Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ke mbee ãyɛɛn omɔ̃, andɛɛl Yeso oyɛn ywel me lio li éketal bɔ ndɛ, epɛn efoo ndɛ ke mviil ã bɔ.
Bɔ áketal ywel kɛn yuul, me lio li ékeyi ndɛ. Pfa, abɔɔl buaal apal tsotsoo ye bɔ m’ekɔ bvi afuu-fuu. Baal obɔ alieel bubu: «Afi-Ngalile, ki ekɛɛn byɛ oŋɔ̃ ebetal ywel yuul emã? Yeso wu abiri ywel ke mviil ã byɛ wu, akieel ayebvool kɛn a m’emfa kiki ki emwɛn byɛ ndɛ oyɛn ywel.»
Yeso okɔɔl ola Nziã
Ke mbee a ŋ’elieel Mfam Yeso bɔ ãndɔɔ omɔ̃, andɛɛl ndɛ oyɛn ywel, bu bvi nsɛn me kuɔɔl e Nziã ki elam.
Oyi o Yeso ywel
Ke mbee oŋɔ̃, Yeso obiri ayio sua ola bo Betani. Ndɛ ondɛɛl mviɔɔl ke ywel, bvool ondɔɔl bɔ kuɔɔl. Me lio li ékendɔɔl ndɛ bɔ kuɔɔl, ndɛ osiil bɔ, bu andɛɛl ndɛ ayɛn ywel ola Nziã.
Onse nzɔ a tal a mɛ̃, ãngwel m’ãnzɔ ãli bibi. Al’okɛɛn k’obobɔ wɛ, kɛn mɛ̃ ekeeyɛɛn byɛ wɛn mɛ̃ èyefaal byɛ ngwel-a-nzɔ?
Taa-taa bam, mɛ̃ eyɛɛn byɛ wɛn, mbuul wu olɔ okiool o ndɛ onse mɛ̃, ndɛ hɛ̃ akieel asa ɛ̃sal mi esa mɛ̃ ndyam. Ndɛ akieel asa myam mi onduru ɔ̃ndel, ke ngwel wɛ, mɛ̃ ndyam eyi ola Taal.
Mɛ̃ mfi ola Taal ngyi onse ɔ̃kiri. Meba ŋã, mɛ̃ ngya ambal ɔ̃kiri, bvool ngyii eyi ola Taal.»
Yeso olieel ndɛ ndiri: «Bee mɛ̃ okwaal, ke ngwel wɛ, mɛ̃ kɛn ngyɛn ywel ola Taal wɛ. Kɛn a yi, yɛɛn andoo a mɛ̃ a dzii, ndiri mɛ̃ ngyɛn ywel ola wu oli Tal a mɛ̃, wu oli hɛ̃ Tal a byɛ, ola Nziã a mɛ̃, wu oli hɛ̃ Nziã a byɛ.»
Ndɛ olieel bubu: «Mɛ̃ kɛn ndi y’eli-lio yɛ byɛ, ke mbee oŋɔ̃ mɛ̃ èbvool ola wu ayuɔɔl mɛ̃.
Ndɔɔ yi ebekiool bia-byɛ bueel ekyam pyɛ, yɔ bu:
Ɔ̃yɛɛl a Nziã wa m’edziɔɔn wu otal okuru o bia-byɛ nzuru me ndɛ oli wu ɔ̃nɛn!
Mãsia áyi m’emfa ki ombuul,
Ɔ̃fel wu Ɔ̃nsensal osuo ndiri ndɛ oli dzu,
ãnzwel ãmwɛn ndɛ,
atee me nkuũ a ndɛ ola baal bɛn k’Ayuda wɛ,
baal bibi akiool ndɛ m’ɔ̃kiri wueel,
andɛɛl ndɛ oyɛn ywel onse lweel.