ୍ଲେଃଗେ ।
ଆରି ପର୍ମେସର୍ ନୋହକେ ବାସଙ୍ଗ୍କେ, ନାଁ ନାନେ ସେଲାମ୍ବୁଏଃ ଆରି ଗଡ଼େଇଂ ଆରି ମାଚୁଆଇଂକେ ସଙ୍ଗେ ସାଚେ ଜାହାଜ୍ବାନ୍ ତାର୍ଚେ ୱେଲାପା । ନାଁନେ ଏତେ ସାପା ପସୁଇଂକେ ଆଃତାର୍ ଡୁଙ୍ଗ୍ପାଙ୍ଗ୍ଲା । ସାପା ପସୁ, ସାପା ପ୍ଲିଗ୍, ସାପା ତୁବନ୍ୟା ରେଃସଚେ ଅଲେଙ୍ଗ୍ନେ ପ୍ରାନି ମେଇଂ ମଚ୍ପୁର୍ନ୍ୟା ବର୍ତି ଡିଙ୍ଗ୍ଆର୍ଲେ । ବାରି ମଚ୍ପୁର୍ନ୍ୟା ଜାତିକୁଟୁମ୍ ଆରି ଜାବର୍ ବଂସ ଡିଙ୍ଗ୍ଆର୍ଲେ ।
ଏନ୍ଇଡ଼ିଙ୍ଗ୍ ପର୍ମେସର୍ ନୋହ ଆରି ମେଁନେ ଉଂଡେଇଙ୍ଗ୍କେ ବାସଙ୍ଗ୍କେ, କେଲା, ପେନେ ଏଃତେ ଆରି ପେନେ ଇଡ଼ିଂଡେନେ ବଂସ ଏଃତେ ଆରି ପେନେ ଏଃତେ ସାପା ଜିବ୍ଜନ୍ତୁ ଏଃତେ, ନେଃ ନେଃନେ ନିଅମ୍ ନେଃଡିଙ୍ଗ୍ପା । ସାପା ପ୍ଲିଗ୍, ସାପା ଡୁଆ ବାସାକ୍ନେ ପସୁ ବାରି ସାପା ପସୁଇଂ ଆଣ୍ଡିନେ ସାପା ପେ ଏଃତେ ଜାହାଜ୍ବାନ୍ ତାର୍ ଲେଃଆର୍କେ । ନେଃ ନେଃନେ ନିଅମ୍ ସାପା ମଚ୍ପୁର୍ନେ ଜିବନ୍ ଲେଃକ୍ନେ ପ୍ରାନି ନ୍ସା ଡିଙ୍ଗ୍ନେବକେ । ନେ ପେଇଂନେ ଏତେ ଏନ୍ ନିଅମ୍ ତିଆର୍ ନେଡିଙ୍ଗ୍ଏ । ସାପା ପ୍ରାନି ବନ୍ୟାବାନ୍ ଆରି ବିନାସ୍ ଆଡିଙ୍ଗ୍ଆର୍ ଣ୍ଡୁ । ବାରି ମଚ୍ପୁର୍କେ ନସ୍ଟ ଆଡିଙ୍ଗ୍ ନ୍ସା ଆରି ବନ୍ୟା ଆଡିଙ୍ଗ୍ ଣ୍ଡୁ ।
ନେଙ୍ଗ୍ ନେଙ୍ଗ୍ନେ ଇନ୍ଦ୍ରଦନୁ ତ୍ରିଗ୍ଡ୍ୟାନ୍ୟା ତିଆର୍ ଡିଙ୍ଗ୍ମ୍ୱକେ । ଆତେନ୍ ମଚ୍ପୁର୍ ଏତେ ନେଙ୍ଗ୍ନେ ନିଅମ୍ନେ ଚିନ୍ ଡିଙ୍ଗ୍ଏ ।
ବିସ୍ବାସ୍ ନ୍ସା ନୋହ ସାସ୍ତର୍ବାନ୍ ତାର୍ଡିଂକ୍ନେ ଇଡ଼ିଂଡେ ଗଟ୍ନା ବିସଏରେ ଇସ୍ପର୍ନେ ତରକ୍ ସାମୁଆଁ ଅଁ ୟାଡିଂଆର୍ଗେ । ମେଁ ଇସ୍ପର୍ନେ ଆଦେସ୍ ପାଲନ୍ ଡିଂଚେ ମୁଇଙ୍ଗ୍ ଜାଆଜ୍ ଆରେ ବଗେ । ଆତ୍ଅରିଆ ମେଁ ଆରି ମେଁନେ ଡୁଆଣ୍ଡ୍ରେ ଉଦାର୍ ବାଲେଃଆର୍ଗେ । ତେନ୍ସା ଦର୍ତନି ବାସାଣ୍ଡ୍ରେ ଗୁଏଆର୍କେ ମାତର୍ ନୋହ ମେଁନେ ବିସ୍ବାସ୍ ନ୍ସା ଦରମ୍ନେ ପୁରସ୍କାର୍ ବାଆର୍କେ ।
