9 Mandâ əpʉ səkɔ, ə̂në Jezu sə̂ kə o na ye gâ lafɔ â əndje sə̂ kə shekɔ ətshə kɔ, andra âfɔ â əndje wû ətshə wû kwatəndje ne.

10 Alɔ ə̂në əndje dâka pə kə lishi gâ lafɔ ə̂në Jezu ô na ye tə̂ nə kɔ, alabə̈ akoshe bishi ə̂në əndje yî aə̂mbî aləba kɔ wûtu gâ ngotə̂ əndje 11 ə pâ kə əndje ə pa: «Azü əgɔ Galile, e daka pə kə ka kotə̂ye ə lishi gâ lafɔ mbrə yekɔ? Jezu ə̂në tshə âfɔ lə takpa tə̂ e ə ô na ye mâ lafɔ kɔ, tshə sə kə gu nə kʉ rə mata ə̂në e wû ətshə ə̂në tshə ô na ye kɔ.»

19 Mandânə ə̂në Jezu, Âgbɔ̂ Əyïngerə nə, pâ əpʉ kə əndje rə kɔ, Ndjapä zâ ətshə ə ô də ətshə na na ye mâ lafɔ â tshə sə̂ gâ tʉ gâ ndə ndəkɔ Ndjapä nə.

50 Jezu nâ də əndje ʉrrr mâ Betani ə yî kəna ye gâ lafɔ ə ê ə̂rɔ̂ əpʉ gâ pâ əndje. 51 Alɔ ə̂në tshə sə̂ kə e ə̂rɔ̂ əpʉ nə gâ pâ əndje kɔ, tshə kâtə̂ əndje ə ô na ye gâ lafɔ.

2 Aətshe kə sə tə̂ nə sə ngbatshe mâ lə anda nə̂ Abä əmə. Də̂ ne, mə pa kə e ə pa: "Mə sə kə na ndə kə gamba ə̈bə̈ ətshe mbrə e a?"

12 «Djatra əpʉ, mə pa kə e, əzü ə̂në tshə za lɔsu ye kə əmə, ətshə ndje, tshə sə kə mbrə akosəra ə̂në, əmə, mə sə kə nə mbrə kɔ; tshə sə kə mbrə aâgbɔ̂ aərə ə̂në ə ro aənə̂ sə̂ ə̂në mə mbrə kɔ, mbrə ə̂në, əmə, mə sə kə gu mâ ndə Abä.

28 Mə tô mâ ndə Abä â nâ gâ pâ ashɔ kɔ. Ə̂në a ləye, mə sə kə katə̂ tshepashɔ nə ə gu mâ ndə Abä.»

17 Jezu nə pâ kə ətshə ə pa: «Tëgbɔ əmə tëgbɔ ne, mbrə ə̂në mə te te pa ə o na ye gâ ndə Abä əmə ne. Bale gü gâ tə̂ alaye əmə ə pä kə əndje ə pa: "Mə sə kə o na ye gâ ndə Abä əmə, ə̂në tshə sə ndje tə Abä e kɔ, gâ tə̂ Ndjapä nə̂ əmə ə̂në tshə sə ndje tə Ndjapä nə̂ e kɔ."»

33 Jezu nə pâ əpʉ ə pa: «Mə daka pə teashe lə takpa tə̂ e. Â mə sə kə gu mâ ndə ətshə ə̂në tshə wlâ əmə kɔ.

16 Â ə lï ndə kə pa a wusə̂ nə ə pa lengerə əpʉ lɔsu nə sə tə âgbɔ̂ ərə, əpʉ nə kə də̂:

Kristə nə mâ tə̂ ye gashu tə əzü kə azü nɔ̂,

Âgbɔ̂ Yîrə̂ yîsə̂ nə ə pa tshə sə tə ə̂rɔ̂ əzü,

atrawaya nə̂ Ndjapä wû ətshə.

Əndje mʉ̂ əpʉ ye lə takpa tə̂ amarä ə̂në əndje sə sə tə Ajuwufu ne kɔ,

azü tshepashɔ zâ lɔsu əndje kə ətshə,

əndje zâ ətshə o na ye gâ lafɔ lə ə̂yî.