1 Wantu woseri wa israeli walembitwi munkolu na walanga ayi zilembitwi mushitabu sha wafalumi wa Israeli. Toziya wantu wa Yuda waweriti watolitwi lopola kugenda Babuloni toziya ya kuwera ndiri waminika kwa Mlungu. 2 Wantu wa kwanja kugawuyira makawu gawu mumiji yawu waweriti wantu wa Israeli na watambika na Walawi na wantumintumi wa munumba nkulu ya Mlungu. 3 Wamu wa wantu kulawa makabira ga Yuda na Benjamini na Efulaimu na Manase wagenditi kulikala kumji gwa Yerusalemu waweriti. 4 Utai mwana gwa Amihudi na mwana gwa Omiri na mwana gwa Imri na mwana gwa Bani, pamuhera na wana gwa Peresi na mwana gwa Yuda. 5 Na wiwuka wa Shiloni, Asaya mwiwuka gwa kwanja na wana wakuyi. 6 Na wiwuka wa Zera, Yeueli na walongu wawu, wantu miya sita tisini. 7 Na wiwuka wa Benjamini. Salu mwana gwa Meshulamu na mwana gwa Hodaviya na mwana gwa Hasenuya, 8 na Ibineya mwana gwa Yerohamu na Ela mwana gwa Uzi, mwana gwa Mikiri na mwana gwa Meshulamu na mwana gwa Shefatiya na mwana gwa Reuweli na mwana gwa Ibiniya, 9 Wantu kulawa Benjamini, ntambu yayilembitwi muwalanga yawu, waweriti miya tisa amusini na sita. Wapalu woseri waweriti wakulu wa kaya zawu.

10 Watambika awa walikaliti Yerusalemu. Yedaya na Yehoyaribu na Yakini, 11 na Azariya mwana gwa Hilikiya, mwana gwa Meshulamu na mwana gwa Sadoki na mwana gwa Merayoti na mwana gwa Ahitubu yakaweriti mkulu munumba ya Mlungu. 12 Na Adaya mwana gwa Yerohamu, na mwana gwa Pashuri na mwana gwa Malikiya na mwana gwa Maasai na mwana gwa Adieli na mwana gwa Yazera na mwana gwa Meshulamu na mwana gwa Meshilemiti na mwana gwa Imeri, 13 watambika yawaweriti wakulu wa kaya zawu, walanga yawu wantu elufu yimu miya saba sitini. Waweriti wana uwezu mkulu muutenderu woseri wa numba wa Mlungu.

14 Walawi awa walikaliti Yerusalemu. Shemeya, mwana gwa Hashubu, mwana gwa Azirikamu na mwana gwa Hashabiya na mwana gwa Merari, 15 Bakibakari na Hereshi na Galali na Matania mwana gwa Mika, mwana gwa Zikiri na mwana gwa Asafu, 16 Obadiya mwana gwa Shemaya na mwana gwa Galali na mwana gwa Yedutuni na Berekia, mwana gwa Asa na mwana gwa Elikana, weni walikaliti muvijiji vya Wanetofati.

