Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ತನ್ನಾ ಸರ್ವೆಸ್ಪರ್ ದೆವಾನ್ ನೊಯೆಕ್, ಸಗ್ಳ್ಯಾ ಲೊಕಾಕ್ನಿ ಮಿಯಾ ನಾಶ್ ಕರ್ತಾ, ಕಶ್ಯಾಕ್ ಮಟ್ಲ್ಯಾರ್ ಹೆಂಚ್ಯಾ ವೈನಾ ಜಿಮ್ನಿರ್ ತರಾಸ್ ಭರಲ್ಲೊ ಹಾಯ್, ಮಿಯಾ ಖರೆಚ್ ತೆಂಕಾಬಿ ಜಗಾತ್ ರ್ಹಾತಲೆ ಸಗ್ಳೆಬಿ ನಾಶ್ ಕರ್ತಾ ಮಟ್ಲ್ಯಾನ್. ಅನಿ ಎಕ್ ಬರ್ಯಾ ಝಾಡಾಚೆ ತುಜ್ಯಾ ಸಾಟ್ನಿ ಮನುನ್ ಎಕ್ ಮೊಟಿ ಢೊನ್ ಭಾಂದುನ್ ಘೆ ತ್ಯಾತುರ್ ಲೈ ಖೊಲಿಯಾ ರಾಂವ್ದಿ ಅನಿ ಭಾಯ್ರ್ ಅನಿ ಭುತ್ತುರ್ನಾ ಡಾಂಬರ್ ಲಾವ್ ಮಟ್ಲ್ಯಾನ್. ಅನಿ ತ್ಯಾ ಢೊನಾಚಿ ಲಾಂಬಿ ತಿನ್ಸೆ ಹಾತ್, ರುಂದಿಕ್ ಪನ್ನಾಸ್ ಹಾತ್ ಅನಿ ಉಪ್ಪರ್ ತಿಸ್ ಹಾತ್ ಹೊವ್ನ್ ರ್ಹಾವ್ಚೆ. ಡೊನಾಚ್ಯಾ ಥಾಟಾಚ್ಯಾ ಖಾಲ್ತಿ ಭೊತ್ಯಾನಿ ಎಕ್ ಹಾತ್ ಲಾಂಬಿ ಕಿಂಡ್ ಥವ್ ತೆಚ್ಯಾ ಜಗ್ಗೊಳ್ ದಾರ್ ರಾಂವ್ದಿತ್ ಅನಿ ತ್ಯಾತುರ್ ತಿನ್ ಮಾಳ್ಗಿ ರಾಂವ್ದಿ.
ಜಲ್ ಪ್ರಳಯ್
ಅನಿ ಸರ್ವೆಸ್ಪರ್ ದೆವಾನ್ ನೊಯೆಕ್: ತುಜ್ಯಾ ಘರಾತ್ಲ್ಯಾ ಲೊಕಾಚ್ಯಾ ವಾಂಗ್ಡಾ ಢೊನಾತ್ ಜಾ. ಕಶ್ಯಾಕ್ ಮಟ್ಲ್ಯಾರ್ ಹ್ಯಾ ಎಳಾಚ್ಯಾ ಲೊಕಾಂಚ್ಯಾ ಮದ್ದಿ ತಿಯಾ ಎಕ್ಲೊಚ್ ಮಾಜ್ಯಾ ನದ್ರೆಕ್ ಧರ್ಮಿಸ್ಟ್ ಹೊವ್ನ್ ದಿಸ್ಲೆಯ್.
