16 Maandiko Matakatifu gandichigwa kwa kuwichigwa Muhe wa Nguluwi na ganoga kwa kulangusa kukomya na kukanya wanhu kuli wihe wa hewo na kuwika goya wihe wowaditile na kuwalongoza wanhu wekale kuli ukomu wa kumnojeza Nguluwi, 17 leka munhu yalingumkunda Nguluwi yawe yanojile ng’hatu na yawe yewichile goya kudita mijito jinojile.

15 kwangukumbuka kota kulawila vyouwele mwana kugazela Maandiko Matakatifu gawele goweza kukupa luhala lulingigala ulohozi kwa kukolela makundo gawele kwa Kilistu Yesu. 16 Maandiko Matakatifu gandichigwa kwa kuwichigwa Muhe wa Nguluwi na ganoga kwa kulangusa kukomya na kukanya wanhu kuli wihe wa hewo na kuwika goya wihe wowaditile na kuwalongoza wanhu wekale kuli ukomu wa kumnojeza Nguluwi, 17 leka munhu yalingumkunda Nguluwi yawe yanojile ng’hatu na yawe yewichile goya kudita mijito jinojile.

20 Menji ga ago, ila, mvizele kota kuduhu munhu yoneche yoweza kutang’hula kota vyoyalingugana yuye uloli uwele kuli Maandiko Matakatifu. 21 Mina kuduhu usenga wa chiuloli ulingulawa kwa kugana munhu, ila hamba wanhu nawalavya uloli ulawile kwa Nguluwi wolongozwa na Muhe Yelile.

15 Wikangaze kudita galingumnojeza Nguluwi uwe chitumagwa yohambe yone soni kuli mijito ja heye na yawele kulangusa ulonzi wa kukomya wa Nguluwi kota vyoilinguganigwa.

2 Ndangukulajiza udamle awo usenga wa Nguluwi, ung’ang’anile kudamla kuli mhela unojile ama mhela haunojile na ung’anuche na kukanya na kuwakangaza nhumbula wanhu houwalangusa kwa wimililo weng’ha.

13 Mazuwa gose ulutilile kikangaza kuwasomela wanhu ne uviso Maandiko Matakatifu, kudamla na kulangusa mbaka hondikuya.

12 Usenga wa Nguluwi ukomu na una ludali, ndo unoleka kusinda ipanga liwele na kunoleche kwili. Lyangwinjila kota ipanga mbaka mgati hawele nhumbula na muhe vyangiting’hana, mbaka mgati mwa vitomo vya lukuli na mafuta gawele mgati mwa izeje. Ulonzi awo wangupembula kugana majesa ga nhumbula za wanhu.

35 Ulanga na isi zopuluta, ila ulonzi wa heni haupuluta hebu.

4 Yesu nakedichila, "Nayandichigwa kuli Maandiko Matakatifu, ‘Munhu hochikala kwa kulya ibumunda hela, ila kwa chila ulonzi ulingulawa kwa Nguluwi.’ "

10 Kota vila nhonya na seluji vyovilingudulika kulawa kilanga,

havilinguhiluka ako kahi, ila vyangujidodezaga misanga,

na kujidita mizuchila jizuche na kukula,

vyangumhaga mlimi nyhadikwa na kuwapa wanhu chilyo.

11 Hihyo du na ulonzi wa heni,

hauhiluka kwa heni kahi ne kulutilila goya,

ila wokweneza lila lyonuwile,

wolutilila goya kuli kunuwila kondikuwichile.

17 Uwawiche chiuyeng’ha, ulonzi wa hegwe ndo kukomya.

39 Hemwe mwangugalolaga goya Maandiko Matakatifu kuno mchijesa kota mgati mwake mopata ukomu wa mazuwa gose, maandiko gago gangulonga kuwala heni.

25 Ila ulonzi wa Mkulu wangikala mazuwa gose."

Ulonzi awo ndo Mbuli Inojile yila idamligwe kwa hemwe.

9 Msongolo koulolela ndaze ukomu wa heye leka uwe welile?

Kwa kuwinza ulonzi wa hegwe.

160 Ulonzi wa hegwe weng’ha ndo wa kukomya,

nhaguso za hegwe zeng’ha ndo za kutanganika, zangikala mazuwa gose.

11 Wanhu wa ako nawali walinguhulichiza ng’hatu kusinda wanhu wa Tesalonike. Nawasangalala lowahuliche usenga woyawalonjele Paoli. Nawagalola goya Maandiko Matakatifu kuli chila zuwa, leka kuvizela kota gowahuliche ndo gakukomya.

2 Paoli nakenjila kuli sunagogi kota vyoyazowele, nakalongasa nawo kwa mhela wa mazuwa gadatu ga kwesela kwa Maandiko Matakatifu. 3 Nakawalonjela na kuwalajila kota naiganigwa Kilistu kugazigwa na kuzilipuka kulawa kwa wabagame. Nakawalonjela, "Yesu yawele heni ndangumdamla kwa hemwe ndo Kilistu."