17 Awa ndo walolera wa numba ya Mlungu yawalikaliti Yerusalemu ndo: Shalumu na Akubu na Talimoni na Ahimani na Walawi wayawu. Shalumu kaweriti mkulu gwawu. 18 Mpaka kusoka shaka ashi, walolera kulawa munkolu zawu ndo yawaloliliti Ligomi lya mfalumi lyaliweriti uwega wa kwagulawa mshenji lyakapitiliti mfalumi. Panu kwanja, waweriti walolera wa magomi ga mung'onjeru ya Walawi. 19 Shalumu, mwana gwa Kore na mwana gwa Ebiyasafu, pamuhera na walongu wakuyi wa lukolu lwa Kora, waweriti na mahengu ga kugalolera weri mayingiru ga numba nkulu ya kuliwona, ntambu yawaweriti wambuyi wakuyi shaka sha ulolera wa ng'onjeru ya Mtuwa Mlungu. 20 Finehasi, mwana gwa Eleyazari, kaweriti mlongoziya gwawu, mashaka gapititi na Mtuwa Mlungu kaweriti pamuhera na yomberi. 21 Zekaria mwana gwa Meshelemiya, viraa kaweriti mlolera muligomi lya liringu linanagala. 22 Walolera woseri wa magomi ga numba nkulu ya Mlungu waweriti miya mbili lilongu na mbili. Walembitwi kulinganira na vijiji vyawalikaliti. Mfalumi Dawudi na Samueli mlola ndo yawatakuliti yina kwa lihengu lya kuwasyagula walolera awa. 23 Su, wantu awa na wiwuka wawu, wendereyiti kuyilolera migomi mikulu ya numba nkulu ya Mtuwa Mlungu. 24 Kila uwega wa kwagulawira mshenji na kwaguzyetera mshenji, kushana na kusika, paweriti na ligomi lyaliweriti na walolera. 25 Walolera awa watangitwi na walawi wayawu yawalikaliti kuvijiji, weni wafiriwitwi kuwera mumahengu ga ulolera kwa shaka sha mashaka saba. 26 Walii walolera wakulu wamsheshi, weni waweriti Walawi, waweriti na lihengu lya kugolokera vyumba na luhanja lwa numba nkulu ya Mlungu. 27 Womberi walikaliti pakwegera na numba nkulu ya Mlungu toziya iweriti lihengu lyawu lya kuyilolera na kuvugula migomi yakuyi kila lishaka mandawira.

28 Wamu wa Walawi waweriti walolera wa vyombu vyavitenderitwi shaka sha kuguwira. Wafiruwitwi kuviwalanga pavilaviwitwi na paviwuziwitwi. 29 Wamonga wasyagulitwi kugolokera vyombu vinanagala vya numba nkulu ya Mlungu na vyombu vyoseri vinanagala na ubumu uherepa na divayi na lipaki lya mizeyituni na ubani na utuli. 30 Kumbiti lihengu lya kutanda utuli litenditwi na watambika.

31 Metitiya, yumu gwa Walawi yakaweriti mwiwuka gwa kwanja gwa Shalumu, gwa lukolu lwa Kora, kagolokeriti kunyawa kwa tambiku ya mabumunda. 32 Walongu wawu wamonga wa lukolu lwa Kohati waweriti na mahengu ga kutanda mabumunda ga languziwu kwajili ya numba nkulu ya Mlungu kila lishaka lya kwoyera. 33 Kaya zimonga za Walawi ziweriti zakwimba munumba nkulu ya Mlungu. Walikaliti muwamu mwa numba za Mlungu na wafiruwitwi ndiri kutenda mahengu gamonga goseri toziya waweriti mlihengu pashiru na paliwala.

34 Wantu woseri awa yawakanditwi waweriti wakulu wa likabila lya Walawi, kulinganira na nkolu zawu. Womberi ndo wakulu yawalikaliti Yerusalemu.

35 Yaieli mwanjisha gwa mji gwa Gibiyoni kalikaliti aku Gibiyoni, mdala gwakuyi litawu lyakuyi kaweriti Maaka, 36 Mwiwuka gwakuyi gwa kwanja kaweriti Abudoni, kafatitwi na Zuri na Kishi na Baali na Neri na Nadabu, 37 Gedori na Ahiyo na Zekariya na Mikiloti. 38 Mikiloti kamwiwula Shimeyamu. Wiwuka wawu walikaliti Yerusalemu pakwegera na kaya zimonga za nkolu zawu. 39 Neri kamwiwuliti Kishi na Kishi kamwiwula Sauli. Sauli kaweriti na wana wamsheshi. Yonatani na Maliki Shuwa na Abinadabu na Eshibaali. 40 Yonatani kamwiwula Meribu Baali na Meribu Baali kamwiwula Mika. 41 Mika waweriti na wana wamsheshi. Pitoni na Meleki na Tareya na Ahazi. 42 Ahazi kamwiwuliti Yara, Yara kawiwula Alemeti na Azimaweti na Zimiri na Zimiri kamwiwula Mosa. 43 Mosa kamwiwula Bineya na Bineya kamwiwula Refaya na Refaya kamwiwula Eleyasa na Eleyasa kamwiwula Aseli.

44 Aseli kaweriti na wana sita. Azirikamu na Bokeru na Ishimaeli na Sheariya na Obadiya na Hamani. Wana woseri awa waweriti wana wa Aseli.