ನೊಯೆ ಅನಿ ತೆಚಿ ಬಾಯ್ಕೊ ಲೆಕಾ ಅನಿ ಸುನ್ನಾ ಹೆನಿ ಸಗ್ಳೆ ಜಲ್ ಪ್ರಳಯಾಕ್ನಾ ಬಚಾವ್ ಹೊವ್ಕ್ ಸಾಟ್ನಿ ಮನುನ್ ಢೊನಾತ್ ಗೆಲೆ. ಅನಿ ನಿತಳ್ ಅನಿ ನಿತಳ್ ನತ್ತಿ ದೊನಿ ನಮುನ್ಯಾಚಿ ಜನಾವರಾತ್ನಿ, ಫಾಂಕ್ರಾತ್ನಿ ಅನಿ ಜಿಮ್ನಿ ವರ್ತಿ ಫಿರುನ್ ಖೆಳ್ತಲೆ ಹರ್ ಎಕ್ ನಮುನ್ಯಾಚೆ ಕಿಡೆ ಅನಿ ಹರ್ ಎಕ್ ಪೊಟಾನಿ ಜಾತಲೆ ಹರ್ ಎಕ್, ಅನಿ ಜಿಮ್ನಿ ವರ್ತಿ ರ್ಹಾತಲ್ಯಾ ಹರ್ ಎಕ್ ನಮುನ್ಯಾಚಿ ದೊದೊನ್ ಗಂಡ್ ಅನಿ ಹೆನ್ನ್ ಢೊನಾತ್ ಗುಸುಕ್ ಸಾಟ್ನಿ ನೊಯೆಕ್ಡೆ ಯೆಲೆ, ಅಸೆ ಹೊವ್ಚೆ ಮನುನ್ ಸರ್ವೆಸ್ಪರ್ ದೆವಾನ್ ಹುಕುಮ್ ದಿಲ್ಲ್ಯಾನ್.
ಸಾತ್ ದಿಸಾಚ್ಯಾ ಮಾನಾ ಜಿಮ್ನಿ ವರ್ತಿ ಜಲ್ ಪ್ರಳಯ್ ಸುರು ಹೊಲೆ.
ಹಿ ಜನಾವಾರಾ ಸರ್ವೆಸ್ಪರ್ ದೆವಾಚ್ಯಾ ಹುಕುಮಾ ಸರ್ಕೆ ಹರ್ ಎಕ್ ಜಾತಿಬಿ ಗಂಡ್ ಅನಿ ಹೆನ್ನ್ ನೊಯೆಚ್ಯಾ ವಾಂಗ್ಡಾ ಢೊನಾತ್ ಭುತ್ತುರ್ ಯೆಲಿ, ತನ್ನಾ ಸರ್ವೆಸ್ಪರ್ ದೆವಾನ್ ಢೊನಾಚೆ ಧಾರ್ ಧಾಪ್ಲ್ಯಾನ್ .
ಚಾಳಿಸ್ ದಿಸ್ ಪಾವ್ಸ್ ಪಡುನ್ಗೆತುಚ್ ಹೊತ್ತೊ, ಅನಿ ಪಾನಿ ಲೈ ವೈರ್ ಯೆತಾನಾ ಢೊನ್ ಪಾನಿಯಾ ವರ್ತಿ ಪೆಂವುಕ್ ಲಾಗ್ಲೆ ಅನಿ ಜಿಮ್ನಿಕ್ನಾ ವರ್ತಿ ಉಟ್ಲೆ.
ಅನಿ ಪಾನಿ ಲೈ ಹೊವ್ನ್ ಭರುಲಾಲೆ ತನ್ನಾ ಢೊನ್ ಪಾನಿಯಾವರ್ತಿ ಪೆಂವುಲಾಲೆ.
ಅಸೆ ಸರ್ವೆಸ್ಪರ್ ದೆವಾನ್ ಜಿಮ್ನಿ ವರ್ತಿ ಹೊತ್ತ್ಯಾ ಸಗ್ಳ್ಯಾ ಮಾನ್ಸಾಕ್ನಿ, ಜನಾವಾರಾಕ್ನಿ, ಅನಿ ಫಾಕ್ರಾಕ್ನಿ ಫಿರುನ್ ಖೆಳ್ತಲೆ ಕಿಡೆ ಹರ್ ಎಕ್ಬಿ ನಾಶ್ ಕರ್ಲ್ಯಾನ್; ನೊಯೆ ಅನಿ ತೆಚ್ಯಾ ವಾಂಗ್ಡಾ ಢೊನಾತ್ ಹೊತ್ತೆ ಸಗ್ಳೆ ವಾಚುನ್ ರ್ಹಾಲೆ.
ಅನಿ ಎಕ್ಸೆ ಪನ್ನಾಸ್ ದಿಸಾಂಚ್ಯಾ ಪತರ್ಬಿ ಪಾನಿ ಉತ್ರುಕ್ ಶುರು ಹೊವ್ಕ್ ನತ್ತೆ. ಸಾತ್ವ್ಯಾ ಮೈನಾಚ್ಯಾ ಸತ್ರಾವ್ಯಾ ದಿಸಿ ಢೊನ್ ಅರಾರಾಟ್ ಮನ್ತಲ್ಯಾ ಜಾಗ್ಯಾಚ್ಯಾ ಮಡ್ಡಿವರ್ತಿ ಇಬೆರಾಲಿ.
