Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ukusangalamka kwa ipinga kodaha kubugha, na ukunogha kwake ipinga kumalagha, lekeni ipinga iyompfuka IMNDEWA katsotunyighwa.
Mleke kwihamba kwa kunze kuliheka, ka kusuka tsimvili tsa ukugholija na kupfala nzahabu na ghamaghwanda gha bei ng’ulu. Lekeni kwihamba kwenu kuwe mghati mwe ghumoyo, ukunogha ing’akuhinyika bae, ghumoyo ighunoghile na ighuholile, acho chinu chikulu kwe Imulungu.
Lekeni IMNDEWA kamlongela Samweli, "Uleke kulolesa ichihanga chake, wala chimo chake. Nene nimlema, kwaapfila silolesa baye ka iwanu pfawololesa. Imunu kololesa kwakunze, lekeni nene nololesa mna ghumoyo."
Pfipfila nobama iwapinga wapfale kwa mahala, na pfinoghile, na si kwa kusuka tsimvili tsa ukugholija wala kwa nzahabu na lulu, wala kwa ghamaghwanda gha bei ng’ulu, ila wawe na ghamatendo ghanoghile ka pfaibamighwa kwa iwapinga iwolonga wompfuka Imulungu.
Ghweghwe kuniumba pfiungo pfangu pfa mghati,
na nibasa hamwe lida lya mai wangu.
Nitsolonga mighede kwaapfila niumbighwa kwa ukukangawatsa na kwa ukupfukighwa,
ghamatendo ghako ghokangawatsa,
na nene konimanya ghendo.
Ghweghwe mnoghelwa wangu kunogha ghendo,
ghweghwe kwahela chochose ichihunguke.
Apfo Imulungu kawalumba iwanu weghale ne imwenyegho, kawalumba kwa kwighala naye. Kawalumba immale ne ipinga.
Mana twetwe twa pfilumbe we Imulungu, na kwa kwilunga na Yesu Kiristu, Imulungu katulumba tukale kwa kutenda ghanoghile, ghayalongole kutwikila tughatende.
Apfo ng’atukuya kuchughu bae, hata ka ng’uli tsetu tsolala, lekeni mghati muhe tsetu tsotendighwa tsa sambi chila litsuwa.
"Apfo lelo nomlongelani, mleke kwalangulila ugima wenu, mja choni au mng’wa choni; wala tsing’uli tsenu, mpfala choni. Angu pfihi, ugima ng’auna samani kubita ipfijo baye? Na ilukuli ng’aluna samani kubita ghamagwanda baye?