1 Lawi kaweriti na wana watatu. Gerishoni na Kohati na Merari. 2 Kohati kaweriti na wana wamsheshi. Amramu na Ishari na Hebroni na Uzieli. 3 Amuramu kaweriti na wana awa. Aruni na Musa na Miriamu.

Aruni kaweriti na wana wamsheshi. Nadabu na Abihu na Eliyazari na Itamari.

4 Wiwuka wa Eleazari uweriti hangu: Finehasi na Finehasi Abishua, 5 Abishua kamwiwula Buki na Buki kamwiwula Uzi, 6 Uzi kamwiwula Zerahiya na Zerahiya kamwiwula Merayoti, 7 Merayoti kamwiwula Amariya na Amariya kamwiwula Ahitubu, 8 Ahitubu kamwiwula Sadoki na Sadoki kamwiwula Ahimaasi, 9 Ahimaasi kamwiwula Azaria na Azaria kamwiwula Yohanani, 10 Azariya ndo yakatenditi lihengu lya utambika munumba nkulu ya Mlungu yakalinyawiti Mfalumi Selemani aku Yerusalemu. 11 Azaria kamwiwula Amaria, Amaria kamwiwula Ahitubu, 12 Ahitubu kamwiwula Sadoki na Sadoki kamwiwula Meshulamu, 13 Meshulamu kamwiwula Hilikia na Hilikia kamwiwula Azaria, 14 Na Azaria kamwiwula Sereya na Sereya kamwiwula Yehosadaki, 15 Yehosadaki kajegitwi viraa mluhamira shaka Mtuwa Mlungu pakawajegeriti mluhamira wantu wa Yuda na Yerusalemu, kwa kumtendera mfalumi Nebukadineza.

16 Lawi kaweriti na wana watatu. Geshoni na Kohati na Merari. 17 Kila yumu gwawu kaweriti na wana wapalu. Gerishoni na Libini na Shimei. 18 Kohati kawiwuliti Amramu na Ishari na Hebroni na Uzieli. 19 Na Merari kawiwuliti, Mahili na Mushi. Awa ndo walongu wa Walawi kulinganira na nkolu zawu. 20 Na wiwuka wa Gerishomu kulawa shiyiwuku kwa shiyiwuku waweriti. Libini na Yahati na Zima na 21 Yoa na Ido na Zera na Yeaterai.

22 Na kulawa wiwuka wa Kohati shiyiwuku kwa shiyiwuku ndo awa. Aminadabu na Kora na Asiri, 23 Elikana na Ebiasafu na Asiri, 24 Tahati na Urieli na Usiya na Shauli. 25 Wana wa Elikana waweriti wawili, Amasai na Ahimoti.

26 Na awa ndo wiwuka wa Ahimoti. Elikana na Sofai na Nahati, 27 Eliabu na Yerohamu na Elikana. 28 Na wana wa Samueli waweriti wawili. Yoweli na Abiya.

29 Kulawa wiwuka wa Merari kulawa shiyiwuku mpaka shiyiwuku waweriti. Mahili na Mali na Libini na Shimeyi na Uza na 30 Shimeya na Hagiya na Asaya.

31 Awa ndo wantu weni Mfalumi Dawudi kawatuliti walonguziyi wimba munumba ya Mtuwa Mlungu pa lisandiku lya lipatanu kutulwa mngati. 32 Watenditi lihengu lyawu lya kwimba kwa kwankana kulongolu kuliringu linanagala lya kuliwona, mpaka Mfalumi Sulemani pakanyawiti numba ya Mtuwa Mlungu aku Yerusalemu. Watenditi mahengu gawu teratera kwa vipindi. 33 Kulawa lukolu lwa Kohati. Hemani mwana gwa Yoweri ndo yakaweriti mlonguziya gwa shipinga sha kwanja sha wimbaji. Lukolu lwakuyi kulawirana na Israeli ndo handa alu. Hemani na Yoweli na Samueli na 34 Elikana na Yerohamu na Elieli na Towa na 35 Zufu na Elikana na Mahati na Amasai na 36 Elikana na Yoweli na Azariya na Sefaniya na 37 Tahati na Asiri na Ebiasafu na Kora na 38 Ishari na Kohati na Lawi na Israeli,

39 Asafu, ndo yakaweriti mlonguziya gwa pili gwa wimbaji. Gwakuyi kaweriti uwega wakuyi wa kumliwu. Lukolu lwakuyi kulawirana na Lawi. Asafu, mwana gwa Bereki, mwana gwa Shimeya, 40 mwana gwa Mikaeli na mwana gwa Baaseya na mwana gwa Malikiya, 41 mwana gwa Etini, mwana gwa Zera na mwana gwa Adaya, 42 mwana gwa Etani na mwana gwa Zima na mwana gwa Shimei, 43 mwana gwa Yahati na mwana gwa Gerishoni mwana gwa Lawi. 44 Etamu gwa lukolu lwa Merari ndo kaweriti mlonguziya gwa shipinga sha tatu sha yawimba. Lukolu lwakuyi kulawirana na Lawi ndo handa hangu. Etani mwana gwa Kishi na Abidi na Maluki. 45 Hashabia na Amazia na Hilikiya, 46 Amsi na Bani na Shemeri, 47 Mahili na Mushi na Merari na Lawi. 48 Walawi wamonga wapananwa mahengu gamonga ga kutenda munumba inanagala ya Mlungu.