ନୋହ ଜାଆଜ୍ ଆଃରେନେ ବେଲା ଇସ୍ପର୍ ସାଆସ୍ନେ ଏତେ ଉର୍ ଲେଃଗେ । ଅଃତେନ୍ ବେଲା ମୁଃଡ଼ି ରେମୁଆଁଇଂ ଇସ୍ପର୍କେ ଅମାନି ଡିଂଆର୍କେ ଆଡ଼ାତ୍ରାନେ ଆତ୍ମାଇଂ ମେଇଂନେ । ଉଃଡ଼ି ଇଃତୁଡ଼ା ରେମୁଆଁ ସାପାରେ ମିସୁଚେ ୮ ରୁଆ ମାତର୍ ଜାବର୍ ଣ୍ଡିଆବାନ୍ ମ୍ବ୍ରଆର୍କେ ମେଇଂ ପେନେ ଉଦାର୍ ପୁରନ୍ ଡିଂଡିଂକ୍ନେ ଣ୍ଡିଆଦିକ୍ୟାନେ ଚିନ୍ । ଆକେନ୍ ଣ୍ଡିଆଦିକ୍ୟା ନାଁନେ ଗାଗ୍ଡ଼େନେ ଆମାର୍ ସ୍ଲ ଆରାଃଡିଂ ଣ୍ଡୁ, ଆତେନ୍ କିସ୍ଟନେ ବାର୍ମୁଇଂତର୍ ତଃଡ଼ିଆକ୍ନେବାନ୍ ପେନେ ବୁଦିକେ ପବିତ୍ର ଆଃଡିଂନେ ନ୍ସା ଇସ୍ପର୍ନେ ଡାଗ୍ରା ୱାନେ । ଆତେନ୍ କିସ୍ଟ ଏଃକେ କିତଂଇନିନ୍ନିଆ ଇସ୍ପର୍ନେ ବେଃସ୍ୟା ପାକା କଚେ କିତଂଦୁତ୍ ଆରି ସର୍ତେ ଇସ୍ପର୍ନେ ଅଦିକାର୍ ଆରି ବପୁରେଇଂ ଆଡ଼ାତ୍ରା ସାସନ୍ ଡିଂଏ ।
ନୋହନେ ଦିନାକେଲା ଡିରକମ୍ ଗଟେଲେଗେ ରେମୁଆଁ ଉଙ୍ଗ୍ଡେ ପାଙ୍ଗ୍ନେ ଦିନା ଡିଗ୍ ଦେତ୍ରକମ୍ ଗଟେଏ । ବନ୍ୟା ଡିଙ୍ଗ୍ନେ ସେନୁଗ୍ ନୋହ ଜାଆଜ୍ନ୍ନିଆ ୱେଚା ଜାକ ରେମୁଆଁଇଂ ଚଙ୍ଗ୍ ଉଗ୍ ଆରି ବିଏ ଉଡ଼ି କାମ୍ରେ ବେମର୍ ଡିଙ୍ଗ୍ଲେ ଆର୍ଗେ । ବନ୍ନିଆ ପାଙ୍ଗ୍ଚେ ଆମେଇଂକେ ଡୁଙ୍ଗ୍ଡିୟା ଡୁଂୱେ ଜାକ ମେଁନେ ଗଟେଡିଙ୍ଗ୍କେ ମ୍ୟାଲେ ଆର୍ଗେ ଣ୍ଡୁ ରେମୁଆଁ ଉଙ୍ଗ୍ଡେ ପାଙ୍ଗ୍ନେ ଦିନା ଟିକ୍ ଦେତ୍ରକମ୍ ଗଟେଏ । ଆତେନ୍ ବେଲା ଲିଜ ଡାଗ୍ରା ସ୍ଲେ ମ୍ୟାକ୍ନେ ସେଲାମ୍ବୁଏଇଂବାନ୍ ମୁଇଂଜାକେ ସ୍ରିଚେ ଡୁଂଡଏ । ବାରି ବିନ୍ରେକେ ଆନ୍ତାର୍ ବିଏ । ମ୍ୱାୟା ସେଲାମ୍ବୁଏ ପ୍ନିଡିର୍ ଉଃଡିର୍ ଡିଂଲେଃଆର୍ଏ ମେଁଇଂନେ ବିତ୍ରେ ମୁଇଂଜାକେ ସ୍ରିଚେ ଡୁଂଡଆର୍ଏ ଆରି ବାରି ମୁଇଂଜାକେ ଆନ୍ତାର୍ ବିଃଆର୍ଏ ।
Este artigo te tocou? Faça uma oração!
+581 estão orando agora.
Junte-se à corrente de oração.