1 Yakobu yawamshemiti Israel kaweriti na wana wapalu lilongu na mbili. Rubeni na Simeoni na Lawi na Yuda na Isakari na Zabuloni, 2 na Dani na Yosefu na Benjamini na Nafutali na Gadi na Asheri.

3 Wana wa Yuda yawiwukiti na Beti Shuwa, mdala kulawa isi ya Kanani, waweriti Eri na Onani na Shela. Eri, mwiwuka gwa kwanja gwa Yuda, kaweriti mkontola kulongolu kwa Mtuwa Mlungu, su Mtuwa Mlungu kamlaga. 4 Tamali nyahonga gwakuyi Yuda kamwiwuliliti wana wawili. Peresi na Zera, walanga ya wana wa Yuda waweriti wamhanu. 5 Peresi kaweriti na wana wawili, Hesironi na Hamuli. 6 Zera mlongu gwakuyi kaweriti na wana wapalu wamhanu, Zimuri na Eteni na Hemani na Kalikoli na Dara. 7 Mwana gwa Karimi, kaweriti Akari, Akari mana yakuyi ntabiku. Ayu kawajegeriti wantu wa israeli ntabiku toziya kafifiti lopola zyaziweriti walumika. 8 Etani kaweriti na mwana mpalu yumu, litawu lyakuyi Azariya.

9 Wana wapalu wa Hesiromu waweriti Yerameeli, Ramu na Karebu. 10 Ramu kamwiwula Aminadabu na Aminadabu kamwiwula Nashoni, mkulu gwa likabila la Yuda. 11 Nashoni kamwiwula Salimoni na Salimoni kamwiwula Boazi, 12 Boazi kamwiwula Obedi na Obedi Kamwiwula Yese. 13 Yese kaweriti na wana wapalu saba, Eliyabu ndo mwana gwa kwanja na gwa pili Abinadabu na gwa tatu Shama, 14 na gwa msheshi Netaneli na gwa mhanu Radai, 15 gwa sita Osemu na gwa saba Dawudi. 16 Wadada wawu waweriti Seruya na Abigaili. Wana wapalu wa Seruya waweriti watatu. Abishai na Yoabu na Asaheli. 17 Abigaili kaweriti mawu gwa Amasa mweni tati gwakuyi kaweriti Yeteri kulawa wiwuka wa Ishimaeli.

18 Karebu mwana gwa Hezironi, kaweriti na wadala wawili, Azuba na Yerioti. Na Azuba kamwiwuliriti wana wapalu watatu Yesheri na Shaobabu na Aridoni. 19 Azuba pakahowiti, Karebu kamuyugiti Efrata yakamwiwuliliti mwana mpalu yawamshemiti Huri.

20 Huri kamwiwula mwana mpalu yawamshemiti Uri na Uri kamwiwula mwana mpalu yawamshemiti Bazaleli.

21 Hesironi pakaweriti na vinja sitini, kamuyugiti muhinga gwa Makiri yakaweriti dada gwa Gileyadi. Ayu kamwiwuliliti mwana mpalu litawu lyakuyi Segubu. 22 Segubu kamwiwuliliti mwana mpalu yawamshemiti Yairi mweni kakolitimlima miji mikulu ishilini na mitatu muisi ya Gileyadi. 23 Kumbiti falumi za Geshuri na Aramu paziwakomangiti na kuwapoka miji ya Haroti Yairi, Kenati na vijiji vyakuyi, walanga ya miji sitini. Woseri awa waweriti wiwuka wa Makiri, tati gwakuyi Gileyadi. 24 Pa Hesironi kuhowa, mwana gwakuyi Karebu kamyugiti Efurati yakaweriti mkenja gwa tati gwakuyi. Efurati kamwiwuliliti Karebu mwana mpalu litawu lyakuyi Ashuru, yakaweriti mwanjisha gwa mji gwa Tekoa.

25 Yerameeli, mwiwuka gwa kwanja gwa Hesironi kaweriti na wana wapalu wamhanu. Ramu, mwiwuka gwakuyi gwa kwanja na Buna na Oreni na Osemu na Ahiya. 26 Yerameeli kaweriti na mdala yumonga litawu lyakuyi Atara, Ayu kamwiwuliliti Yerameeli mwana mpalu, litawu lyakuyi Onamu. 27 Wana wa Ramu mwiwuka gwa kwanja gwa Yerameeli waweriti Maasi na Yamini na Ekeri. 28 Wana wapalu wa Onamu waweriti Shamai na Yada. Wana wapalu wa Shamai waweriti Nadabu na Abishuri.

