Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ído̱ wámbo̱o̱ niꞌthée̱n ajngáa rúꞌkhue̱n, jamí awúun máꞌ rí ikhii̱n nu̱ya̱xíi̱, a̱ꞌkhue̱n ndiyáa̱ rí na̱ka̱ jiꞌyáa̱ mikhuíí, asndo rí mbá du̱u̱n nirkaꞌwii̱ ná inúu̱, jamí nánguá máꞌ ndiyáa̱.
Xómáꞌ ikhii̱n wéje̱ idúu̱n nu̱ya̱xi̱i̱ ná mikhu awúun máꞌ rí ikhaa̱ na̱ka̱-raꞌne-tsíngo̱o̱ꞌ. A̱ꞌkhue̱n ni̱xu̱ꞌma-mijná a̱jmi̱i xa̱bekha tsí miꞌxá xtíñúú ná nijñúu̱. Ikhiin tsúꞌkhue̱n nithan: «Xa̱bo̱ buanuu tsáanꞌ naguwalaꞌ ná numbaa Galiléa̱, náá numuu kajngó nu̱ya̱xe̱laꞌ ná mikhu róꞌ. Ikhaa máꞌ Jesús tsíge̱ꞌ, tsí watríya̱aꞌ ná majña̱ꞌlaꞌ, ni̱ka̱ jiꞌyáa̱ mikhuíí. Xómá ndi̱ya̱álaꞌ rí na̱kaa̱ mikhuíí xkuaꞌnii máꞌ ma̱ꞌkhaa̱».
Nda̱wa̱á ído̱ rí wámbo̱o̱ Táta̱ Jesús niꞌthúún tsí naꞌsngúún, a̱ꞌkhue̱n wa̱tri̱guíi̱ ri̱jma̱á ná mikhuíí, jamí ni̱gi̱ꞌi̱i̱ ná ñawún mújúun Ana̱ꞌlóꞌ.
Nda̱wa̱á a̱ꞌkhue̱n, Jesús ni̱gu̱wíin tsí niꞌsngúún, ni̱ka̱ jaguu̱n asndo ná mijngi Betánia̱. Ikhín nixúxi̱i̱ ñawúu̱n ri̱jma̱á, jamí neꞌne-tsakun-rámii̱. Awúun máꞌ rí naꞌne-tsakun-rámii̱ xkuaꞌnii, a̱ꞌkhue̱n niríya̱ꞌ-mine̱e̱ꞌ ná majñu̱ú, jamí ni̱ka̱ jiꞌyáa̱ mikhuíí.
Ná guꞌwóo Tátéꞌ phú gaꞌchú ná ma̱juwalóꞌ. Xí ra̱ꞌkhá xkuaꞌnii jaꞌnii, ni ma̱xátha̱nꞌlaꞌ rí ma̱ꞌgá gáne̱-mújúnꞌ ná ma̱juwalaꞌ xúꞌkhue̱n rá.
Na̱tha̱nꞌ-jmbalaꞌ rí xa̱bo̱ tsí nanimbo̱o̱ꞌ jaꞌyeꞌ ikhúúnꞌ, ma̱ꞌnii̱ mangaa̱ rí na̱ne̱ ikhúúnꞌ. Jamí asndo i̱tha̱án máꞌ mba̱ꞌwo̱ rí ma̱ꞌnii̱ ikhaa̱, numuu rí ikhúúnꞌ naka̱aꞌlo̱ꞌ ná xtáa Tátéꞌ.
Ikhúúnꞌ nigájnuꞌ ná xtáa Tátéꞌ rí ma̱ꞌkha ná numbaa ríge̱ꞌ. Rí xúge̱ꞌ rá, na̱ni̱ꞌñúulo̱ꞌ numbaa jamí naka̱aꞌlo̱ꞌ ná xtáa Tátéꞌ.
Xómáꞌ Jesús niꞌthúu̱n:
—Náxáta̱xkajmúúꞌ rá, numuu rí xóó máꞌ táꞌgáaꞌlo̱ꞌ ná xtáa Tátéꞌ. I̱wa̱á máján ayu gára̱thu̱ún a̱ngui̱nꞌ ajngáa ríge̱ꞌ: "Naka̱aꞌlo̱ꞌ ná xtáa Tátéꞌ, ikhaa tsí Tátiálaꞌ mangáanꞌlaꞌ, naka̱aꞌlo̱ꞌ ná xtáa Ana̱ꞌlóꞌ, tsí Anu̱ꞌ Mikhuíí jamí Ana̱ꞌlaꞌ ikháanꞌlaꞌ mangaa".
A̱ꞌkhue̱n niꞌthán Jesús: «I̱mbá lájwíin xóó gáxtáá ga̱jma̱á nindxa̱ꞌlaꞌ. Nda̱wa̱á ma̱thangu̱únꞌlo̱ꞌ ná xtáa̱ tsí nixúngu̱únꞌlo̱ꞌ.
Gakon máꞌ rí maphú mba̱a̱ rí nisngájmalóꞌ Ana̱ꞌlóꞌ rí ma̱nimba̱ꞌlóꞌ juꞌyáá:
Ana̱ꞌlóꞌ nisngájma-mina̱ꞌ xómá mbáa xa̱bo̱ numbaa jayu.
Xu̱u̱ꞌ máꞌ ikhaa̱ niꞌthán rí kuwii̱n,
jamí ndiyáá ánje̱l rí ikhaa̱.
Waꞌthán-raꞌa ajngóo̱ ná inúú xa̱bo̱ tsí ra̱ꞌkhá judío̱ ñajúún,
jamí xa̱bo̱ ninimbu̱únꞌ juyáa̱ ná numbaa.
Ni̱ka̱ jiꞌyáa̱ mikhuíí ga̱jma̱á gamaku.