ನೊಯೆನ್ ಚಾಳಿಸ್ ದಿಸಾ ಹೊಲ್ಲ್ಯಾ ಮಾನಾ ಢೊನಾಚಿ ಎಕ್ ಕಿಡಕಿ ಉಗಡ್ಲ್ಯಾನ್, ಅನಿ ಎಕ್ ಕಾವ್ಳೊ ಭಾಯ್ರ್ ಸೊಡ್ಲ್ಯಾನ್ ಅನಿ ಜಿಮ್ನಿ ವೈಲೆ ಪಾನಿ ವಾಳಿ ಪತರ್ ಬಿ ಕಾವ್ಳೊ ಥೈ ಹಿತ್ತೆ ಫಿರುನ್ಗೆತ್ ಹೊತ್ತೊ.
ಮಾನಾ ಅನಿಬಿ ನೊಯೆನ್ ಜಿಮಿನ್ ಆಟ್ಲಾಕಿ ನಾ ಮನುನ್ ಬಗುಕ್ ಎಕ್ ಪಾರಿವಾಳಾಕ್ ಧಾಡುನ್ ದಿಲ್ಯಾನ್. ತನ್ನಾ ಪಾನಿ ಹೊತ್ತ್ಯಾ ವೈನಾ ತೊ ಪಾರಿವಾಳಾಕ್ ಪಾಯ್ ಥವ್ಕ್ ಜಾಗೊ ನತ್ತ್ಯಾ ವೈನಾ ಪರ್ತುನ್ ಯೆಲೆ, ತನ್ನಾ ನೊಯೆ ತೆಕಾ ಘೆವ್ನ್ ಢೊನಾಚ್ಯಾ ಭುತ್ತುರ್ ಸೊಡ್ಲ್ಯಾನ್. ಮಾನಾ ನೊಯೆನ್ ಸಾತ್ ದಿಸ್ ರಾಕುನ್ ತ್ಯಾ ಪಾರಿವಾಳಾಕ್ ಅನಿ ಪರ್ತುನ್ ಭಾಯ್ರ್ ಸೊಡ್ಲ್ಯಾನ್. ತ್ಯಾ ದಿಸಿ ಸಾಂಚೆಕ್ಡೆ ಪರ್ತುನ್ ಪಾರಿವಾಳ್ ನೊಯೆಚ್ಯಾ ಜಗ್ಗೊಳ್ ಯೆತಾ, ತೆಚ್ಯಾ ಠೊಚ್ಯಾತ್ ಒಲಿವ್ ಝಾಡಾಚೆ ಎಕ್ ಕವ್ಳೊ ಚಿಗುರ್ ರ್ಹಾತಾ, ತನ್ನಾ ನೊಯೆನ್ ಜಿಮ್ನಿ ವೈಲೆ ಪಾನಿ ಉತರ್ಲೆ ಮನುನ್ ಕಳ್ವುನ್ ಘೆಟ್ಲ್ಯಾನ್. ಅನಿ ಸಾತ್ ದಿಸಾ ಮಾನಾ ನೊಯೆನ್ ಪಾರಿವಾಳಾಕ್ ಪರ್ತುನ್ ಧಾಡ್ಲ್ಯಾನ್ ಖರೆ ಪಾರಿವಾಳ್ ಪರ್ತುನ್ ಯೆವ್ಕುಚ್ ನಾ.
ನೊಯೆಕ್ ಸಾಸೆ ಎಕ್ ವರ್ಸಾ ಹೊಲ್ಲ್ಯಾ ತನ್ನಾ ಎಕ್ವೆಚ್ಯಾ ಮೈನೆಚ್ಯಾ ಎಕ್ವೆ ದಿಸಿ ಜಿಮ್ನಿ ವೈಲೆ ಪಾನಿ ಉತರ್ಲೆ, ನೊಯೆನ್ ಢೊನಾಚೆ ದಾರ್ ಉಗ್ಡುನ್ ಹಿಕ್ಡಿ ತಿಕ್ಡಿ ಬಗ್ಲ್ಯಾನ್ ಜಿಮಿನ್ ವಾಳುಲಾಗಲಿ ದಿಸ್ಲಿ.
