Bíblia

16 Masimbo gonda gya Nguluvi gasimbilwe kwa ulongochi va Nguluvi na gikwidikilwa kwa kuwulanichila undakyene, kuvayakilila vanu nongwa chawo na kuvalongochela vanu vikale kwa unofu, 17 neke munu va Nguluvi aveche na udikilwe na ahaguliwe kwa kugita kasi yeyonda nofu.

15 nave wikwiwuka kuva kuvangila uwana vako ugachele Masimbo ga Nguluvi gyegiwesa kukugavila uginyange veuleta ulowa kwa ngasi lya kumdikila Kilisito Yesu. 16 Masimbo gonda gya Nguluvi gasimbilwe kwa ulongochi va Nguluvi na gikwidikilwa kwa kuwulanichila undakyene, kuvayakilila vanu nongwa chawo na kuvalongochela vanu vikale kwa unofu, 17 neke munu va Nguluvi aveche na udikilwe na ahaguliwe kwa kugita kasi yeyonda nofu.

20 Pautalo lya njowo chonda wiwuke kuva kuhela uvichi mu masimbo gyegihumila na uganulo va ngita akela mvichi yumwene, 21 ila vanu valongile njowo icho chechihuma kwa Nguluvi ngita ndeni valongwichwe na Muhe va Nguluvi.

15 Kangale kugita unofu neke Nguluvi akwidikile ngita mnyigendwa yeseilola nyoni pakyanya lya kasi lyake na yeiwulanicha unofu njowo cha undakyene.

2 dalike luchowo lwa Nguluvi, kwa chipindi kyeking’ang’wa awu seking’ang’wa, kanile na lakilile na kuvanamacha vanu kwa luhuvililo vonda kwa kuvawulanicha unofu.

13 Mufigono fyonda endelela kuvadalikila vanu na kuvawulanicha mbaka pendikwacha.

12 Luchowo lwa Nguluvi ligehe na wumi na ludali, ndi ling’ali kuchumba lipanga leligehe na mang’ali lyeliwesa kudumula kuno na kuno, na kwingila na kunengecha numbula na muhe, mbaka pale pefitang’anila fiwungo fya muvili na uloto. Luchowo ulo ugubutula natilo na mahocho gya numbula cha vanu.

35 Luhano na inyi chichumba, ila njowo changu dasechichumba.

4 Yesu akamuhigile, "Isimbilwe mumasimbo ga Nguluvi,

Munu seakwikala kwa kuliya libumunda hela, ila kwa kila luchowo lyeilonga Nguluvi."

17 Daada, ndikusuka uvagite vanu vako hilo kwa kulichela luchowo lyako, kwakuva luchowo lyako ndi undakyene.

39 Mukugalola hilo Masimbo ga Nguluvi, kwakuva mwihocha kuva mugati lyake damumwanuka uwumi va mbepali. Masimbo ago gakundilongelela nene!

25 Ila luchowo lwa Mtwa lisigala mbepali."

Na luchowo ulo ndi ilyo Njowo Nofu lyelilanduchwe kwa nyenye.

11 Vanu va ukoya vakali vakumpulikicha Nguluvi kuvagina vala va ukoya ku Tesalonike. Avo vanu va Beleya vakawanuke wula unanzi na kugakwimba na kugaganula masimbo ga Nguluvi kila kigono, neke kulola ngita gegalongilwe na Paulo gakali ndakyene.

2 Paulo ngita peachovie, akaingile mu kaye lya Kufunyila Vayawudi, mufigono fya Kutulula fyefilongachine, akaywanga navo kwa kutumila Masimbo ga Nguluvi. 3 Akaywangile na kuwonesa kuva ing’wang’wa Kilisito agudwe na baho achulubuke, akalonga, "Uyu Yesu yendikuvalongela ndi Kilisito."

