1 Avi ndo vipinga vya wiwuka wa Aruni ntambu yawapangitwi. Aruni kaweriti na wana wamsheshi. Nadabu na Abihu na Eleazari na Itamari. 2 Nadabu na Abihu wahowiti pamberi pa tati gwawu, waweriti ndiri na wana, kumbiti walongu wawu Eleyazari na Itamari wawera watambika. 3 Dawudi pawatangwa na Sadoki mwana gwa Eleazari na Ahimeleki mwana gwa Itamari, Dawudi kawapangiti wiwuka wa Aruni, muvipinga kulawirana na mahengu gawu. 4 Walanga nkulu ya walonguziya waweriti muwamu mwa wiwuka wa Eleazari kuliku muwamu mwa wiwuka wa Itamali na womberi wabagulaniti hangu, walonguziya lilongu na sita kulawa wiwuka wa Eleazari na walonguziya wanani kulawa wiwuka wa Itamari. 5 Wabagulitwi kwa kugalambula simbi toziya muwamu mwawu kuweriti na wakulu yawatenda lihengu kunumba ya Mlungu na watambika mu nkolu zoseri mbili, mulukolu lwa Eleazari na lukolu lwa Itamari. 6 Wiwuka wa Eleaza na Itamali waweriti wa kwanja kugalambula simbi. Shakapanu walembitwi matawu gawu na Shemaya mwana gwa Netaneli, mlemba yakaweriti Mlawi, kawalembiti matawu gawu kulongolu kwa mfalumi Dawudi, walonguziya wakuyi, mtambika sadoki, Ahimeleki mwana gwa Abiatari na walonguziya wa vipinga vya watambika na vya Walawi. Lukolu lwa Eleazari lupatiti simbi mbili na lukolu lwa Itamari simbi yimu. 7 Simbi yimu imtulukiliti Yoaribu ya pili Yedaya, 8 ya tatu Harimu na ya msheshi Seorimu, 9 ya mhanu Malikia na sita Miyamini, 10 ya saba Hakosi ya nani Abiya, 11 ya tisa Yeshuwa ya lilongu Shekaniya, 12 ya lilongu na moja Eliashibu na ya kumi na mbili Yakimu, 13 ya lilongu na tatu Hupa ya lilongu na msheshi Yeshebeabu, 14 ya lilongu na mhanu Biliga ya lilongu na sita Imeri, 15 ya lilongu na saba, Heziri ya lilongu na nane Hapisesi, 16 ya lilongu na tisa Petahiya na ya ishilini Yehezikeli, 17 ya ishilini na yimu Yakini ya ishilini na mbili Gamuli, 18 ya ishilini na tatu Delaya ya ishilini na msheshi Maazia.

19 Avi ndo vipinga vyavilembitwi kulinganira na mahengu gawu ga kwingira munumba ya Mtuwa Mlungu kufata tenderu, ntambu yawatuliwitwi na Aruni tati gwawu, ntambu yakagambiritwi na Mtuwa Mlungu, Mlungu gwa Israeli.

20 Awa ndo wiwuka wamonga wa Lawi. Yumu gwa wiwuka wa Amramu kaweriti Shubaeli na kulawa wiwuka wa Shubaeli kaweriti Yedeya. 21 Yumu gwa wiwuka wa Rehabia kaweriti Ishio mlonguziya gwa lukolu. 22 Kulawa kwa wiwuka wa Isari mlonguziya kaweriti Shelomiti, kulawa kwa wana wa Shelomiti mlonguziya kaweriti Yahati. 23 Wana wa Hebroni. Waweriti. Yeria gwa kwanja, Amaria gwa pili, Yahazieli gwa tatu, Yakameamu gwa msheshi. 24 Mwana gwa Uzieli kaweriti Mika. Na mwana gwa Mika kaweriti Shamiri. 25 Mlongu gwa Mika kaweriti Ishia na mwana gwa Ishia kaweriti Zekaria. 26 Wana wa Merari. Waweriti Mahili na Mushi. Na mwana gwa Yaazia kaweriti Benu. 27 Wana wa Merari kulawa kwa Yaazia ndo Benu na Shohamu na Zakuri na Ibiri. 28 Kulawa kwa Mahili kaweriti Eleazari, yakaheriti wana. 29 Kishi kaweriti na mwana yumu. Litawu lyakuyi Yerameeli. 30 Kulawa wiwuka wa Mushi waweriti wana watatu. Mahili na Ederi na Yeremoti. Awa waweriti wiwuka wa Lawi kulinganira na nkolu zawu. 31 Viraa woseri awa wagalambuliti simbi kulinganira na kaya ya kila mkulu na kila kaya ya mpusu gwakuyi, handa wiwuka wa Aruni ntambu yawatenditi. Wagalambuliti simbi kulongolu kwa Mfalumi Dawudi, Sadoki, Ahimeleki na walonguziya wa walongu wa watambika na wa Walawi.