Arca de noé

13 Mlungu kamgambira Nuhu, "Neni nankugenda kuwagamiziya nakamu wantu woseri, toziya pasipanu pamemiziwa matendu ga ukondora. Nakaka nankugenda kuwagamiziya wantu pamuhera na pasipanu. 14 Su gulinyawili uwatu mkulu nentu gwa mbawu za mtera gwa mpingu, gutuli viwogu mngati mwakuyi na gutyelemeki lami mngati na kunja. 15 Haguinyawi hangu; utali wakuyi uweri magulu miya na malongu matatu na tisa na kupanuka kwakuyi kuweri magulu malongu mawili na muhanu na utali kugenda kumpindi uweri mawoku lilongu na muhanu. 16 Uwatu mkulu awu uweri gwa matala mantatu na guweri na ligomi pambwega. Guwunyawi shitwiku, shakapanu guleki lupenyu nusu liwoku pakati pa shitwiku na litala.

Mafuliku makulu

1 Mtuwa Mlungu kamgambira Nuhu, "Gwingili mngati muuwatu, gwenga pamuhera na kaya yaku yoseri, toziya mushileri ashi gwenga guwera muheri kulongolu kwaneni.

7 Nuhu na mdala gwakuyi, wana wakuyi wapalu pamuhera na wadala wawu, woseri wingiriti mngati mwa muwatu su washapili mashi gavuwa makulu. 8 Shipalu na shidala gwa kila nkanyama na wampongu na viwumbi vyoseri vyavikwawakwawa mulitapaka vyavijimirwa kulaviwa tambiku na vyaviwera vihumba, 9 washipalu wawili na washidala wawili wingiriti mngati mwa uwatu pamuhera na Nuhu, Mlungu ntambu yakamlagaliriti. 10 Pagapititi mashaka saba, mashi gavuwa makulu ganja kugubika pasipanu.

16 Kila ntambu yawu wingiriti mpalu na mdala gambira Mlungu ntambu yakamlagaliriti Nuhu. Shakapanu Mtuwa kamtatira Nuhu mlaa ligomi lwa uwatu mkulu.

17 Mashi gavuwa makulu galikaliti pasipanu mashaka malongu msheshi, mashi gongeleka na kuunyasula uwatu mkulu guyeruka pasipanu. 18 Mashi gendereya kwongoleka nentu pasipanu na uwatu mkulu uyeruka.

23 Kila shiwumbi shashilikaliti pasipanu shyagamiziwituwi, wantu na wankanyama na viwumbi vyavikwawa kwawa mulitapaka na wampongu wa kulyera, woseri wagamiziwitwi pasipanu. Nuhu gweka yakuwi ndo yakasigaliti pamuhera na woseri yawaweriti na yomberi muuwatu mkulu.

3 mashi gendereyiti kusera mpolimpoli pasipanu. Upeleru pamashaka miya na malongu muhanu, mashi gaweriti gasera nentu. 4 Mulishaka lya lilongu na saba mumwezi gwa saba, uwatu mkulu gugolokiti pavigongu vya Ararati.

6 Pamashaka malongu muhanu Nuhu kavuguliti dilisha lyakalinyawiti muuwatu mkulu 7 na kamlaviya mpongu kungulu na yomberi kawuya ndiri kumbiti kaguluka aku na aku mpaka mashi pagayumiti pasipanu. 8 Shakapanu Nuhu kamlaviya ng’unda kapati kuwona handa mashi gaweriti gasera pasipanu. 9 Kumbiti ng’unda kapatiti ndiri pahala pa kutukira toziya kuweriti na mashi kila pahala pa pasipanu, su kawuyiti kwa Nuhu muuwatu mkulu. Nuhu kalitalapisiya liwoku lyakuyi, kamtola na kumuwuziya muuwatu. 10 Nuhu kaheperiti mashaka saba gamonga, shakapanu kamlaviya kayi ng’unda ayu. 11 Ng’unda ayu pakamwuyiriti Nuhu pamihi, kaweriti na shitomoru shiwisi sha mtera gwa mzeyituni! Su Nuhu kavimaniti kuwera mashi gaweriti gasera pasipanu. 12 Su yomberi kaheperiti mashaka saba gamonga, kamlaviya kayi ng’unda ulii, shaka ashi ng’unda kawuyiti ndiri kayi.

