22 ဝိညာဉ်တော်ရဲ့ ကျိုးကျေးဇူးလေဟှ ရှစ်ဟှူဇာ၊ ဝန်းသာဇာ၊ ငြီသတ်ဇာ၊ စိရှယ်ဇာ၊ သနားဇာ၊ ကောန်းမြတ်ဇာ၊ သစ်စာစောန့်ဇာ၊ 23 နူးညံ့ဇာ၊ ကိုယ့်ကိုယ်ကိုယ် ထီးချောက်ဇာလေ ဖြစ်ဟှယ်။ အယ်မူဇာလေဟှို ဆန့်ကျင်ဟှူတရား မှေ့ဟှ။

10 အယ်ဘီဟှာ နို့လေဟှာ ခွမ့်ရေးရတိုင်း လူတိုင်းရဲ့ကောန်းကျိုးဟှို လောက်ဆောန်ဘီး ထူးအားဖြင့် ယောင်ကြည်သူဖြစ်ဟှူ မိသားစုဝမ်လေရဲ့ ကောန်းကျိုးဟှို လောက်ဆောန်ရမယ်။

29 နန်းနို့နှောက်ထဲဟှ ကောန်းဘဲဟှူ စကားလေ တခွန်းလည်း ထွပ်စေန။ ကြားရဟှူ လူလေဟှာ ကျိုးရှိဟှူစကား၊ တည်ဆော့-က်ဟှူစကားဟှိုဘဲ့ ပြောဂေ့ပါ။ အယ်မျိုးမှ နန်းနို့စကားဟှို ကြားရဟှူ လူလေဟှာ ကျိုးကျေးဇူးဟှို ခံရလေ့မယ်။

32 ✝နန်းနို့ဟှာ ယော့-က်နယော့-က် ကရုဏာထားဘီး ရှစ်ဂေ့ပါ။ ဘုရားသခင်ဟှာ ခရစ်တော်အားဖြင့် နန်းနို့ဟှာ ပြစ်ခွမ့်လွှတ်ခံရမျိုး နန်းနို့ဟှာ ယော့-က်နယော့-က် ပြစ်ဟှို လွှတ်ဂေ့ပါ။

9 မြစ်တာဟှာ ဟန်ဆောန်မှုကင်းစေပါ။ ကောန်းဘဲဇာလေဟှို ရွံမူးဂေ့ပါ။ ကောန်းမြတ်ဟှူဇာလေဟှို ဆည်းပူးဂေ့ပါ။

21 ဆိုးအားဖြင့် ရှောင်းခံန၊ ကောန်းအားဖြင့်ဘဲ့ ဆိုးဟှိုနိုင်ယူပါ။

23 ✝"နို့လေဟှာ ဖယ်မှုဟှိုမဆို ပြုလောက်ခွမ့်ရှိဟှယ်" ဆိုဘီး ပြောဟှူတိုင်းမှန်ဟှူလည်းဘဲ့ ရာအားလောင်းကျိုးရှိဟှူဇာ မှုဟှ။ "နို့လေဟှာ ဖယ်မှုဟှိုမဆို ပြုခွမ့်ရှိဟှယ်" ဆိုဘီး ပြောဟှူလည်းဘဲ့ ရှိမျှဂူလောင်းဟှာ နို့လေဟှို ကျိုးပြုပေးဇာ မှုဟှ။

33 တလွဲယူဂေ့န။ "ကောန်းဘဲဟှူ သူလေန ပေါန်းသင်းဟှူ ဇာအားဖြင့် ကောန်းဟှူ ကျင့်ဓလေ့ ပျစ်စီးတတ်ဟှယ်။"

8 နန်းနို့ဟှာ လိုဇာမှန်မျှဟှို မြဲဒမ်းရဂေ့ဘီးဟှာ ကောန်းမှုဘောန်းဇောင်လေတွပ် ကူညီဘီး ကျေးဇူးပြုနိုင်ဟှူတွပ်ကြောန့် ဘုရားသခင်ဟှာ နန်းနို့ လိုအပ်ဟှူဇာလေထတ် ပေးဟှို့တတ်နိုင်ဟှယ်။

