Autocontrole
O autocontrole é fruto do Espírito e virtude indispensável. A graça de Deus nos ensina a renunciar à impiedade e a viver com sobriedade, domínio próprio e piedade no mundo presente.
Fruto e virtude
O domínio próprio é fruto do Espírito. Acrescentai ao conhecimento o autocontrole. A disciplina interior produz maturidade.
Manang maynini ya bunga na Ispiritu Santo na kita-en dun ni pagka-utawun tadun: Awun pagginawa tadun sa Tyumanem aw sa eped na utaw. Magleya kitadun pangkay unu ya dumateng. Awun kalinaw na kanaten anenganeng. Matas ya pasinsiya tadun sa kanaten eped aw pagkallatan tadun silan. Madyaw ya bet tadun adti eped aw magtabang kitadun kanilan. Aw kasaligan kitadun. Pagpakadyawun tadun ya kadég na utaw. Aw magpakatagen kitadun sa pagkaliman na kanaten pagka-utawun. Kun imo-un tadun ya kadég yeiy, walaꞌ ya manga suguꞌ dun ni Uldin na kalakadan tadun.
Aw asuntu seiy, to-o mayu tibagsegi na kadugangan ya pagpangintu-u mayu sa madyaw na bet. Aw adti kamayu madyaw na bet, dugangan pa uman ya katadeng na lekat adti Tyumanem kun unu ya madyaw imo-un dun ni kanaten pag-eyaꞌ. Aw dugangan pa mayu uman ya pagtagen sa pagkaliman na pagka-utawun mayu. Aw dugangan pa mayu uman na mabatug mayu ti-isen ya manga kalugan. Aw dun ni kamayu pagti-is, dugangan mayu ya pagdalug sa bet na Tyumanem. Aw adti pagdalug mayu sa bet na Tyumanem, dugangan uman ya pagkallat sa manga eped, aw adti pagkallat kanilan dugangan pa mayu uman ya pagginawa sa kadég.
Kay pigbukasan da na Tyumanem ya kanan kallat adti kadég na utaw pada makaluwaꞌ silan. Aw magi sa kallat nan, pigpalna-uwan nan kitadun na talikudan tadun ya imo-unun na diliꞌ magpakatutuk sa Tyumanem aw ya pagkaliman na kanaten pagka-utawun. Pigpalna-u nan kanaten ya katadeng sa pagdala sa kanaten pag-eyaꞌ, aw ya pag-imoꞌ sa matulid adti anenganeng nan, aw ya pagdalug sa bet na Tyumanem talana pa tadun nyeyaꞌ asini tas na lupaꞌ.
Kay ya Ispiritu Santo na pigpa-eyaꞌ adti seled tadun, walaꞌ pag-imoꞌ kanaten matalaw. Manang pig-atag nan baling kanaten ya kabagseg na anenganeng aw ya pagginawa sa manga utaw aw ya katadeng magtagen sa pagkaliman na pagka-utawun tadun.
Yanagaw pigtagilan da ku ya kanak lawas adti pangkay unu, kay pagaw matigkas da ku ya pag-ubat-ubat adti madég na utaw, aku baling ya diliꞌ makadawat sa tandan na lekat adti Tyumanem.
Ya tagsambuksambuk na utaw na mag-abay, matadeng sakanan magtagen sa pagka-utawun nan aw pagpakabagsegen nan ya kanan lawas pada makamang nan ya tandan. Pigtibagsegan nilan yeiy pangkay maksay magkalat ya palangad tandan. Aw kitadun na manga mangintu-uway, tibagsegan tadun uman ya pagdalug sa Tyumanem, pada madawat tadun ya tandan na diliꞌ magkalat.
Ya kadég na pagtandaꞌ na kya-agiyan mayu, kya-agiyan uman na eped na manga utaw. Manang tumanen saba na Tyumanem ya manga pigpakang nan kay kasaligan sakanan. Yanagaw diliꞌ nan tumbay ya manga pagtandaꞌ na diliꞌ mayu mabatug ti-isen. Manang kun dumateng kamayu ya pagtandaꞌ, atagan kamu nan na pa-agi na degen mayu pada makapadeleg kamu dun ni kamayu pagpangintu-u.
Dominar a si mesmo
Melhor é quem domina o seu espírito do que quem toma uma cidade. A cidade sem muros é quem não tem autocontrole.
Diliꞌ mayu pagsilingan ya bet na manga utaw na walaꞌ pangintu-u sa Tyumanem. Manang pabaguwan baling sa Tyumanem ya kamayu anenganeng pada ka-ede-an mayu ya tengteng pagkaliman nan, aw kalabetan mayu kun unu ya madyaw aw ya makatutuk kanan, aw kun unu ya umbaꞌ imo-un.
Ya pagpakanyeg aw pagdalug sa tingeg na Tyumanem
Kay manga inulug na kanak pigginawa͡an, pagbetangan mayu sa ginawa ya un ku paglongun: Ya tagsambuksambuk kanaten dayaw magpakanyeg, aw pagkatanawan tadun ya un naten paglongun. Aw diliꞌ galu kitadun maksay magkadaman,
Kay bekeꞌ na utaw ya eped tadun migtanam, manang yan baling ya pigtanam tadun ya manga busaw na diliꞌ pagkita-en aw manga mangkalangkaw dun ni kanilan, aw pangkay ya kadég na migdumala dun ni banwa na kangitngitan aw ya kadég na malatay na awun ni dalem na langit.
Yanagaw diliꞌ da tadun pagsilingan ya manga utaw na walaꞌ ya pagpangintu-u, kay kasiling silan na utaw na nyakatulug na walaꞌ nilan pag-imanmana ya un dumateng. Manang mag-inap aw magpakatanaw baling kitadun.
Yanagaw, magpakatadeng kamu na diliꞌ malagak ya kamayu kyapagudan, aw tibagsegi mayu uman na madawat ya kadakulaꞌ na pigtagilan da na Tyumanem kamayu.