Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Wiwiche kutali na wihe, udite ganojile,
upale kikala goya na kibatilila.
Witumbile kwa Mkulu Nguluwi na kudita ganojile,
wikale kuli isi iwele na kikala goya.
Ndangukunda kota ndolyona isungu lya Mkulu Nguluwi,
kuli isi ya wawele wakomu.
Gwa Mkulu Nguluwi, ukumbuchile isungu na igano lya kwimilila lya hegwe,
viwele navyali kulawa katali.
Uleche kukumbuchila gehile ga usongolo wa heni,
ung’humbuche kwa kiwhana na igano lya kwimilila lya hegwe,
gwa Mkulu Nguluwi, kwa chiwalo cha kunoga kwa hegwe.
Mkulu Nguluwi ndo yatanganiche kuli nzila za heye zeng’ha,
ndo yanojile kuli madito ga heye geng’ha.
Aho ndo kolizela lyakohi litanganiche na lya hachi,
kovizela ndaze vyouweza kuleka uganililo na kuwinza chila nzila inojile.
Chilinguganigwa kwa munhu ndo igano lya kwimilila,
fola mzunwa kusinda mdesi.
Munhu yalingulongozwa na Muhe Yelile vinhu avi vyokoneka mgati mwa heye, vinhu avyo ndo igano na kusangalala na kikala goya na kwimilila na kunoga na yalingulavya vinhu ne kiwuza na kukundigwa, uliholile na kilongoza. Kuduhu malajizo galinguweza kulema mbuli azo.
Lelo chila hotupata mhumhu tuwaditile ganojile wala wamkundile Yesu na wanhu wanji weng’ha.
Ulonzi wihile uleche kulawa kuli milomo ja hemwe, ila mlonje ulonzi unojile ulinguwakangaza wanhu, leka goumlingulonga gawatanze wanhu walinguwahulichiza.
Ila muwe na isungu na mitanze, chila yumwe wa hemwe yalechele gehile ga miyage, kota Nguluwi vyoyalingulechela gehile ga hemwe kwa kukolela Kilistu.
Igano lya hemwe liwe hela udesi woneche. Mzudile mbuli yoneche yihile, mibatilile linojile.
Uleche kukunda kusumigwa na wihe, ila usumye wihe kwa kudita mbuli zinojile.
Mdite geng’ha kwa welile wa Nguluwi
Vinhu vyeng’ha navikundigwa kuli malajizo, Ila haviwele vyeng’ha vinojile. Vinhu vyeng’ha navikundigwa kuli malajizo, Ila haviwele vyeng’ha vilingukangaza.
Waleche kuwahada! "Goloko wehile wanguwifyaga madito ganojile."
Nguluwi kanguweza kuwapa hemwe mzidi wa gala gomlingugana, mazuwa gose mopata chila chinhu chomlingugana. Ahyo mlutilile kutanza kuli chila mijito jinojile.
Hihyo du, ndanguwagana wadala wagoloche na walinguhulichiza kuli kuvala mivalo jilingukundigwa hali wanhu, haiwele kwa kinoliga kwa kudalanga mnvili na kinoliga kwa zahabu na lulu ama nguwo zilinguguligwa kwa sendi nyinji, ila kwa madito ganojile kota vyoilinguganigwa kwa wadala walingumfugamila Nguluwi.
Heye nakelavya kwa mbuli ya hetwe leka yatugombole kulawa kuli wihe weng’ha na kutudita tuwe wanhu welile wawele wa heye yuye, wanhu wawelengugana kudita ganojile.
Kwa chiwalo acho, mikangaze kwa konjeza makundo ga hemwe kwa kunoga ng’hatu na kunoga kwa hemwe kwa uwanzi, uwanzi wa hemwe kwa kilongoza gwegwe na kwa kilongoza wonjeze kwimilila na kwimilila kwa hemwe kwa kudita galingumnojeza Nguluwi, kuli mbuli za kudita galingumnojeza Nguluwi, wonjeze igano kwa wayago walingumkunda Kilistu, na menji ga ago, wonjeze igano kwa wanhu weng’ha.
Yalihi yoweza kuwalumiza hemwe wone mibatilila kudita ganojile?
Mkulu Nguluwi kagoya,
heye ka ngome ya kikala goya mhela wa magazo.
Heye kanguwamilaga weng’ha walingubilimila kikala goya kwa heye.
Wanhu hawalingubwina chenje na kuchigubika na chidoto, ila wanguchiwikaga honhu ha kuwichila chenje leka chiwalangazile weng’ha wawele mng’handa. Hihyo du lumuli lwa hemwe lwanguganigwa lulangaze hali wanhu, leka wagone madito ga hemwe ganojile, leka wamtogole Mhaza wa hemwe yawele kilanga.
Muwe na isungu kota mhaza wa hemwe vyoyawele na isungu.