30 Filipo nakabilimila habehi na mutuka, nakamhulika ayo munhu yosoma chitabu cha mloli Isaya. Filipo nakamuuza, "Ndaze, kwangugazela ago goulingugasoma?" 31 Ayo munhu nakamwidichila, "Ndovizela ndaze wone haduhu munhu wa kundongoza?" Aho nakamchema Filipo yakwine kuli mutuka, yekalise hamwe na heye. 32 Lelo, honhu ha Maandiko Matakatifu hoyawele yosoma nayali ahi,

"Nayali kota ing’holo lilinguhilikwa kudumuligwa singo,

tulu kota vila lyana ing’holo holidumuligwa milaika,

heye halavile lizi ne hado.

35 Lelo, Filipo nakaluchila honhu ha ago Maandiko Matakatifu, nakamlonjela Mbuli Inojile kuwala Yesu.

10 Esila nayali yelavile kwa nhumbula ya heye yeng’ha kilangusa malajizo ga Mkulu Nguluwi na kugahulichiza na kuwalangusa wanhu wa Isilaeli malajizo na mizilo ja Nguluwi.

25 Yesu nakawalonjela, "Lekachoni mwawapoka ahi na nhumbula za hemwe hambe zikunde geng’ha galonjigwe na waloli? 26 Ndaze, haimganile Kilistu kugazigwa kwa nzila ayo hamba yenjile kuli welile wa heye?" 27 Nakawatang’hulila mbuli zeng’ha zilingumuwala heye kuli Maandiko Matakatifu, kwaluchila chitabu cha Musa mbaka waloli weng’ha.

18 Yesu nakoya habehi, kawalonjela, "Mpegwa ludali lweng’ha kilanga na muisi. 19 Lelo mlute, mkawadite wanhu wa isi zeng’ha wawe walanguswa wa heni, muwabatize kwa itagwa lya Mhaza na lya Mwana na lya Muhe Yelile. 20 Muwalanguse kibatilila malajizo geng’ha gondiwapele. Na heni nda hamwe na hemwe mazuwa geng’ha, mbaka kuduma kwa isi."

7 Mlute mkawalonjele kota ‘Undewa wa kilanga wa habehi.’

8 Hamba ulonzi wa Mkulu Nguluwi naumuyila Eliya na kulonga,

1 Ulonzi wa Mkulu Nguluwi naumuyila Yoeli, mwana wa Petueli.

1 Ulonzi wa Mkulu Nguluwi naumuyila Malachi yawalonjele Waisilaeli.

8 Ulonzi wa Mkulu Nguluwi naumbuyila heni Sekaliya na kundonjela,

4 Hamba ulonzi wa Mkulu Nguluwi naumuyila Isaya, naulonga,

1 Mkulu Nguluwi nakamemeza heni muhe wa heye,

kwa vila Mkulu Nguluwi nakambakaliza heni mafuta kunyhagula,

nakandajiza ndiwegalile wazunwa mbuli inojile,

ndiwakangaze watweguche nhumbula,

ndiwawikulile kilejeha kwa wapogozi wa ngondo,

kudoholigwa kwa wanweng’hwa.

2 Nakandajiza ndiuwikule mwaka wa isungu lya heye, Mkulu Nguluwi

zuwa lya heye lya kuhilula chibida,

na kuwahembuliza weng’ha walingulombocheza,

3 ndiwape wala wawele na masinzo ako Yelusalemu,

itaji lya uluwa honhu ha mivu,

mafuta ga kusangalala honhu ha kulombocheza,

ivalo lya lutogo honhu ha kutweguka nhumbula.

Nawo wochemigwa mialoni ja hachi,

joyanyalile Mkulu Nguluwi,

kulajila ukulu wa heye.

5 Ulonzi weng’ha wa Nguluwi ndo wenela,

heye ndo ngawo ya hewo weng’ha walingumbilimila.

6 Uleche konjeza ulonzi kuli ulonzi wa heye,

leka yaleche kukung’hanuchila, nagwe kokoneka kwa mdesi.

18 Heni ndanguwakanya weng’ha walinguhulika mbuli za uloli uwele kuli chitabu achi, munhu yoneche yokonjeza choneche kuli mbuli ayo, Nguluwi komonjezela nongwa zandichigwe kuli chitabu achi. 19 Munhu yoneche yopungula choneche kuli ulonzi wa uloli uwele kuli chitabu achi, Nguluwi komsukula honhu ha heye kuli lila igodi lya ukomu na honhu ha heye kuli muji welile, uwele ulonjigwe kuli chitabu achi.

