Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Bu hamani uleele mambu mo maana, Yisu avati hu yulu. Bu biluumbi byosi byakatala nde, yidu laabiti nde.
Bu bo baakatala hu yulu hu Yisu hakayene, baatu boole ba baaba baalwata bikutu bi bifuka, baayamonehele ŋa busu bwa bo. Baatu mo baana baaleeli bo: «Benu bisu Ngalili, hima benu lamiiteleme ŋa, mu ubaatala hu yulu? Yisu mo wunuuwu, wu Nzambi amiimasa ŋa hati la benu mu ubita hu yulu, uyafutaha we bu benu limoni nde mu uyene.»
Hu mbisa uleele bo buuna, Pfumu Yisu baabiti hu yulu, na atsahili ŋa mbahala a Nzambi.
Titswene Yisu abiti bo hu mbadi musyenge, bebele na bula bwa Betanya. Na nde asyenuli myoho na asyemi bo. Bu nde haba mu usyeme bo, nde atahuhi na bo, na avati hu yulu.
Mambuha mali ma maasalila mu nzo a Taata a me. Me tsa nzyene mu ayavangila benu mambuha. Tso a buuna ve, me a hakinzabisa benu lo ve.
«Mu mbuli, mu mbuli me ndi mu undeele benu, woosi wu usa imiinu mu me, nde kaka sa akuhasa mavaanga ma me ndi mu utsa. Na nde sa akuhasa ma maalutala bunene, mu tooni ati me ndi mu unzyene huli Taata.
Me mu Taata apala, na me anza mu tsi. Bunuubu me ka mu umata ŋa tsi na me ka mu upfutaha huli Taata.»
Yisu aleeli nde: «A habembe me! Mu tooni ati me kini a hapaata huli Taata a me ve. Ka yene huli baana ba ngu a me, na leele bo ti, "Me aka mu ukumasa huli Taata a me, wu li kaka Taata a benu. Me aka mu ukumasa huli Nzambi a me, wu li kaka Nzambi a benu."»
Yisu ni uleele: «Me kini na benu mu mwaana a taangu hoole, titswene me tsa nzyene huli wu atsindaha me.
Mu mbuli, muutu utwala utuna love ti, tswehi matsimi ma inzambi, yi Nzambi hayabisi bisu, yili yinene.
Kristo ayamonehele huli bisu mu linyutu li musunya,
Livupu la Ngidi laasilisi,
ti nde li wu akuha.
Nde amonihili huli bapofi,
na baayabisi tsangu a nde, huli ba bavele Bayudaayo.
Baayaki nde na hiitu mu tsi yoosi,
Nzambi asyenuli nde mu muyusu.