Bem

22 Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱galóꞌ juꞌñúú xa̱bo̱, rí ma̱ꞌdxu a̱kia̱nꞌlóꞌ, rí ma̱juwalóꞌ tsímáá, rí ma̱ꞌngo̱o̱ a̱kia̱nꞌlóꞌ, rí ma̱ꞌne gamakuáanꞌlóꞌ, rí ma̱ꞌne májáan a̱kia̱nꞌlóꞌ, rí mu̱ꞌne̱-mbáníílóꞌ rí nuꞌthánlóꞌ, 23 rí mu̱xrígú-mijnálóꞌ, jamí rí mu̱xúꞌne̱lóꞌ rí xkawe̱ꞌ nandoo xuyalóꞌ. Nda̱a̱ nimbá xtángoo rí naꞌthán rí ra̱máján rí mu̱ꞌne̱lóꞌ mbá xúgíí rúꞌkhue̱n.

10 Ikhaa jngó, jámba̱ miꞌtsú rí ma̱goo mu̱ꞌne̱lóꞌ, gu̱ꞌñu̱úlóꞌ rí máján mbá xúgíin xa̱bo̱, jamí i̱tha̱án máꞌ gu̱ꞌñu̱úlóꞌ rí máján a̱ngia̱nꞌlóꞌ tsí nanimba̱ꞌ gajmiálóꞌ juꞌyáá Jesús.

29 Nimbá ajngáa xkawe̱ꞌ ma̱xágájnuu ná rawanlaꞌ, rí i̱ndo̱ó máꞌ ajngáa rí máján gútha̱nlaꞌ, rí nambáyúu rí ma̱gaji̱in tsí nu̱dxawanlaꞌ.

32 A̱ꞌkhue̱n gakon, ga̱nindxa̱ꞌlaꞌ xa̱bo̱ tsí májáan a̱kui̱ín jamí nañáwíin a̱kui̱ín juya-mijná. Gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ, xómá rí neꞌne mba̱a̱ a̱kui̱in Ana̱ꞌlóꞌ jaꞌyalaꞌ ga̱jma̱á majñu̱u̱ Krísto̱.

Xáne gíꞌmaa rí ma̱ju̱wá tsí nagóó tsu̱du̱u̱ Krísto̱

9 Ga̱galaꞌ ju̱ya̱-mijnálaꞌ ga̱jma̱á mbá jañii a̱kia̱nꞌlaꞌ. Ma̱xáni̱ꞌgua̱ꞌlaꞌ rí mu̱ne̱laꞌ rí xkawe̱ꞌ, jamí mu̱xúni̱ꞌñáá-ru̱ne̱laꞌ rí máján.

21 Ma̱xáta̱tsi̱ꞌñá-mina̱ꞌ rí ma̱ꞌngo̱o̱ rí xkawe̱ꞌ inaaꞌ, rí ga̱ꞌnga̱a̱ꞌ ikháánꞌ inuu rí xkawe̱ꞌ ga̱jma̱á rí máján.

Gu̱ꞌne̱-mba̱a̱lóꞌ Ana̱ꞌlóꞌ ga̱jma̱á majñu̱u̱ mbá xúgíí rí nu̱ꞌne̱lóꞌ

23 Mbá tikhuun tsí ikháanꞌlaꞌ nuthan: «Mbá xúgíí rí nandoꞌ, ma̱goo ma̱ne̱lo̱ꞌ», i̱ndo̱ó máꞌ numuu rí ra̱ꞌkhá mbá xúgíí nafriya̱ꞌ. «Mbá xúgíí rí nandoꞌ, ma̱goo ma̱ne̱lo̱ꞌ», i̱ndo̱ó máꞌ numuu rí ra̱ꞌkhá mbá xúgíí nambáyálóꞌ.

33 Mu̱xúni̱ꞌñá-mijnálaꞌ rí ma̱gu̱ma-nduwáanꞌlaꞌ. Xáꞌnii iꞌthán mbá ajngáa: «Xa̱bo̱ tsí naguꞌwúún máꞌ nune̱ rí ra̱máján, mune̱-maꞌkhíi̱n xa̱bo̱ tsí naguꞌwúún máꞌ nune̱ rí máján».

