9 Dupã tsi li dzãsi aesti, cãndu elji ma lu mutrea, lu-anãltsarã tu tser sh-un nior lu lo dit ocljilji a lor.

10 Sh-cum tsãnea ocljilji cãtrã tser, cãndu elu ma s-anãltsa, ia doi bãrbats cu stranji albi stãturã nãintea a lor, 11 sh-lã dzãsirã: "Bãrbats di Galilea, cãtse stats sh-mutrits cãtrã tser? Aestu Isus, tsi s-anãltsã tu tser dit mesea a voastrã, va si s-toarnã ashã cum fudzi, cum lu vidzut cã s-alinã tu tser."

19 Domnul Isus, dupã tsi lã gãri a lor, si anãltsã tu tser shi s-apunã tu nandreapta a Dumnidzãlui.

50 Deapoea lji sotsãsi nafoarã cãtrã Betania sh-sculãnda mãnjili, lji ghinicuvãntã. 51 Anda lji ghinicuvãntã, s-dispãrtsã di elji shi lu anãltsarã tu tser.

2 Tu casa a Tatãlui a meu ari multi locuri, altã soi va vã dzãtseam. Ma mi duc s-vã ndregu un loc.

12 Dealihea ma vã dzãc, cai pistipseashti tu mini va s-facã sh-elu faptili tsi fac mini, sh-va s-facã sh-ma mãri di aesti, cã mini ma mi duc la Tatãl.

28 Mini ishi di la Tatãl sh-vinj tu lumi, tora ma u alasã lumea sh-ma mi ducã la Tatãl."

17 Isusul lji dzãsi: "Nu mi pusputea, cã ninga nu mi am alinatã la Tatãl a meu, ma duti la fratslji a melji sh-dzã-lã cã mini ma mi alin la Tatãl a meu, sh-la Tatãl a vostru, la Dumnidzãlu a meu sh-la Dumnidzãlu a vostru."

33 Atumtsea Isusul lã dzãsi a lor: "Mini escu ninga putsãn chiro cu voi, deapoea va mi duc la atsel tsi mi ari pitricut.

16 Shi fãrã shubei cã mistiryiul a pistiljei easti mari:

Hristolu s-fãnirusi tu trup,

s-ndriptã tu Duh,

s-aspusi la anghilji,

s-ghinihãbãrsi la pãngãnjlji,

s-pistipsi tu lumi,

s-anãltsã tu mãriri.