Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
ಕತೋಬಿ ದೇವ್ನ ಆತ್ಮಾಥಿ ಉಬ್ಜಾ಼ನು ಫಲ್ ಶಾತ್ಕತೊ, ಪ್ಯಾರ್, ಶಂತೋಖ್ಹ್, ಸಮಾಧಾನ್, ಖ್ಹಮಾಳಿ ರ್ಹವಾನು, ದಯಾ, ಬಿಜೇಕ್ನ ಮದತ್ಕರಾನು, ವಿಶ್ವಾಸ್, ಆಸ್ಹುಯಿರ್ಹುಸ್. ಶೇದೇವ್, ದೋಭೇಡು ಅಥ್ರಾನುಸ್. ಆ ಅಖ್ಖಾನ ವಿರೋದ್ಥಿ ಖಿವು ಧರ್ಮಶಾಸ್ತ್ರಬಿ ಕೊಯ್ನಿ.
ಇನಖ್ಹಾಜೆ ವಖ್ಹತ್ ರ್ಹವಾನಿಸ್ ವಖ್ಹ್ತೆ ಅಖ್ಖಾನ ಅಛ಼್ಛು ಕರಿಯೆ. ವಿಶೇಷ್ಥಿ ಎಕ್ಕಸ್ ಘರ್ವಾಳನಿತರ ವಿಶ್ವಾಸಿ ಭೈಯೇನ ಕರಿಯೆ.
ತುಮಾರ ಮ್ಹೋಡೆಥಿ ಖಿವು ಖರಾಬ್ ವಾತೆ ನಾ ಆವ್ಣು. ಕತೋಬಿ ಭಕ್ತಿನ ಭಡಾವಾನಿ ಯೋವೇಳ್ಮ ಬೋಲ್ನುತೆ ವಾತೆ ಹುಯಿರ್ಹೇಣು. ತುಮೆ ವಾತೆ ಬೊಲ್ಯಾತೊ ಖ್ಹಮ್ಜಾ಼ವಾಳನಾಬಿ ಅಛ಼್ಛು ದೆಖಾವ್ಶೆ.
ಇನ ಬದಲ್ ಏಕ್ಥಿಏಕ್ ದಯಕರವಾಳಬಿ, ಗೋರ್ ಕರವಾಳಬಿ ಹುಯಿರ್ಹೆವೊ. ದೇವ್ನೆ ತುಮುನ ಕ್ರಿಸ್ತಮ ಮಾಪ್ ಕರ್ಯೊತೆ ಇಮ್ಮಸ್ ತುಮೇಬಿ ಏಕ್ಥಿಏಕ್ ಮಾಪ್ ಕರೊ.
ತುಮಾರಿ ಪ್ಯಾರ್ ಪಾಕ್ ದಿಲ್ಥಿ ರ್ಹವಾದೆ. ಖರಾಬ್ಕಾಮ್ನ ವಹೇರ್ಕರೀನ್, ಅಛ್ಛಾ಼ನ ಧರಿರಾಖೊ.
ಖರಾಬ್ಫನೈಥಿ ನಕೊ ಹರಿಜಾ಼ವೊ. ಖರಾಬ್ ಫನೈನ ಅಛ್ಛಾ಼ಥಿ ಜೂತಿಲೇವೊ.
ತುಮಾರಿ ಛುಟ್ಕಾರ್ ದೇವ್ನಿ ಮಹಿಮೆನಖ್ಹಾಜೆ
"ಅಖ್ಖಾಸ್ ಕಾಮ್ನಾಬಿ ಕರಾನ ಛುಟ್ಕಾರ್ ಛಾ಼" ಕತೋಬಿ ಅಪ್ಣೆ ಕರಿಯೇತೆ ಖ್ಹಾರು ಕಾಮ್ಬಿ ಅಛ್ಛು಼ಕರಿ ಬೋಲಾನು ಬರೋಬರ್ ಕೊಯ್ನಿ." ಖ್ಹಾರುಸ್ ಕಾಮ್ ಕರಾನ ಅದಿಕಾರ್ಛಾ಼ ಕತೋಬಿ ಅಖ್ಖೂಬಿ ಅದ್ಮಿವೋನ ಫಾಯಿದೊ ಕೊಹುಯಿರ್ಹೇಯ್ನಿ.
"ಖರಾಬ್ ವಾಟ್ಮ ಖೇಚೈಜಾ಼ಶುನಕೊ, ಖರಾಬ್ನೊ ಖ್ಹಂಗ್ ಅಛ್ಛಿಚಾ಼ಲ್ನ ಖರಾಬ್ ಕರ್ಶೆ".
ದೇವ್ ಹರೇಕ್ ಥರಾನು ವಾರ್ಖ್ಹೊ ತುಮುನ ಚೆಹಳ್ಥಿ ದ್ಯಾವಾನ ಶಕತ್ವಾಳೊ ಹುಯಿರ್ಹೋತೆ ಇನಾಖ್ಹಾಜೆ ತುಮೆ ಕದೇಬಿ ಖ್ಹಾರೀಸ್ವಾತೆಮ ಭರ್ಪೂರ್ರ್ಹಿಶು. ಬಿಜು಼ ಹರೇಕ್ ಥರಾನು ಅಛ್ಛಾ಼ ಕಾಮ್ನ ಹೋಣುತೆತ್ರು ಕರಾವಾಳ ಹುಯಿರ್ಹೇಣು.