6 Ndangububuwala kwa vila kwa mhela uchefu hela mwangumleka Nguluwi yawele nakawachema kwa isungu lya Kilistu na kuwinza usenga wunji ulingoneka kota Mbuli Inojile. 7 Ndangukomya, kuduhu Mbuli Inojile yinji. Ila ndangulonga aga kwa vila ndanguvizela kota wakuko wanhu walinguwahada, wanhu walingugana kuyajiliza Mbuli Inojile ya Kilistu. 8 Ila, wone yawe yumwe wa hetwe ama mhilisi wa kilanga, kowadamlila usenga wunji na ulivinji na wula uwele natuwadamlila, munhu ayo yapanjilwe na Nguluwi! 9 Kota vyotulonjile, sambi ndangulonga kahi, wone munhu yoneche kowadamlila mbuli inojile ilivinji na yila yomuibochele, munhu ayo yapanjilwe na Nguluwi!

15 Mwanguganigwa kona kwimilila kwa Mkulu kuwe ndo mhumhu walingupegwa wanhu leka waloholigwe, kota Paoli mng’holozetu yotumganile navyoyawandichile kwa luhala kota navyoyapegwe na Nguluwi. 16 Ago ndo yalingulonga kuli baluwa za heye zeng’ha hoyosimila mbuli ayo. Zabaho mbuli zinji kuli baluwa za heye zohaziwele ubewe kuzizela, mbuli iwele wanhu wapoka, wohawemile nzinzili, wagagalusaga kota vyowalingugalusa honhu hanji ha Maandiko Matakatifu. Ahyo wangigalila kudumigwa kwa hewo wawo.

4 Mina, geng’ha gandichigwe katali nagandichigwa kwa chiwalo cha kutulangusa hetwe kwa ubetezo na kikangaza kotulingupegwa na ago Maandiko Matakatifu tuwe na lya kitumbila.

14 Lelo, womlanda ndaze heye yula hambe wamkunde? Kahi, womkunda ndaze yula hawanahulika mbuli za heye? Wohulika ndaze mbuli za heye wone kuduhu munhu yalingudamla? 15 Wanhu wodamla ndaze wone hawatumigwe? Kota Maandiko Matakatifu vyogalingulonga, "Ndo mbuli ya kunojeza lukami kuya kwa wala walingudamla Mbuli Inojile!" 16 Ila haiwele wanhu weng’ha waikundile Mbuli Inojile. Mina Isaya nakalonga, "Mkulu, ndo whaani yaukundile usenga wa hetwe?" 17 Ahyo lelo, makundo ganguya kwa kuhulika usenga, nawo usenga wanguya kwa ulonzi wa Kilistu.

16 Hambembone soni kudamla Mbuli Inojile, kwa vila ina mong’ho wa Nguluwi ilinguwalohola weng’ha walingukunda. Wawe Wayahudi na wala hawawele Wayahudi. 17 Kwa vila Mbuli Inojile yangulajila hazelu Nguluwi vyoyawele nguwadita wanhu watanganiche kwa heye, wanhu wanguwa ahi kwa kukunda, kulawila mwaluko mbaka kuduma, kota vyogandichigwe. "Munhu yatanganiche kochikala kwa makundo."

12 Lelo, hetwe hatumbochele muhe wa isi, ila natumbochela Muhe yalingulawa kwa Nguluwi leka yatuzelese gala gotupegwe na Nguluwi.

13 Lelo, hetwe twangulangusa, haiwele kwa ulonzi wotulangusigwe na luhala lwa munhu, ila kwa ulonzi wotulangusigwe na Muhe, twangulonga goya mbuli za Muhe kwa wala wawele na Muhe. 14 Munhu yalihela Muhe hambe yaweze kubochela mbuli zilingulawa kwa Muhe wa Nguluwi. Kwa vila ndo upoka kwa heye, kahi hambe yavizele kwa vila zanguzeleka kwa utanzi wa Muhe.

21 Kwa vila kwa luhala lwa Nguluwi, wanhu hawoweza kumzela Nguluwi kwa luhala lwa hewo wawo. Ila Nguluwi nakagana kuwalohola wala walingukunda kwa kukolela chila chiwele wawele na luhala wanguchona kota ndo upoka, mina ndo usenga wotulinguudamla.

22 Wayahudi wangugana ulajilo na Wagilichi wangupala luhala, 23 ila hetwe twangumdamla Kilistu yawele nakawambigwa. Kwa Wayahudi mbuli ayi yangoneka kota izudizo na kwa wanhu wa isi zinji ndo upoka. 24 Ila kwa wala wachemigwe na Nguluwi, Wayahudi na Wagilichi, Kilistu ndo mong’ho wa Nguluwi na luhala lwa Nguluwi.

17 Kilistu handajize kuya kubatiza, ila kudamla mbuli inojile, ndamle ne kitumbila uwanzi wa wanhu leka mong’ho wa kubagama kwa Kilistu kuli msalaba utawizwe.

9 Ila hemwe ndo lukolo luhaguligwe, watambika wa Mndewa, nhanzi yelile na wanhu wa heye Nguluwi, womhaguligwe kudamla madito makulu ga Nguluwi yawacheme kulawa kuli jiza na kuwenjizani kuli lumuli lwa heye lukulu.