49 Aruni na wiwuka wakuyi ndo yawaweriti wankulaviya tambiku mushitalawanda sha tambiku za kulunguziwa na mushitawalanda sha kutumiziya ubani. Watenditi mahengu goseri ga pahala pananagala nentu su Mlungu kawalekeziyi Israeli vidoda vyawu. Goseri aga wagatenditi kulinganira na malagalira gakalaviyiti Musa ntumintumi gwa Mlungu. 50 Awa ndo wiwuka wa Aruni. Eleazari na Finehasi na Abishuwa, 51 Buki na Uzi na Serahia, 52 Serahia na Merayoti na Amariya na Ahitubu, 53 na Sadoki na Ahimaasi.

54 Aga ndo makawu gawapananitwi wiwuka wa Aruni wa lukolu lwa Kohati na womberi ndo waweriti wa kwanja muisi yawapananitwi walawi. 55 Hawa wapananitwi mji gwa Hebroni muisi ya Yuda na maliwuziwu yagazyengeta. 56 Kumbiti malambu ga vijiji vyavizyengeta kapananwa Karebu mwana gwa Yefuni. 57 Wiwuka wa Aruni wapananitwi miji ya kutugira. Hebroni na Libina pamuhera na maliwuziwu gakuyi, Yatiri na Eshitemoa pamuhera na maliwuziwu gakuyi, 58 Hileni na Debiri pamuhera na maliwuziwu gakuyi, 59 Ashani na Beti Shemeshi pamuhera na maliwuziwu gakuyi. 60 Kulawa pahala pa Benjamini wapananitwi miji ya Geba na Alemeti na Anatoti pamuhera na maliwuziwu ga miji ayi. Miji yoseri wapananitwi kulinganira na nkolu zawu lilongu na mitatu. 61 Miji lilongu ya pahala pa nusu ya likabila lya Manasi lyaliweriti uwega wa kwaguzyeta mshenji ilaviwitwi kwa seemu yayisigaliti ya lukolu lwa Kohati kwa simbi kulinganira na nkolu zawu. 62 Wiwuka wa Gerishoni lukolu kwa lukolu wapananitwi miji lilongu na mitatu mulikabila lya Isakari na Nafutali na Manasi wa kwagulawa mshenji muisi ya bashani. 63 Wiwuka wa Merari kulawa nkolu kwa nkolu,wapanwanitwi miji lilongu na miwili mulikabila lya Rubeni na Gadi na Zebuluni. 64 Hangu wantu wa Israeli wawapananiti Walawi miji ayi, su walikali amu pamuhera na maliwuziwu yagazyengetiti miji ayi. 65 Miji yayikanditwi muisi ya likabila lya Yuda na Simiyoni na Benjamini vilavilii ibagulilitwi likabila lya lawi kwa simbi. 66 Kaya zimonga za lukolu lwa wantu wa Kohati wapananitwi miji pamuhera na maliwuziwu gakuyi muisi ya likabila lya Efraimu 67 Mu Shekemu mji gwa kutugira muisi ya vigongu vya Efraimu na Gezeri na, 68 Yokimeamu na Beti Horoni, 69 Aiyaloni na Gati Rimoni. 70 Munusu ya likabila lya Manasi wapananitwi miji Aneri pamuhera na maliwuziwu gakuyi na Bileamu pamuhera na maliwuziwu gakuyi. 71 Wagerishoni wapananitwi miji ayi pamuhera na maliwuziwu gakuyi. Munusu ya likabira lya Manase yawaweriti uwega wa kwagulawa mshenji wapananitwi Golani Mubashani pamuhera na maliwuziwu gakuyi, Ashitaroti pamuhera na maliwuziwu gakuyi. 72 Mu pahala pa likabira lya Isakari wapananitwi. Kedeshi na Daberati na maliwuziwu gakuyi, 73 Ramoti na Anemu na maliwuziwu gakuyi. 74 Mulikabila lya Asheri wapananitwi. Mashali na Abudoni, 75 Hukoki na Rehobu na maliwuziwu gakuyi. 76 Mulikabila lya Nafutali. Kadeshi mu Galilaya na Hamoni pamuhera na Kiriyatiaimu pamuhera na maliwuziwu gakuyi. 77 Wamerari yawasigaliti, wapananitwi miji ayi pamuhera na maliwuziwu gakuyi yagazyengeta miji ayi. Mulikabila lya Zebuluni wapananitwi mji gwa Rimono na Tabori na maliwuziwu gakuyi. 78 Mulikabila lya Rubeni, kwagulawa mshenji mwa lushemba Yoridani pakwegera na mji gwa Yeriku wapananitwi Bezeri yaguwera pahala pampindi pamuhera na maliwuziwu gakuyi, Yahasa pamuhera na maliwuziwu gakuyi, 79 Kedemoti na Mefaati pamuhera na maliwuziwu gakuyi. 80 Mulikabira lya Gadi wapananitwi Ramoti mu Gileyadi na Mahanaimu pamuhera na maliwuziwu gakuyi, 81 Heshiboni pamuhera na maliwuziwu gakuyi na Yezeri pamuhera na maliwuziwu gakuyi.