ಅಮ್ಮಸ್ ತಯೇಡಾಬಿ ಮರ್ಯಾದಿಥಿಬಿ ಅಜು಼ ಗ್ರಿಸ್ತಿಥಿರ್ಹೀನ್ ಇಜ಼್ಜತ್ನ ಮಾನಿಜಾ಼ವನು ಲುಂಗ್ಡಾನ ಫೇರ್ನುಕರಿ ಆಖ್ಹ್ ಕರುಸ್. ಇವ್ಣೆ ಘಣಿಥರಾಥಿ ಕೇಖ್ಹ್ನು ಶನ್ಗಾರ್, ಖ್ಹೊನ್ನುಖ್ಹರಪ್ಥಿ ಶನ್ಗಾರ್, ಲುಂಗ್ಡಚಿತ್ರಾಥಿಸ್ ಶನ್ಗಾರ್ ನಾಕರಿಲೇವ್ಣುತೆ, ದೇವ್ನಿವಿಶ್ವಾಸಿ ತಯೇಡಾನ ರ್ಹೇವ್ಣುತೆ ಚಾ಼ಲ್ಚ಼ಲಣ್ಣ ಅಛ್ಛಾ಼ಕಾಮ್ಥಿ ಶನ್ಗಾರ್ ಕರಿಲೇವ್ಣು.
ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್ವಾಳೊ ಹುಯಿರ್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್ಲಾಗವಾಳೊ ಹುಯಿರ್ಹೋಸ್.
ಅನಖ್ಹಾಜೆಸ್ ತುಮೆ ತುಮಾರಿ ಪೂರ ಮನ್ಥಿ ವಿಶ್ವಾಸ್ನ ಜೋ಼ಡೆ ಅಛ್ಛಿ ಗುಣಾನ, ಅಛ್ಛಿ ಗುಣಾನ ಜೋ಼ಡೆ ಅಛ್ಛಿಗ್ಯಾನ್ನ ಮಳಾವೊ. ಅಛ್ಛಿ ಗ್ಯಾನ್ನ ಜೋ಼ಡೆ ಖ್ಹುದ್ನ ಖ್ಹಮಾಳಿಲ್ಯವಾಮ, ಖ್ಹಮಾಳನ ಜೋ಼ಡೆ, ಭಾಲ್ನ, ಭಾಲ್ನ ಜೋ಼ಡೆ ಅಛ್ಛಿ ಭಕ್ತಿನ, ಮಳಾವೊ. ಭಕ್ತಿನ ಜೋ಼ಡೆ ಭೈಯೆ-ಭೇನೇನ ಗಳ್ಜೋ಼ಡ್ಮ, ಭೈಯೆ-ಭೇನೇನ ಗಳ್ಜೋ಼ಡೆ ಪ್ಯಾರ್ನ ಮಳೈಲೆವೊ.
ತುಮೆ ಕದೇಬಿ ಅಛ಼್ಛುಕರಾನ ದಿಲ್ಲಗಾಡವಾಳು ಹುಯಿರ್ಹಾತೊ ತುಮುನ ಕೇಡ್ ಕರಾವಾಳು ಕೋಣ್ರ್ಹಿಶೆ?
ಅಜು಼ ಕೋಣ್ಬಿ ದೀವೊ ಲಗಾಡಿನ್, ಕೋಳ್ಗಾನಹೇಟ್ ಮ್ಹೇಲಾಕೊಯ್ನಿ; ಅನಬದಲ್ ಘರ್ಮ ಛಾ಼ತೆ ಹರೇಕ್ನ ಉಜಾ಼ಳು ದ್ಯವಾನಿತರ ದೀವೊ ಮ್ಹೇಲಾನಿ ಖಂಬಾಪರ್ ಮ್ಹೇಲಾಸ್. ಅಮ್ಮಸ್ ತುಮಾರು ಉಜಾ಼ಳು ಅದ್ಮಿನ ಖ್ಹಾಮ್ಣೆ ಉಜಾ಼ಖ್ಹ್ ಹುವಾದೆ, ಅನೇಥಿ ತುಮೆ ಕರಾತೆ ಅಛ್ಛು಼ಕಾಮ್ನ ಇವ್ಣೆ ದೇಖಿನ್, ಸೊರ್ಗಾಮ ಛಾ಼ತೆ ತುಮಾರ ಬಾನ ಖ್ಹರಾವ್ಶೆ.
ಪರ್ಲೋಕ್ನೊ ತುಮಾರೊ ಬಾ ಗೋರ್ಕರಾವಾಳೊ ಹುಯಿರ್ಹೋತೆ ಇಮ್ಮಸ್, ತುಮೇಬಿ ಗೋರ್ ಕರಾವಾಳೊ ಹುಯಿರ್ಹೇವೊ.
Este artigo te tocou? Faça uma oração!
+581 estão orando agora.
Junte-se à corrente de oração.