1 Benjamini kaweriti na wana mhanu. Bela mwiwuka gwa kwanja na Ashibeli gwa pili na Ahara gwa tatu, 2 Noha gwa msheshi na Rafa gwa mhanu. 3 Wana wa Bela waweriti. Adari na Gera na Abihudi, 4 Abishuwa na Naamani na Ahoa, 5 Gera na Shefufani na Huramu. 6 Awa ndo wiwuka wa Ehudi, awa wawaweriti wakulu wa kaya za walii yawalikaliti aku Geba, kumbiti wajegiritwi muuhamisiwa Manahati, 7 Naamani na Ahiya na Gera. Gera kaweriti tati gwa Uza na Ahihudi, ndo yakawalonguziyiti kugenda kuluhamila. 8 Shaharaimu kawalekiti wadala wakuyi wawili, Hushimu na Baara. 9 Shakapanu kagenditi kulikala muisi ya Mowabu. Kamyugiti Hodeshi na yomberi kamwiwuliliti wana saba. Yoabu na Sibiya na Mesha na Malikamu, 10 Yewuzi na Sakiya na Mirima. Wana wakuyi awa wiziti kuwera wakulu wa kaya. 11 Shaharaimu na mdala gwa Hushimu wapatiti wana wamonga wawili. Abitubu na Elipaali. 12 Wana wapalu wa Elipaali waweriti watatu. Eberi na Mishamu na Shemedi, Shemedi ndo yakayinyawiti miji ya Ono na Lodi pamuhera na vijiji vyavizyengetiti.

13 Beriya na Shema waweriti muwamu mwa wakulu wa kaya yazilikaliti mumiji ya Aiyaloni na kuwawinga wenikaya wa mji gwa Gati. 14 Na Ahio na Shashaki na Yerimoti, 15 Zebadia na Aradi na Ederi, 16 Mikaeli na Ishipa na Yoha ndo wiwuka wamonga wa Beriya.

17 Awu ndo wiwuka wa Zebadia, Meshulamu na Hiziki na Heberi, 18 Ishimerai na Izilia na Yobabu waweriti wiwuka wa Epaali. 19 Yakimu na Zikiri na Zabidi, 20 Elienai na Ziletai na Elieli, 21 Adaya na Beraya na Shimurati waweriti wiwuka wa Shimei. 22 Ishipani na Eberi na Elieli, 23 Abudoni na Zikiri na Hanani, 24 Hananiya na Eramu na Anitotoya, 25 Ifideya na Penueli waweriti wiwuka wa Shashaki. 26 Shamshera na Sheharia, Atalia, 27 Yaareshia na Eliya na Zikiri waweriti wamu wa wiwuka wa Yeruhamu. 28 Awa ndo yawaweriti wakulu wa nkolu zawu kulinganira na viyiwuku vyawu, awa walikaliti Yerusalemu.

29 29 Yeieli ndo yakanjishiti mji gwa Gibiyoni. Mdala gwakuyi kaweriti Maaka. 30 Mwiwuka gwakuyi gwa kwanja kaweriti Abudoni. Wana wamonga ndo Zuri na Kishi na Baali na Nadabu, 31 Gedori na Ahio na Zekaria, 32 na Mikiloti tati gwakuyi Shimea. Awa viraa walikaliti Yerusalemu pakwegera na wantu wamonga wa lukolu lwawu

33 Neri kamwiwuliti Kishi, Kishi kamwiwuliti Sauli. Sauli kaweriti na wana wamsheshi. Yonatani na Maliki Shuwa na Abinadabu na Eshi Baali. 34 Yonatani kamwiwuliti Meribi Baali, Meribi Baali kamwiwuliti Mika. 35 Mika kaweriti na wana wamsheshi. Pitoni na Meleki na Tarea na Ahazi. 36 Ahazi kamwiwuliti Yehoyada. Yehoyada kawiwuliti Alemeti na Azimaweti na Zimuri. Zimuri kamwiwuliti Mosa. 37 Mosa kamwiwuliti Bineya na Beneya kamwiwuliti Rafa na Rafa kamwiwuliti Eleyasa na Eleyasa kamwiwuliti Aseli. 38 Wana wa Aseli waweriti sita. Matawu gawu ndo Azirikamu na Bokeru na Ishimaeli na Sheariya na Obadiya na Hanani. Woseri awa waweriti wana wa Aseli. 39 Wana wa Esheki, mlongu gwakuyi Aseli, waweriti watatu. Mwiwuka gwakuyi gwa kwanja kaweriti Ulamu na gwa pili Yeushi na gwa tatu Elifeleti. 40 Wana wa Ulamu waweriti wantu wagangamala nentu wa nkondu na waguma upindi wagangamala. Kaweriti na wana na wazukulu wavuwa, walanga yawu miya yimu amusini. Woseri yawakantitwi waweriti wa lukolu lwa Benjamini.