30 Filipo akanyilile pepi na lila ligelete na kumpulika munu uyo ekwimba kiganulo kya mvichi va Nguluvi yeikemelwa Isaya. Filipo akamuwucha, "Ifi fyewukwimba ukuvichela?" 31 Yula munu akamhigile, "Ndewesa wuli kuchela bila munu kuniwulanicha?" Akamlongie Filipo akang’ale muligelete neke vakale pamwi. 32 Yula munu yeafuwe kumagulu akali ekwimba masimbo aga mang’alila,

"Akali ngita kondolo yeisindikwa kuhinjwa,

ngita Mwanang’ondolo,

peichika peidumulwa magala

na mwene seilonga kinu kyokyonda.

35 Baho Filipo akavangile bahala pa Masimbilo Mang’alila, akamlongie Njowo Nofu cha Yesu.

25 Yesu akavalongie, "Wuli, muvapufi na numbula chenu ndi mikangafu kwidikila gonda gegalongilwe na vavichi va Nguluvi! 26 Wuli, seitakilwe Kilisito kugudwa kwa ng’asi ilyo na pambele kwingila muukomi vake?" 27 Ndipo Yesu akavahumulile makani gyonda gyegasimbilwe gyegikumlonga mwene Mumasimbo gya Nguluvi kuvangila mukiganulo kya Musa mbaka vavichi va Nguluvi vonda.

18 Yesu akavahegeliye pepi, akavalongie, "Ndigavilwe umwimike vonda kuluhano na painyi. 19 Ndeni, muhelele mukavagite vanu va inyi yonda vaveche vachulila vangu, mukivabatisa kwa litawa lya Daada na lya Mwana na Muhe va Nguluvi. 20 Muvawulaniche kukolele makani gyonda gyendivaswitiliche nyenye. Ndakyene nene ndigehe pamwi na nyenye kigono kyonda mbaka kumwiso va inyi."

7 Pemuhelela kudalika, mukalonge kuva, ‘Ung’achale va kuluhano kwa Nguluvi ugehe pepi.’

Kumalisila

18 Nene Yohani ndikuvalakalila nyenye vonda ve mupulika machowo gya uvichi va kiganulo iki. Munu yeyonda yeikongelecha kinu kyokyonda mumachowo agya, Nguluvi daakumwongechela magudo gyegasimbilwe mukiganulo iki. 19 Ngita munu yoyonda akipungucha kyokyonda mumachowo gya uvichi va kiganulo iki, Nguluvi daakumnyaga pono lyake palila libiki lya wumi na ku mwani gula mkomi, chechisimbilwe mukiganulo iki.

Kwihela Njowo nofu chingi

6 Ndiduduvala hilo, kwa chipindi kidodo hela kichumbile, nyenye mukumuleka Nguluvi kisatu yeavakemele kwa usanzi va Kilisito na mufwata njowo nofu cha udesi. 7 Ila kuhela, "Njowo nofu cha udesi," Undakyene ndi kuva kugehe na vanu vevakuvahanganya nyenye, kangi avo vasaka kusedusa Njowo nofu cha Kilisito. 8 Ila kwa nefwe awu ndumindumi yeahumile kuluhano ikwacha na kuvadalikila njowo nofu yingi, sechiwana na Njowo nofu chetuvadalikile nefwe, munu uyo akatoliwe! 9 Ngita petulongile daha, nondee ndilonga kangi, ngita munu yeyonda akuvadalikila njowo nofu yingi, yeseiwana na yila yemuwanuke suwe, munu uyo akotoliwe!

15 Mwing’ang’wa kuchela uhuvililo va Mtwa vetu nde ukuvagita vanu mulowolwe ngita ndeni likolo veyu yetukelie Paulo peavasimbiye kuhumila na uginyange weagavilwe, 16 ngita peilonga pakyanya lya makani aga mu baluwa chake chonda. Makani gangi mu baluwa ichi ndi ngakafu kuchela na makani ambagyo vanu vapufi na sevadikilwa, vanu ava uhecha mana lya kuvayagicha vanu kwa masimbo gangi. Ila kwa kugita ndeni vakwiyanangika vavene.