29 Abishuri kayugiti mdala litawu lyakuyi Abihaili na yomberi kamwiwuliliti wana wapalu wawili, Abani na Molidi. 30 Wana wapalu wa Nadabu waweriti Seledi na Apaimu, kumbiti Seledi kahowiti pota kulera wana. 31 Apaimu kaweriti na mwana mpalu yumu yawamshemiti Ishi. Ishi kamwiwuliliti Sheshani na Sheshani kamwiwuliliti Alai.

32 Wana wapalu wa Yada, mlongu gwakuyi Shamai waweriti wawili. Yeteri na Yonatani, Yeteri kahowiti pota kulera wana. 33 Yonatani kaweriti na wana wawili, Peleti na Zaza. Woseri awa ndo wiwuka wa Yerameeli.

34 Sheshani kaheriti ndiri wana wapalu, ira wadala hera. Kumbiti kaweriti na mmanda mpalu gwa Shimisiri, litawu lyakuyi Yariha. 35 Sheshani kamuyugiziya Yariha mmanda gwakuyi, yumu gwa wahinga wakuyi na yomberi kamwiwulira mwana litawu lyakuyi Atai. 36 Atai kamwiwuliti Natani na Natani kamwiwula Zabadi, 37 Zabadi kamwiwula Efulali na Efulali kamwiwula Obedi, 38 Obedi kamwiwula Yehu na Yehu kamwiwula Azariya, 39 Azariya kamwiwula Helesi na Helesi kamwiwula Eleasa, 40 Eleasa kamwiwula Sisimai na Sisimai kamwiwula Shalumu, 41 Shalumu kamwiwula Yekamia na Yekamia kamwiwula Elishama.

42 Mwiwuka gwa kwanja gwa Karebu, mlongu gwakuyi Yerameeli wamshemiti Mesha. Mesha kamwiwula Zifu na Zifu kamwiwula Maresha na Maresha kamwiwula Hebroni. 43 Hebroni kaweriti na wana wapalu wamsheshi, Kora na Tapua na Rekemu na Shema. 44 Shema kamwiwuliti Rahamu na Rahamu kamwiwuliti Yorikeamu, Rekemu kamwiwuliti Shamai, 45 Shamai kamwiwuliti Maoni na Maoni kamwiwula Betisuri.

46 Karebu kaweriti na mdala mpusu litawu lyakuyi Efa. Ayu kamwiwuliliti wana wapalu watatu, Harani na Mosa na Gazezi. Harani viraa kamwiwuliti mwana mpalu yakamshemiti Gazezi.

47 Wana wapalu wa Yadai waweriti sita, Regemu na Yotamu na Geshani na Peleti na Efa na Shaafu.

48 Karebu kaweriti na mdala mpusu yumonga litawu lyakuyi ndo Maaka. Ayu kamwiwuliliti wana wapalu wawili. Sheberi na Tirihana. 49 Maaka kamwiwuliliti wana wapalu wawili Karebu, Shaafu mwanjisha gwa mji gwa Madimana na Sheva, mwanjisha gwa mji gwa Makibena na Gibea. Karebu kaweriti viraa na mhinga, litawu lyakuyi Akisa.

50 Karebu kaweriti na wiwuka wamonga viraa kwa mdala gwakuyi Efurati. Huri mwiwuka gwakuyi gwa kwanja, ayu kaweriti na wana wapalu watatu. Shobali, mwanjishi gwa mji gwa Kiriyati Yearimu, 51 na gwa pili ndo Salima, myanzishi gwa mji gwa Betilehemu na gwa tatu Harefu, mwanjishi gwa mji gwa Beti Gaderi.

52 Shobali, mwanjishi gwa mji gwa Kiriyati Yealimu, kaweriti viraa mbuyi gwawu wantu wa Haroe na nusu ya wanalushi wa mji gwa Menuhoti, 53 pamuhera na nkolu azi yazilikaliti Kiriyati Yearimu zeni ndo wantu wa Itiri na wantu wa Puti na wantu wa Shumati na wantu wa Mishirai. Wantu wa Sorati na wantu wa Eshitaoli walawiraniti na wantu awa.

54 Salima mwanjishi gwa mji gwa Betilehemu kaweriti mbuyi gwa wantu wa Netofati na wantu wa Atiroti Beti Yoabu na nusu ya wantu wa Menahati yawaweriti Wasori,

55 azi ndo nkolu za walemba yazilikaliti mumji gwa Yabesi, wantu wa Tirati na wantu wa Shimeyati na wantu wa Sukati. Awa ndo Wakeni yawalawiti muwiwuka wa Hamati, yakaweriti myanzishi gwa mji gwa Betirekabu.