1 Dawudi pamuhera na wakulu wa mashonta, wawasyaguliti wamu wa wana wa Asafu na wana wa Hemani na wana wa Yedutuni, kulonguziya muutenderu wa kubwera shisoweru sha Mlungu kwa kutendera vinubi na vinanda na kayamba. Aga matawu ga wantu yawasyagulitwi kulonguziya guwira, pamuhera na lihengu lyalitenditwi na kila shipinga. 2 Wana wamsheshi wa asafu. Zakuri na Yosefu na Netaniya na Asharela. Womberi waweriti pasi pa ulonguziya wa Asafu yakabweriti shisoweru sha Mlungu shaka shoseri sha ulonguziya wa mfalumi. 3 Wana sita wa Yedutuni waweriti. Gedaliya na Seri na Yeshaya na Shimei na Hashabiya na Matitiya. Womberi waweriti pasi pa ulonguziya wa tati gwawu na wabweriti shisoweru sha Mlungu kwa kutendera mazezi na walonga mayagashi na kumkwisa Mtuwa Mlungu.

4 Wana wa Hemani waweriti lilongu na msheshi Bukia na Matania na Uzieli na Shebueli na Yeremoti na Hanania na Hanani na Eliata na Gidaliti na Romamti Ezeri na Yoshibekasha na Maloti na Hotiri na Mahazioti. 5 Mlungu kampananiti Hemani, yakaweriti mulola gwa mfalumi. Wana wapalu lilongu na msheshi na wadala watatu ntambu yakalongiti su kumkwisa. 6 Wana wakuyi wapalu woseri wagombiti msambu kwa kayamba, vinanda na mazezi, mukuguwira munumba ya Mtuwa Mlungu pawawera pasi pa ulonguziya wa tati gwawu. Asafu na Yedutuni na Hemani waweriti pasi pa lagira ya mfalumi. 7 Walanga yawu pamuhera na walongu wawu Walawi yawafunditwi kumwimbira Mtuwa Mlungu, walanga yawu yoseri iweriti miya mbili semanini na nani. 8 Woseri, wakulu kwa wadidini, wafunda kwa wafundwa, wagalambuliti simbi mkutula mahengu gawu. 9 Simbi ya kwanja imtulukiliti Yosefu gwa walongu wa Asafu, simbi ya pili Gedalia pamuhera na wana wakuyi na walongu wakuyi lilongu na wawili, 10 ya tatu imtulukira Zakuri na wana wakuyi na walongu wakuyi lilongu na mbili. 11 Ya msheshi imtulukiliti Seri na wana wakuyi na walongu wakuyi lilongu na mbili. 12 Ya mhanu imtulukiliti Netaniya na wana wakuyi lilongu na mbili na walongu wakuyi, 13 ya sita imtulukiliti Bukia na wana wakuyi lilongu na mbili na walongu wakuyi, 14 ya saba imtulukiliti Asharela na wana wakuyi lilongu na mbili na walongu wakuyi, 15 ya nani imtulukiliti Yeshaya na wana wakuyi lilongu na mbili na walongu wakuyi, 16 ya tisa imtulukiliti Matania na wana wakuyi lilongu na mbili na walongu wakuyi, 17 ya lilongu imtulukiliti Shimei na wana wakuyi lilongu na mbili na walongu wakuyi, 18 ya lilongu na yimu imtulukiliti Azareli na wana wakuyi lilongu na mbili na walongu wakuyi, 19 ya lilongu na mbili imtulukiliti Hashabia na wana wakuyi lilongu na mbili na walongu wakuyi, 20 ya lilongu na tatu imtulukiliti Shebueli na wana wakuyi lilongu na mbili na walongu wakuyi, 21 ya lilongu na msheshi imtulukiliti Matitiya na wana wakuyi lilongu na mbili na walongu wakuyi, 22 ya lilongu na mhanu imtulukiliti Yeremoti na wana wakuyi lilongu na mbili na walongu wakuyi, 23 ya lilongu na sita imtulukiliti Hanania na wana wakuyi lilongu mbili na walongu wakuyi, 24 ya lilongu na saba imtulukiliti Yoshibekasha na wana wakuyi lilongu na mbili na walongu wakuyi, 25 ya lilongu na nani imtulukiliti Hanani na wana wakuyi lilongu na mbili na walongu wakuyi, 26 ya lilongu na tisa imtulukiliti Maloti na wana wakuyi lilongu na mbili na walongu wakuyi, 27 ya ishilini imtulukiliti Eliata, pamuhera na wana wakuyi lilongu mbili na walongu wakuyi, 28 ya ishilini na yimu imtulukiliti Hotiri, pamuhera na wana wakuyi lilongu na mbili na walongu wakuyi, 29 ya ishilini na mbili imtulukiliti Gidaliti, pamuhera na wana wakuyi lilongu na mbili na walongu wakuyi, 30 ya ishilini na tatu imtulukiliti Mahazioti pamuhera na wana wakuyi lilongu na mbili na walongu wakuyi, 31 ya ishilini na msheshi imtulukiliti Romamti Ezeri, pamuhera na wana wakuyi lilongu na mbili na walongu wakuyi.