ತನ್ನಾ ದೆವಾನ್ ನೊಯೆಕ್, "ತಿಯಾ ಅನಿ ತುಜಿ ಬಾಯ್ಕೊ ಲೆಕಾ ಅನಿ ಸುನ್ನಾ ಢೊನಾತ್ನಾ ಭಾಯ್ರ್ ಜಾವಾ, ಅನಿ ತುಜ್ಯಾ ವಾಂಗ್ಡಾ ಹೊತ್ತಿ ಜನಾವರಾ, ಫಾಕ್ರಾ, ಫಿರುನ್ ಖೆಳ್ತಲೆ ಕಿಡೆ ಹರ್ ಎಕ್ಬಿ ಭಾಯ್ರ್ ಯೆಂವ್ದಿತ್ ಅನಿ ತೆಂಚಿ ಪಿಳ್ಗಿ ಜಿಮ್ನಿ ವರ್ತಿ ಲೈ ಹೊವ್ನ್ ವಾಡುಂದಿತ್" ಮಟ್ಲ್ಯಾನ್.
ದೆವಾನ್ ನೊಯೆಕ್ ಅನಿ ತೆಚ್ಯಾ ಲೆಕಾಕ್ನಿ, "ಅಬಕ್, ಮಿಯಾ ಅನಿ ತುಮ್ಚ್ಯಾ ಪಿಳ್ಗಿಚ್ಯಾ ವಾಂಗ್ಡಾ, ಅನಿ ತುಮ್ಚ್ಯಾ ಢೊನಾತ್ ತುಮ್ಚ್ಯಾ ವಾಂಗ್ಡಾ ಯೆಲ್ಲಿ ಸಗ್ಳಿ ಜನಾವರಾ ಫಾಕ್ರಾ ಹರ್ ಎಕ್ ನಮುನ್ಯಾಚ್ಯಾ ಜಿವಿಚ್ಯಾ ವಾಂಗ್ಡಾ, ಹ್ಯಾ ಗೊಸ್ಟಿಯಾನಿ ಮಿಯಾ ತುಜ್ಯಾ ವಾಂಗ್ಡಾ ಕರಾರ್ ಕರುನ್ಗೆತಾ, ಹ್ಯಾನ್ ಫಿಡೆ ಜಲ್ ಪ್ರಳಯಾನ್ ಹ್ಯಾ ಜಗಾಕ್ ಅನಿ ಜಿವಿಯಾಕ್ನಿ ನಾಶ್ ಕರಿನಾ ಮನುನ್ ಮಿಯಾ ಗೊಸ್ಟ್ ದಿತಾ.
ಮಿಯಾ ಮಳ್ಬಾತ್ನಿ ಕಾಮನ್ ಬಿಲ್ಲು ಥವ್ತಾ, ಹಿ ಮಿಯಾ ಜಗಾಚ್ಯಾ ವಾಂಗ್ಡಾ ಕರುನ್ಗೆಟಲ್ಯಾ ಕರಾರಾಕ್ ವಳಕ್ ಹೊವ್ನ್ ಹಾಯ್.
ವಿಶ್ವಾಸಾನುಚ್ ನೊಯೆನ್ ತವ್ಡ್ಯಾ ಪತರ್ ದಿಸಿನಸ್ತಾನಾ ಹೊತ್ತ್ಯಾ ಸಂಗ್ತಿಯಾಂಚ್ಯಾ ವಿಶಯಾತ್ ದೆವಾಕ್ನಾ ಸಾಂಗ್ನಿ ಘೆವ್ನ್ ಭಕ್ತಿನ್ ಅಪ್ಲ್ಯಾ ಘರ್ಚ್ಯಾ ಲೊಕಾಂಚ್ಯಾ ರಾಕನಿ ಸಾಟ್ನಿ ಢೊನ್ ಬಾಂದ್ಲ್ಯಾನ್, ಅನಿ ಲೊಕಾಕ್ನಿ ಸಗ್ಳ್ಯಾಕ್ನಿ ಶಿಕ್ಷಾತ್ ಪಡ್ತಲೆ ಹೊಲ್ಲೆ ಮನುನ್ ದಾಕ್ವುನ್ ವಿಶ್ವಾಸಾಚೆ ಫಳ್ ಘೆವ್ಕ್ ಗುರಿ ಹೊಲೊ.
