Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ila pewilongochwa na Muhe va Nguluvi dawivecha na lukelo na lukeduko na lutengamaso na luhuvililo na usanzi na kuveche munu va kuvatanga vangi na kwikala ngajila lukolakola, ufokomasi na kuyilongocha. Kwihela malagilicho yeiwesa kulonga makani aga ndi mawofu.
Kila petupatila fwasi tuvagitile vanu vonda makani ganofu, hilo kwa vala vevamudikile Kilisito ngita nefwe.
Njowo njanganifu chibihile kupulikika kangi mugati lyenu. Kila chipindi machowo gyenu gaveche manofu gegakuvatanga vangi, na gyegikuvagelanicha vala vevikuvapulika venu.
Muveche vasanzi na mwiwonele lusungu. Kila yumwi na amulekelele mweyage ngita Nguluvi peakuvalekelela nyenye kuchumbila Kilisito.
Muvakele veyenu kwa lukelo va undakyene. Kangi muleke kugita sambi ila mugite manofu chipindi chonda.
Bihile kulutalwa na unjanganifu, ila gawese uwofu kwa unofu.
Vanu vangi mugati lyenu vilonga, finu fyonda fidikilwe, ila sefyonda fitanga, ila nene ndilonga ata ngita finu fyonda fidikilwe, ila se finu fyonda fitanga kuchenga ludikilo.
Mubihile kuchangwa na vanu vevilonga ndeni kwakuva, "Vaganja vanjanganifu vihananga kyanda nofu."
Nguluvi iwesa kuvagavila nyenye kugina gala gemwisaka, neke chipindi chonda muveche na kila kinu kyemung’ang’a, neke muveche vanu va kugita manofu myolofu kuvatanga vanu vangi.
Ndeni ndeni ndikela vadala vave na uginyange pevifwala mwenda gyao na vaveche na kyanda nofu na vala se kwa kwilembecha kwa kubota fwili na kwilembecha kwa sahabu awu lulu awu myenda gya sendi ngomi, ila vayilembeche na kuyovelecha kwa magito manofu ngita peing’ang’wa kwa vadala vevakumwidikila Nguluvi.
Ayihechile mwene kwakuva lyetu neke atukombole kuhuma mukufuwa vonda na kutugita tudikilwe pautalo lya Nguluvi, vanu vevali na ng’elu lwa kugita manofu.
Kwa ndeni, mugangamale hilo mu usangi venu kuhongelecha usanzi venu na mu usanzi venu muhongeleche luhala, na luhala venu muwese kuyilongocha mwavene na mu kuyilongocha mwongeleche uhuvililo na uhuvililo venu mwongeleche kwa kumchela Nguluvi, na kumchela Nguluvi mwongeleche lukelo lwa ukolo na mulukelo lwa ukolo mwongeleche lukelo.
Ani davalemacha nyenye, ngita mwigangamaliche kwa kugita manofu?
Kwihela munu yeikwasa taa na kugubika kwa kiviya, ila ivika pakyanya pakinu neke kivang’aliche vonda vevagehe mukaye. Ndeni ndeni, welu venu uvalangachile vanu, neke vagawene magito gyenu manofu, vamunjume Daada venu yeagehe kuluhano.
Muveche na lusungu ngita Daada venu yeagehe na lusungu.