Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Lakini mauno go longoyelwa na Loo nga upendo, pulaa, amani, ukomeyi, unogau, unogamwoyo, u’bi’li’ka, tu’ya na kwikanikia. Ntu’pu' salya yaikanikia makowe kati ga.
Kwa nyo patupata lipala, twaapangi manogau bandu boti, munomuno kwa balu' alongo babau’bi’lile.
Kanemulongele makowe gogoti maakau, ila mulongele makowe gagayangatia kwasenga bi’ngi' bai, no leta pwaila kwa balu' babagayu’wa.
Ila mube mwanogamwoyo, no bi’kyana kiya, kila mundu ansami nnyine kati mu’lu' Nnu’ngu' mwansami mwenga kwa ndi’la ya Kilisitu.
Pendana kwinu kanekubee kwa unapiki, muusuki ulau. Mupange gagabile manogau bai.
Kaneuyi’ki’ti sindilwa na ulau, ila uusinde ulau kwa unogau.
Mwabandu bi’ngi' nkati yinu mubaya, "Ili’be yoti iyi’ki’ti’yilwe," ila yotili yaileta pwaila. Kai', "Ili’be yoti iyi’ki’ti’yilwe," lakini ili’be yi’ngi' innetyali mundu pwaila ya kunsenga muimani.
Kanemukongelwe, "Mayi’gi’yo ga bandu alau gaalabiya ube unannoga wa bandu."
Na Nnu’ngu' endakombwa kunnyalya pi’ta mwamupala, li’nga wakati woti mube na kila samupala, na mupange manogau gambone ga kwayangatia bi’ngi'.
Nyinyonyo, alwawa bawale kati mwaipalikwa. Ipalikwa bainemeke kwo li’ngi’lya na kwa isima, kwenda kwa sampuli mbali’mbali' ya manemeko go tiba ndibe, wala kwa zaabu, wala kwa lulu au ngu’bo ya bei ngu’lu'. Ila, kwinemeka kwabe kube kwa iyendo yabe inannoga yaipalikwa na alwawa babayi’ki’ti kunkilikitya Nnu’ngu'.
Ywembe aipiyite kwa kitumbu situ li’nga atuli’pi leni lya masambi goti na kutupanga twabandu apeleteu bake, bandu bene kilu’lu' so panga makowe manogau.
Kwa kitumbu so, mukasane muno yongeya unogau muimani yinu, na muunogau winu muyongeye ilimu, na muilimu yinu muli’ngi’li, no li’ngi’lya kwo komeya, komeya kwinu panga mwapala Nnu’ngu', na mwapala Nnu’ngu' panga kwa upendano wa kinolongo, na muupendano wa kinolongo, upendo wa Nnu’ngu'.
Manaitei kamubinia panga manogau, nyai ywaapala kunsulu?
Wala ntu’pu' mundu ywakoya kimuli na kukiwi’ki’lya mmu’ngu' au mukitu’ndu', ila, akiu’bu’ya patu’ndu’bau li’nga bandu babayingya nnyumba bapate kuubona bweya. Nyinyonyo namwenga, bweya winu upalikwa umulike kwa bandu li’nga bagabone manogau gamugapanga, nabembe baalumbe Tati' binu bababile kunani.
Mube na kiya kati Tati' binu mwababile na kiya.