9 ✝အယ်မျိုးဘဲ့ မီးမလေလည်း ဆန်းဗန်ဟှို လှဆင်ဟှူ ဇာလေ၊ ရွှေတန်ဆာလေ၊ က္လော့-က်မြတ်ပုလဲလေ၊ ဖိုးကီးဟှူ ဝတ်စားလေန ကိုယ့်ကိုယ်ကိုယ် ဆင်ဘဲန ယှစ်ကြော့-က်ရှင်း၊ ဣန္ဒြေစောန့်ရှင်းအားဖြင့် တင့်တယ်ဟှူ ဝတ်န 10 ဘုရားသခင်ဟှို ရိုသေကြည်ညိုမှု ရှိမယ် ဆိုဘီး ဝန်ခံ ဂဒိပြုဟှူ မီးမလေ ဆင်သင့်ဟှူတိုင်း ကောန်းဟှူ ကျင့်အားဖြင့် ကိုယ့်ကိုယ်ကိုယ် တန်ဆာဆင်ဟှို့တွပ် ငါလိုရှိပါဟှယ်။

14 ✝နို့လေဟှို ဆိုးညစ်ရှင်းလေ ဂူလောင်းထဲဟှနေဘီး လွတ်မြော့-က်ဟှို့တွပ်န နို့လေဟှာ စိနှလောင်းဖြူစင် သန့်ရှင်းဘီး ကိုယ်တော်ဘဲ့ ပိုင်ဆိုင်ဟှူ လူဖြစ်ဘီး ကောန်းဟှူ ကျင့်လေမာ စိအားထတ်သန်ဂေ့ဟှို့တွပ် ခရစ်တော်ဟှာ နို့လေတွပ် သူ့ကိုယ်သူ စွန့်လိုက်ဟှယ်။

5 အယ်ကြောန်းကြောန့် နန်းနို့လေဟှာ ယောင်ကြည်ရှင်းနှိုက် ကောန်းမြတ်ရှင်းဟှို၊ ကောန်းမြတ်ရှင်းနှိုက် ပညာဟှို၊ 6 ပညာနှိုက် ကာမဂေါင် ချောက်တီးရှင်းဟှို၊ ကာမဂေါင် ချောက်တီးရှင်းနှိုက် သီးခံရှင်းဟှို၊ သီးခံရှင်းနှိုက် ဘုရားဝတ်နှိုက် မွေ့လျော်ရှင်းဟှို၊ 7 ဘုရားဝတ်မာ မွေ့လျော်ရှင်းနှိုက် ညီကိုစောင်မတ်ရှင်းဟှို၊ ညီကိုစောင်မတ်ရှင်းနှိုက် ရှစ်ရှင်းမြစ်တာလေဟှို စွမ်းကူကြိုးစားဘီး ထပ်ဆစ်ဂေ့ပါ။

13 နန်းနို့လေဟှာ ကောန်းဟှူမှုလေမာ စိအားထတ်သန်ဟှူသူ ဖြစ်ဟှယ် ဆိုဟှာ ဖယ်သူ ညှဉ်းဆဲမယ်နူး။

15 ✝ဆီမီးအီဟှို ထွန်းဘီးဟှာ တောန်းအော့-က်မာ ထားဟှားလေ့ မှေ့ဟှ။ အီသူအီသားလေ လန်းရောန်ရအောန် ဆိုဘီး ဆီမီးခေါင်ထတ်မာဘဲ့ တန်ဟှားတတ်ဟှယ်။ 16 ✝အယ်မျိုးဘဲ့ လူလေဟှာ နန်းနို့လေရဲ့ ကောန်းဟှူ ကျင့်ဟှို ဗြင်ဘီးဟှာ ကောန်းဂန်ဘောင်မာရှိဟှူ နန်းနို့ဖရဲ့ ဂေါင်တော်ဟှို ချီးမွမ်းစေဟှို့တွပ် နန်းနို့လေရဲ့ သတ်တာလန်းရောန်ဟှို လန်းစေဂေ့ပါ။

36 နန်းနို့ ဖဟှာ ကရုဏာရှိမျိုးဘဲ့ နန်းနို့လည်း ကရုဏာရှိဂေ့ပါ။