4 Kwakuva gyonda gegasimbilwe pamwandi, gasimbilwe neke kutuwulanicha nefwe, masimbo aga kangi gitutanga kuhuvilila na kutugangamicha neke tuveche na luhuvililo.

14 Nondee davakumsuka wuli, yula sevakumdikila? Baho davakumdikila wuli, yula sevakumpulika Njowo chake? Na davapulika wuli, ngita kwihela munu va kuvadalikila? 15 Na vanu davadalika wuli, ngita sevalagilichwe? Ngita masimbo ga Nguluvi pegilonga, "Lolele peiveche unofu kwacha kwa vanu kuvadalikila Njowo Chinofu!" 16 Ila sevonda vevawanuka Njowo Chinofu, ngita Isaya mvichi va Nguluvi pealongile, "Mtwa, ndi ani yeadikile unanzi vetu?" 17 Kwihela yeivecha na ludikilo peseipulika luchowo lya Njowo Nofu cha Kilisito.

Njowo Chinofu cha Kilisito igehe na ludali

16 Sendiwona nyoni kudalika Njowo chinofu, kwakuva chigehe na ludali lwa Nguluvi kuvalowa kila munu yeakuidikila, kwa Vayawudi tandi, kangi kwa vanu se Vayawudi. 17 Kwakuva Njowo chinofu chiwonesa wachi kuva Nguluvi peavakuvagita vanu kuva vasanzi pautalo lyake kwa ng’asi lya kudikila, kuvangila pamwandi mbaka kumwiso, ngita peisimbilwe mumasimbo ga Nguluvi, "Munu musanzi pautalo lya Nguluvi dakwikala kwa kudikila."

12 Nondee, nefwe setukawanuke Muhe va inyi, ila tukawanuke Muhe veuhumile kwa Nguluvi neke atugite tuveche kugachela gala gyetugavilwe na Nguluvi.

13 Ila nefwe setulonga kwa makani gyetuwulanichwe kwa uginyange va munu, ila kwa makani gyetuwalanichwe na Muhe va Nguluvi, tukilonga makani gya Muhe kwa vala vanu vene Muhe va Nguluvi. 14 Munu yeihela Muhe va Nguluvi, seawesa kuwanuka makani gyegihuma kwa Muhe va Nguluvi. Vihocha kuva nde makani gya upufi. Seiwesa kuchela kwakuva ago chichelwa kwa lutango lwa Muhe va Nguluvi.

21 Kwakuva muuginyange va Nguluvi, vanu sevawesa kumchela Nguluvi kwa kuhuvilila uginyange vawo. Ila Nguluvi akeliye kuvalowa vala vevadikila wula unanzi vetukuudalika, veukemilwe na vene uginyange kuva ndi upufi.

22 Vayahudi visaka vimanyilo neke vadikile na Vagiliki visaka uginyange neke vadikile. 23 Ila nefwe tukumlandula Kilisito yeavambilwe palipimdilihicho, unanzi ugu kwa Vayahudi ukuvagita vavipe na kwa vanu se Vayawudi nde upufi. 24 Ila kwa vala vonda vevakemeliwe na Nguluvi vaveche Vayawudi awu vaveche vanu se Vayawudi, Kilisito nde ludali lwa Nguluvi na uginyange va Nguluvi.

17 Kilisito seanilagiliche kuvabatisa vanu ila kudalika Njowo Nofu na ndigite ndeni se kwa kulonga njowo cha uginyange cha vanu cha kuvayovelecha, neke kufuwa kwa Kilisito pakipindilihicho kubihile kuyaganicha ludali chake.

9 Ila nyenye ndi vanu mwemuhaguliwe na vatekechi va kaye lya king’achale. Nyenye ndi inyi yeihaguliwe kwajili lya Nguluvi na ndi vanu va Nguluvi yumwene neke mulanduche magito ganofu lya yula yeavakemeliye muhege mukisi na mwingile mu welu lwake lwa umanyitu.