1 Adamu kamwiwuliti Seti na Seti kamwiwuliti Enoki na Enoki kamwiwuliti Kenani. 2 Kenani kamwiwuliti Mahalaleli, Mahalaleli kamwiwuliti Yaredi, 3 Yaredi kamwiwuliti Henoki, Henoki kamwiwuliti Metusela, Metusela kamwiwuliti Lameki. 4 Lameki kamwiwuliti Nuhu, Nuhu kaweriti na wana watatu: Shemu, Hamu na Yafeti.

5 Wana wa Yafeti waweriti Gomeri na Magogu na Madai na Yavani na Tubali na Meshaki na Tirasi. 6 Wana wa Gomeri waweriti Ashekenazi na Rifati na Togama. 7 Wana wa Yavani waweriti Elisha na Tarishishi na Kitimu na Rodanimu. 8 Wana wa Hamu waweriti Kushi na Misri, Puti na Kanaani. 9 Wana wa Kushi waweriti Seba na Havila na Sabita na Raama na Sabiteka, Wana wa Raama waweriti Sheba na Dedani. 10 Kushi kamwiwuliti Nimrodi yakaweriti shikambaku gwa pasipanu. 11 Wiwuka wa Misri ndo Waludi na Waanamu na Walehabi na Wanafutuhi, 12 Wapaturusi na Wakasiluhi, Wakafitori weni awa ndo shanjiru sha Wafilisti. 13 Mwana gwa Kanaani kaweriti Sidoni, mwiwuka gwakuyi gwa kwanja na Heti, 14 Kanaani viraa kaweriti mbuyi gwa Wayebusi na Waamori na Wagirigashi, 15 Wahivi na Waariki na Wasini, 16 Waarivadi na Wasemali na Wahamati.

17 Wana wa shemu waweriti Eramu na Ashuru na Arifakisadi na Ludi na Aramu na Usi na Huli na Geteri na Mashi. 18 Arifakisadi kamwiwula Shela na Shela kamwiwula Eberi. 19 Eberi kaweriti na wana wawili, yumu wamshemiti Pelegi. Litawu ali mana yakuyi kubaganika. Toziya shaka shakuyi wantu waweriti wabagalanika pasipanu na mlongu gwakuyi wamshemiti Yokitani. 20 Awu ndo wiwuka wa Yokitani waweriti Alimodadi na Shelefu na Hasalimaweti na Yera, 21 Hadoramu na Uzali na Dikila, 22 Obali na Abimaeli na Sheba, 23 Ofili na Havila na Yobabu. Wantu awa ndo wana wa Yokitani.

24 Kaya ya Abrahamu kulawira Shemu ndo alu. Shemu kawiwula Aripakisadi na Aripakisadi kamwiwula Shela. 25 Shela kamwiwula Eberi, Eberi kamwiwula Pelegi na Pelegi kamwiwula Rewu, 26 Rewu kamwiwula Serugi na Serugi kamwiwula Nahori na Nahori kamwiwula Tera, 27 Na Tera kamwiwula Abramu, shakapanu wamshemiti Abrahamu.

28 Abrahamu kaweriti na wana wawili wapalu, Isaka na Ishimaeli. 29 Avi ndo viyiwuku Vyawu. Mwiwuka gwa kwanja gwa Ishimaeli kaweriti Nebayoti na wamonga ndo Kedali na Adibeeli na Mibisamu, 30 Mishima na Duma na Masa na Hadadi na Tema, 31 Yetuli na Nafishi na Kedema. Awa ndo wana wa Ishimaeli.

32 Abrahamu kaweriti na mdala mpusu yawamshemiti Ketula. Ketula kamwiwuliriti Abrahamu. Zimrani na Yokishani na Medani na Midiani na Ishibaki na shuwa. Wana wa Yokishani waweriti Sheba na Dedani. 33 Wana wa Midiani waweriti. Efa na Eferi na Hanoki na Abida na Elidaa. Woseri awa waweriti wiwuka wa Ketura.

34 Isaka mwana gwa Abrahamu, kaweriti na wana wawili. Esawu na Yakobu shakapanu wamshemiti Israeli. 35 Wana wa Esawu waweriti Elifazi na Rehueli na Yeushi na Yalamu na Kora. 36 Wana wa Elifazi waweriti Temani na Omari na Sefo na Gatama na Kenazi. Timina kaweriti mdala gwakuyi mpusu gwa Elifazi na yomberi kamleriti mwana litawu lyakuyi Amaleki. 37 Wana wa Rehueli waweriti Nahati na Zera na Shama na Miza.

38 Shanjiru sha wenikaya wa Edomu shiweriti wiwuka kulawa kwa wana wa Seiri ndo awa, Lotani na Shobali na Sibeoni na Ana na Dishoni na Eseri na Dishani. 39 Wana wa Lotani waweriti wawili. Hori na Homamu. Na Lotani kaweriti na dada gwakuyi yawamshemiti Timna. 40 Wana wa Shobali waweriti Alivani na Manahati na Ebali na Shefu na Onamu. Wana wa Sibeoni waweriti Aya na Ana. 41 Mwana gwa Ana kaweriti Dishoni na wana wa Dishoni kaka gwakuyi Ana kaweriti Hamrani na Eshibani na Itirani na Kerani. 42 Wana wa Eseri waweriti Bilihani na Zaawani na Akani na wana wa Dishani waweriti Usi na Arani.

43 Awa ndo wafalumi yawakolitimlima isi ya Edomu pamberi kenekolimlima mfalumi yoseri gwa Waisraeli. Bela mwana gwa Beori kakolitimlima isi ya Edomu, pakawera na makawu gakuyi makulu mumji gwa Dinihaba. 44 Bela pakahowiti, Yobabu mwana gwa Zera kulawa Bosira kakolitimlima pa yomberi. 45 Yobabu pakahowiti, Hushamu gwa isi ya Watemani kakolitimlima pa yomberi. 46 Hushamu pakahowiti, Hadadi mwana gwa Bedadi kakolitimlima pa yomberi, makawu gakuyi pagawera mumji gwa Aviti. Ayu ndo yakawakomiti na kuwakanka Wamidiani muisi ya Mowabu. 47 Hadadi pakahowiti, Samla kulawa Masireka kakolitimlima pa yomberi. 48 Samla pakahowiti, Shauli kulawa Rehoboti mji yaguweriti pakwegera na lushemba, kakolitimlima pa yomberi. 49 Shauli pakahowiti, Baali Hanani mwana gwa Akiboli kakolitimlima pa yomberi. 50 Baali Hanani pakahowiti, Hadadi kulawa Pai kakolitimlima pa yomberi na litawu lya mdala gwakuyi liweriti Mehetabeli, mhinga gwa Matiredi na mhinga gwa Mezahabu. 51 Hadadi viraa kahowa.

Wakulu wa makabila ga Edomu waweriti Timna na Aliva na Yeteti, 52 Oholibama na Ela na Pinoni, 53 Kenazi na Temani na Mibisari, 54 na Magidieli na Iramu. Awa ndo wakulu wa likabila lya Edomu.