13 Nuhu pakaweriti na mivinja miya sita na yimu, mulishaka lya kwanja lya mwezi gwa kwanja, mashi gaweriti gayuma pasipanu. Nuhu kavuguliti shifuniku sha shitwiku sha uwatu mkulu na pakaloliti, kawona kuwera pasipanu paweriti payuma.

15 Su Mlungu kamgambiriti Nuhu, 16 "Gulawi muuwatu mkulu, gwenga pamuhera na mdala gwaku, wana waku wapalu pamuhera na wadala wawu. 17 Guwalaviyi kunja vilaa na viumbi vyoseri wakomu wakila ntambu yawaweriti pamuhera na gwenga, wampongu na wankanyama na kila shiwumbi shashikwawa kwawa mulitapaka, su wapati kulera kuwera wavuwa pasipanu na kweneya kila pahala."

Upindi wa nvula

8 Shakapanu Mlungu kamgambiriti Nuhu pamuhera na wana wakuyi, 9 vinu nankutula lipatanu na gwenga pamuhera na shiyiwuku shaku 10 na kila shiwumbi shashiwera pamuhera na gwenga, wampongu na wankanyama wa kulolerwa na wankanyama wa kuntundu na woseri yawalawiti muuwatu pamuhera na gwenga. 11 Nankutula lipatanu pamuhera na mwenga, kuwera viwumbi vyavilikala hapeni vyagamiziwi kayi na mashi gavuwa makulu, hapeni galawili kayi malawa gakwagamiziya pasipanu.

13 nankutula katanga ya nvula mumahundi na hashiweri shilangaliru sha lipatanu lyaneni na pasipanu.

7 Kwa njimiru Nuhu kaberiziwitwi na Mlungu toziya ya vitwatira vya kulongolu vyaviwonekiti ndiri. Kamjimiriti Mlungu, kanyawa safina, mlaamu kalopoziyitwi yomberi pamuhera na kaya yakuwi. Kulawirana na aga, kwa njimiru yakuwi wantu wa pasipanu watozitwi kuwera na vidoda na Nuhu kamfiriziyiti Mlungu kwa njira ya njimiru.

20 yawalemiti kujimila pamakashu Mlungu pakawahepeleriti mumashaka ga Nuhu shaka Safina payiweriti yankunyawiwa. Musafina amu, wantu watangala ndiri, wantu wanani hera pa wantu woseri ndo walopoziwitwi pamashi, 21 na mashi geni gaweriti mfanu gwa ubatizu yawuwalopoziyiti mwenga vinu vulaa. Ubatizu ndo shisoweru ndiri shakuwusiya udoda munshimba kumbiti ndo lagilu lya nfiru iherepa kwa Mlungu. Liwalopoziyi mwenga kwa uzyukusiwu wa Yesu Kristu, 22 yomberi yakagenditi kumpindi na vinu kalikala uwega wa kumliwu wa Mlungu, kankuwakolamlima wantumintumi wa kumpindi wa Mlungu woseri na ukulu na yawawera na makakala.

37 Kwiza kwa Mwana gwa Muntu hakuweri gambira shilii shashilawiriti mushaka sha Nuhu. 38 Mumashaka galii pamberi pa wantu kuhowa mumafuriku waweriti wankuliya na kulanda, wantu waweriti wankuwayuga na kuyugwa mpaka Nuhu pakingiriti muuwatu, 39 wavimaniti ndiri hashilawiri shishi mpaka mafuliku pagiziti na kuwajola woseri. Ntambu ayi hayiweri pakiza Mwana gwa Muntu. 40 Shaka ashi wantu wawili hawaweri mulirambu, yumu hakatolwi na yumonga hakalekwi. 41 Wadala wawili hawaweri wankuwaga usaka palwala, yumu hakatolwi na yumonga hakalekwi.