1 Isakari kaweriti na wana wamsheshi. Tola na Pua na Yashubu na Shimuroni, 2 Wana wa Tola waweriti Uzi na Refaya na Yehieli na Yahamai na Ibusamu na Shemueli. Awa waweriti wakulu wa kaya za nkolu za Tola na wantu wagangamala nentu wa nkondu shaka shawu. Walanga ya wiwuka wawu mashaka ga mafalumi Dawudi iweriti ishilini na mbili elufu na miya sita. 3 Mwana gwa Uzi kaweriti na mwana yumu, litawu lyakuyi Izirahia. Na wana wa Izirahia waweriti Mikaeli na Obadiya na Yoweli na Ishiya. Woseri wamsheshi, waweriti wakulu mukaya. 4 Toziya ya wadala na wana wawu waweriti wavuwa nentu, kuweriti na vipinga vya wamashonta selasini na sita elufu, kulawirana na wiwuka wawu.

5 Walongu wawu mukaya zawu zoseri za kabila la Isakari yawaweriti na uwezu wa kulikomanga nkondu, ntambu yayilelembitwi mulukolu lwawu, woseri waweriti semanini na saba elufu.

6 Wana wa Benjamini waweriti watatu. Bela na Bekeri na Yediaeli. 7 Wana wa Bela waweriti wamhanu. Esiboni na Uzi na Uzieli na Yerimoti na Iri. Awa waweriti walonguziya wa kaya zawu na wamashonta wagangamala. Yawalembitwi kwa kufata nkolu, walanga ya wamashonta woseri waweriti elufu ishilini na mbili na selasini na msheshi.

8 Wana wa Bekeri waweriti. Zemira na Yowashi na Eliezeri na Elieonai na Omri na Yerimoti na Abiya na Anatoti na Alemeti. Woseri awa ndo wiwuka wa Bekeri. 9 Walembitwi kwa nkolu kulinganira na viyiwuku vyawu handa walonguziya wa kaya zawu na walanga za wiwuka wawu uweriti ishilini elufu miya mbili, woseri pawawera wagangamala wa nkondu.

10 Yadiaeli kaweriti na mwana yumu, litawu lyakuyi Bilihani na Bilihani kaweriti na wana. Yewushi na Benjamini na Ehudi na Kenaana na Zetani na Tarishishi na Ahishahari. 11 Woseri awa waweriti wakulu wa kaya munkolu zawu na lishonta ligangamala lya nkondu. Kulawirana na wiwuka wawu, kuweriti wapalu lilongu na saba elufu na miya mbili, wamashonta wagangamala kala nakamu kwa nkondu. 12 Shupimu na Hupimu viraa waweriti wa likabila ali. Dani kaweriti na mwana yumu, litawu lyakuyi Hushimu.

13 Nafutali kaweriti na wana wamsheshi. Yahasieli na Guni na Yezeri na Shalumu. Mawu gwa Nafutali kaweriti Biliha.

14 Manasi kaweriti na wana wawili kulawirana na mmanda yakamtenditi kaweri mdala gwakuyi. Asirieli na Makiri. Makiri kaweriti tati gwakuyi Gileadi. 15 Makiri kawayugiriti wadala wana wakuyi weni ndo Hupimu na Shupimu. Litawu lya dada gwakuyi Maaka. Mwana gwa pili gwa Makiri kaweriti Selofehadi. Selofehadi kaweriti na wahinga gweka yakuyi. 16 Maaka mdala gwa Makiri, kamwiwuliti mwana litawu lyakuyi Pereshi. Litawu lya mlongu gwakuyi liweriti Shereshi. Wana wakuyi Shereshi waweriti Ulamu na Rakemu. 17 Ulamu kamwiwula Bedani. Woseri awa ndo wiwuka wa Gileadi, Mwana gwa Makiri, mzukulu gwa Manasi. 18 Dada gwakuyi yawamshemiti Hamoleketi kawiwuliti Ishihodi na Abiyezeri na Mahila. 19 Wana wa Shemida waweriti Ahiani na Shekemu na Liki na Aniamu.

20 Awa ndo wiwuka wa Efraimu kulawa shiyiwuku kwa shiyiwuku. Shutela na Beredi na Tahati na Eleada na Tahati, 21 Zabadi na Shutela. Kuleka na Shutela na Efraimu kaweriti na wana wamonga wawili, Ezeri na Eliyadi, weni walagitwi na wenikaya wa Gati toziya wagenditi aku kuwapoka mifugu yawu. 22 Efraimu Tati gwawu kawadayiliriti kuhowa kwawu mashaka mavuwa nentu na walongu wakuyi wiziti kuwakola mawoku. 23 Shakapanu kagonja kayi na mdala gwakuyi na yomberi kapata yinda, kamwiwula mwana Kamshemiti Beriya, toziya ya madoda yagampatiti mukaya yakuyi.

24 Efraimu kaweriti na mhinga litawu lyakuyi Sheera. Ayu ndo yakainyawiti miji ya Beti Horoni ya pampindi na ya pasi na Uzeni Sheera. 25 Awu ndo wiwuka wa Efraimu, Refa na Reshefu na Tela na Tahani, 26 Ladani na Amihudi na Elishama, 27 Nuni na Yoshuwa.

28 Isi zawu na makawu gawu gaweriti pamuhera na Beteri na vijiji vyakuyi, Naarani yaguweriti uwega wa kwagulawa mshenji, Gezeri yaguweriti uwega wa kwaguzyetera mshenji pamuhera na Shekemu na vijiji vyakuyi na Aya na vijiji vyakuyi. 29 Wiwuka wa Manasi walikaliti mumpaka. Beti Sheani na vijiji vyakuyi, Taana na vijiji vyakuyi, Megido na vijiji vyakuyi na Dori na vijiji vyakuyi. Ayi ndo miji yawalikaliti wiwuka wa Yusufu, mwana gwa Israeli.

30 Awa ndo wiwuka wa Asheri. Imna na Ishiva na Ishivi na Beriya na mhinga yumu litawu lyakuyi Sera. 31 Beriya kaweriti na wana wawili. Beriya na Malikieli, yakaweriti tati gwakuyi Birizaiti. 32 Heberi kaweriti na wana watatu. Yafileti na Shomeri na Hotamu na mhinga yumu litawu lyakuyi Shuwa. 33 Yafeleti kaweriti na wana watatu. Pasaki na Bimuhali na Ashivati. 34 Wana wa Shemeri mlongu gwakuyi kaweriti na wana watatu. Roga na Yehuba na Aramu. 35 Na Helemu, mlongu gwakuyi yumonga, kaweriti na wana wamsheshi. Sofa na Imna na Sheleshi na Amali. 36 Wana wa Sofa waweriti Sua na Harineferi na Shuali na Beri na Imura, 37 Bezeri na Hodu na Shama na Shilisha na Itirani na Beera. 38 Wana wa Yeteri waweriti, Yefune na Pisipa na Ara. 39 Wana wa Ula waweriti Ara, Hanieli na Risia. 40 Woseri awa waweriti wiwuka wa Asheri na waweriti wakulu wa kaya zawu na wantu wasyagulwa na waweriti wagangamala wa nkondu. Walanga ya walii yawalembitwi kwa kugendera nkolu mumashonta iweriti ishilini na sita elufu.