Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बुराईया ते दूर रओ, ओर जो खरा ए सेई कर!
हमेशा कड़ी मईणत कर ताकि लोक एकी-दूजे साथे शान्तिया दे रई सको।
प्रभुए पाँदे परोसा राख ओर पले काम कर, देशो रे बसेया रा रओ
ओर सच्चाईया पाँदे मन लगाई की राख।
पर आऊँ जाणूंआ कऊँकि आऊँ तां पाँदे परोसा करूँआ, जदुओ तक आऊँ जिऊँदा ए तूँ माखे पला ए।
ओ प्रभु, आपणी दया ओर करूणा खे याद कर;
कऊँकि तूँ तिना खे जुगो-जुगो ते प्रकट करदा आई रा।
ओ प्रभु, आपणी पलाईया रिया बजा ते
मेरी जवानिया रे पाप ओर पाप याद नि कर;
आपणी करूणा रेई मुताबिक तूँ माखे याद कर।
प्रभु आपणे सारे चाल-चलणो रे तार्मिक
ओर आपणे सबी कामा दे करूणामय ए।
जे तू मेरिया गल्ला खे सुणे, तो ताखे पता लगी जाणा कि क्या ठीक, न्याय ओर बिना पक्ष-पातो ते ए।
ताखे पता लगी जाणा कि ताखे क्या करना चाईयो।
माणूंए री दया सबी ते बड़ा गुण ए,
ओर गरीब माणूं चूठ बोलणे वाल़े माणूंए ते खरा ए।
पर पवित्र आत्मा रा फल प्यार, खुशी, शान्ति, सब्र, कृपा, पलाई, विश्वासो जोगा, नम्रता और संयम ए। एड़े-एड़े कामो रे बिरोदो रे कोई बिधान निए।
इजी री खातर जेथो तक मौका मिलो आसे सबी साथे पलाई करिए, खास करी की विश्वासी पाईया साथे पलाई करिए।
कोई गन्दी गल्ल तुसा रे मुंओ ते नि निकल़ो, पर जरूरता रे मुताबिक सेई निकल़ो, जो ओरी रिया तरक्किया खे पला ए, ताकि तिजी ते सुणने वाल़ेया पाँदे कृपा ओ।
एकी दूजे-पाँदे कृपा करने वाल़े और दयालु बणो। जिंयाँ परमेशरे मसीह रे तुसा रे पाप माफ कित्ते, तिंयाँ ई तुसे बी एकी-दूजे रे पाप माफ करो।
प्यार बिना कपटो ते ओ, बुराईया ते नफरत करो, पलाईया रे लगे रे रओ।
बुराईया ते नि आरो, बल्कि पलाईया ते बुराईया खे जीती लओ।
जे तुसा बीचा ते कोई ये बोलो, "माखे सब कुछ करने री जाज़त ए" पर सब कुछ तुसा खे ठीक निया। तुसे बोलोए, "माखे सब कुछ करने री जाज़त ए," पर सब कुछ फाईदे रा निए।
तिना लोका ते तोखा नि खाओ जो एड़िया गल्ला बोलोए, "बुरी संगत खरे चाल-चलणो खे बिगाड़ी देओई।"
और परमेशर सब प्रकारो री कृपा तुसा खे बऊत जादा देई सकोआ। जेते साथे हर गल्ला रे और हर बखते, सब कुछ, जो तुसा खे जरूरी ए, तुसा गे रओ और हर एक खरे कामो खे तुसा गे बऊत कुछ ओ।
तिंयाँ ई आँऊ ये बी चाऊँआ कि जवाणसा शर्म और संयमो साथे, सुहावने टाल्लेया ते आपणे आपू खे सजाओ, ना कि बाल़ गूँदणे, सूईने, मोतियो ते और किमती टाल्लेया ते, पर खरे कामो ते। कऊँकि परमेशरो री भक्ति करने वाल़ी जवाणसा खे येई ठीक बीए।
इने यीशु मसीहे आपणे आपू खे आसा खे देईता कि आसा खे हर प्रकारा रे पापो ते छुड़ाई लो और शुद्ध करी की आपू खे एड़ी जाति बणाई लो, जो खरे काम करने खे आगे रओ।
कऊँकि तुसे ईश्वरीय सबाओ रे शामिल ओ इजी खे सिर्फ तुसे मसीह रे विश्वास करने वाल़े ई नि बणो पर अच्छे चाल-चलणो ते बी जिओ। तुसे सिर्फ अच्छे चाल-चलणो तेई नि जिओ पर ये बी जाणो कि आसे किंयाँ समजा साथे बर्ताव करिए। तुसे सिर्फ समजा ते बर्ताव करने वाल़े ई नि बणो पर आपू पाँदे काबू राखणे वाल़े बी बणो। तुसे सिर्फ आपू पाँदे काबू राखणे वाल़े ई नि बणो पर दुःखो रे सब्र राखणे वाल़े बी बणो। तुसे सिर्फ दुःखो रे सब्र राखणे वाल़े ई नि बणो पर ईश्वरीय जिन्दगी जिऊणे वाल़े बी बणो। सिर्फ ईश्वरीय जिन्दगी जिऊणे वाल़े ई नि बणो पर एकी दूजे री चिन्ता करने वाल़े बी बणो जिंयाँ पाई-बईण एकी दूजे री चिन्ता करोए। सिर्फ एकी दूजे री चिन्ता करने वाल़े ई नि बणो पर सबी लोका ते प्यार बी राखो।
जे तुसे सदा पलाई करने रे आगे रओगे, तो तुसा री बुराई करने वाल़ा कोई नि रणा?
यहोवा आपणे लोका ते बोलेया, "सड़का पाँदे खड़े ऊई की देखो ओर पूछो कि पुराणे बखतो री अच्छी बाट कुणजी ए, तिदे ई चलो ओर तुसा खे आपणे-आपणे मनो रे चैन मिलणा पर तिने बोलेया, आसा तिजी पाँदे नि चलणा।"
परमेशर खरा ए, मुसीबता रे बखते से म्हारी रक्षा करोआ ओर जो तेसरी शरणा दे आओए, तिना रा ख्याल राखोआ।
लोक दिऊआ बाल़ी की टोकरूए निठे नि राखदे, पर फटिया पाँदे राखोए, तेबे तिजी साथे कअरो रे सारे माणूंआ खे प्रयासा ओआ। तिंयाँ ई तुसा रा प्रयासा बी लोका सामणे चमको, ताकि तुसा रे खरे काम देखी की सेयो तुसा रे पिते री, जो स्वर्गो रे ए, तिना री तारीफ करो।"
जेड़ा तुसा रा पिता परमेशर दयालु ए, तेड़े ई तुसे बी दयालु बणो।