8 Jamí Ana̱ꞌlóꞌ gíꞌdoo̱ tsiakhe̱ rí ma̱ꞌnii̱ rí jámba̱ miꞌtsú ma̱nújngo-rámuu ma̱ri̱gá mbá xúgíí inii rí ndaꞌyálaꞌ. A̱ꞌkhue̱n rí ma̱xáꞌyálaꞌ nitháan rí ma̱juwamalaꞌ, jamí asndo ma̱pi̱ꞌdúun gúne̱laꞌ kajngó ma̱goo mu̱mbáñúúlaꞌ i̱ꞌwíin xa̱bo̱.

9 Xúꞌkhue̱n máꞌ go̱ꞌo̱ gune̱-karatha-mijnée̱ ga̱jma̱á rí gamakuu̱n, gajúwúu̱n xtíin rí narugoo mbá jayu xuñúu̱ jamí mbayíí máꞌ numuu. Mu̱xúne̱-karatháa̱ guéño tsu̱u̱n idxúu̱n, xúꞌkhue̱n máꞌ ma̱xájmúu̱ xábí ajwa̱nꞌ mo̱jmo̱ꞌ, ni itsí kuitsúun rí mbiꞌyuu pérla̱, ni máꞌ ma̱xájúwúu̱n xtíin rí numuu mi̱ndaꞌkho. 10 I̱wa̱á máján rí gune̱-tsiꞌyá-mijnée̱ ga̱jma̱á majñu̱u̱ rí máján nuni̱i̱, xómá ga̱náꞌyoo rí mune̱ go̱ꞌo̱ tsí nuthan rí nune̱ rí nandoo Ana̱ꞌlóꞌ.

14 Jesukrísto̱ nixnáxe̱-mine̱e̱ꞌ rí ma̱ja̱ñúu̱ ga̱jma̱á numalóꞌ, kajngó maꞌtse̱-ri̱ñáa̱ꞌlóꞌ inuu mbá xúgíí rí xkawe̱ꞌ jamí ma̱ꞌne-jaꞌwáa̱nꞌlóꞌ rí ma̱nindxa̱ꞌlóꞌ xa̱bo̱ xuajñuu̱, tsí nune̱ i̱ndo̱ó máꞌ rí máján.

5 Ikhaa numuu rúꞌkhue̱n, ra̱ꞌkhá máꞌ i̱ndo̱ó rí ma̱we̱je̱ a̱kia̱nꞌlaꞌ ná inuu Ana̱ꞌlóꞌ rí gu̱xna̱-míjnálaꞌ mbá xúgíí tsiakhe̱ rí ma̱nindxa̱ꞌlaꞌ mbáa xa̱bo̱ tsí naꞌne máꞌ xúꞌkhue̱n rí máján mangaa. Xúꞌkhue̱n máꞌ gu̱xna̱-míjnálaꞌ mbá xúgíí tsiakhe̱ rí mu̱ne̱-nuwiinlaꞌ i̱tha̱án xóó Ana̱ꞌlóꞌ mangaa. 6 Xúꞌkhue̱n máꞌ gu̱xna̱-míjnálaꞌ mbá xúgíí tsiakhe̱ rí ma̱ꞌnga̱ꞌlaꞌ mu̱tha̱n-ñájun-mijnálaꞌ mangaa. Mangaa máꞌ gu̱xna̱-míjnálaꞌ mbá xúgíí tsiakhe̱ rí ma̱ꞌngo̱o̱ a̱kia̱nꞌlaꞌ. Xúꞌkhue̱n máꞌ gu̱xna̱-míjnálaꞌ mbá xúgíí tsiakhe̱ rí mu̱ne̱laꞌ mbá xúgíí rí nandoo Ana̱ꞌlóꞌ mangaa. 7 Xúꞌkhue̱n máꞌ gu̱xna̱-míjnálaꞌ mbá xúgíí tsiakhe̱ rí ma̱galaꞌ ju̱ñu̱ú a̱ngia̱nꞌlaꞌ mangaa. Jamí gu̱xna̱-míjnálaꞌ mbá xúgíí tsiakhe̱ rí ma̱galaꞌ ju̱ñu̱ú mbá xúgíin xa̱bo̱ mangaa.

13 Xí ikháanꞌlaꞌ nu̱ne̱laꞌ i̱ndo̱ó máꞌ rí máján, tsáa lá gáꞌñalaꞌ mi̱ndaꞌkho xúꞌkhue̱n rá.

36 Ikhaa jngó, ga̱ñáwíin a̱kia̱nꞌlaꞌ ju̱ñu̱ú mbá xúgíin xa̱bo̱, xómá rí nañáwíin a̱kui̱in Ana̱ꞌlaꞌ Mikhuíí mangaa.