ಹೊ ಆತ್ಮೊ ಖಲೊ ಮಟ್ಲ್ಯಾರ್, ನೊಯೆ ಢೊನ್ ಬಾಂದ್ತಾನಾ ಶಾಂತ್ಪಾನಾನ್ ರಾಕುನ್ಗೆತ್ ಹೊತ್ತ್ಯಾ ದೆವಾನ್ ತನ್ನಾ ಆಟ್ ಲೊಕಾ ತವ್ಡಿಚ್ ಪಾನಿಯಾಕ್ನಾ ಹುರ್ಲಿ. ಖರೆ ದೆವಾಚ್ಯಾ ವಾಂಗ್ಡಾ ಎಕ್ ಬರ್ಯಾ ಮನಾನ್ ಗೊಸ್ಟ್ ದಿತಲೆ ಹೊವ್ನ್ ಹಾಯ್, ಹೆ ಬಾಲ್ತಿಮ್ ತುಮ್ಕಾ ಜೆಜು ಕ್ರಿಸ್ತಾಚ್ಯಾ ಝಿತ್ತೊ ಹೊವ್ನ್ ಉಟಲ್ಲ್ಯಾಚ್ಯಾ ವೈನಾ ಹುರ್ವುತಾ. ಅತ್ತಾ ಜೆಜು ಸರ್ಗಾಕ್ ಗೆಲಾ, ತೊ ದೆವಾಚ್ಯಾ ಉಜ್ವ್ಯಾ ಭಾಜುಕ್ ಬಸ್ಲಾ, ಅನಿ ತೊ ದೆವ್ದುತಾ, ಅಧಿಕಾರಿಯಾ ಅನಿ ಅಜಾಪಾಂಚ್ಯಾ ವರ್ತಿ ರಾಜ್ವಟ್ಕಿ ಕರುಲ್ಲಾ.
ನೊಯೆಚ್ಯಾ ಕಾಲಾತ್ ಕಶೆ ಘಡ್ಲೆ ತಸೆಚ್ ಮಾನ್ಸಾಚೊ ಲೆಕ್ ಯೆತಲ್ಯಾ ಕಾಲಾತ್ಬಿ ಘಡ್ತಾ. ಕಶೆ ಹ್ಯೊ ಜಗ್ ಸಗ್ಳೊ ಪಾನಿಯಾನಿ ಬುಡುಚ್ಯಾ ಅದ್ದಿ ನೊಯೆ ಢೊನಿತ್ ಗುಸ್ಲೊ ತ್ಯಾ ದಿಸಾ ಪತರ್ ಲೊಕಾ ಖಾವ್ನಗೆತ್ ಫಿವ್ನಗೆತ್, ಲಗ್ನಾ ಕರುನ್ ಘೆವ್ನಗೆತ್-ಲಗ್ನಾ ಕರುನ್ ದಿವ್ನಗೆತ್ ಹೊತ್ತಿ. ಅಶೆ ಸಗ್ಳ್ಯಾ ಜಿಮ್ನಿರ್ ಪಾನಿಭರುನ್ ಸಗ್ಳೆ ಹೊವ್ನ್ ಜಾಯ್ ಪತರ್ಬಿ ತೆಂಕಾ ಕಾಯ್ಬಿ ಕಳುಕ್ ನಾ. ತಸೆಚ್ ಮಾನ್ಸಾಚೊ ಲೆಕ್ ಯೆತಲ್ಯಾ ಎಳಾರ್ಬಿ ಘಡ್ತಾ.
ತನ್ನಾ ಶೆತಾತ್ ಹೊತ್ತ್ಯಾ ದೊನ್ ಘೊಮನ್ಸಾನಿತ್ಲ್ಯಾ ಎಕ್ಲ್ಯಾಕ್ ಘೆವ್ನ್ ಜಾವ್ನ್ ಹೊತಾ, ಎಕ್ಲ್ಯಾಕ್ ಥೈಚ್ ಸೊಡುನ್ ಹೊತಾ. ಜಾತ್ಯಾ ವರ್ತಿ ದಳುಕ್ ಬಸಲ್ಲ್ಯಾ ದೊಗ್ಯಾ ಬಾಯ್ಕೊಮನ್ಸಾನಿತ್ಲ್ಯಾ ಎಕ್ಲಿಕ್ ಸೊಡುನ್, ಎಕ್ಲಿಕ್ ಘೆವ್ನ್ ಜಾವ್ನ್ ಹೊತಾ.